ଭାରତ ଆସିବେ ସୁନୀତା ! ପ୍ରଧାନମନ୍ତ୍ରୀ ମୋଦି ଲେଖିଲେ ଚିଠି

Sunita Williams: ନାସାର ମହାକାଶଚାରୀ ସୁନିତା ୱିଲିୟମ୍ସ ଏବଂ ବୁଚ୍ ୱିଲମୋର ଆନ୍ତର୍ଜାତୀୟ ମହାକାଶ କେନ୍ଦ୍ରରୁ ପ୍ରାୟ ନଅ ମାସ ପରେ ପୃଥିବୀକୁ ଫେରିବାକୁ ଯାଉଛନ୍ତି। SpaceX କ୍ୟାପସୁଲ କ୍ରୁ-୯ ସୁନିତା ଏବଂ ୱିଲମୋରଙ୍କୁ ନେଇ ପ୍ରସ୍ଥାନ କରିଛି। ପୃଥିବୀକୁ ଫେରିବା ପରେ, ସୁନିତା ୱିଲିୟମ୍ସ ଖୁବ୍ ଶୀଘ୍ର ଭାରତ ଆସିପାରନ୍ତି। ପ୍ରଧାନମନ୍ତ୍ରୀ ମୋଦି ତାଙ୍କୁ ଏକ ଚିଠି ଲେଖି ଭାରତ ଆସିବାକୁ ନିମନ୍ତ୍ରଣ କରିଛନ୍ତି ।

କେନ୍ଦ୍ରମନ୍ତ୍ରୀ ଡକ୍ଟର ଜିତେନ୍ଦ୍ର ସିଂହ ପ୍ରଧାନମନ୍ତ୍ରୀ ମୋଦିଙ୍କ ଦ୍ୱାରା ସୁନିତା ୱିଲିୟମ୍ସଙ୍କୁ ଲେଖାଯାଇଥିବା ଚିଠିଟି ସେୟାର କରିଛନ୍ତି। ପ୍ରଧାନମନ୍ତ୍ରୀ ମୋଦି ଲେଖିଛନ୍ତି, 'ଯଦିଓ ଆପଣ ହଜାର ହଜାର ମାଇଲ ଦୂରରେ ଅଛନ୍ତି, ଆପଣ ଆମ ହୃଦୟର ବହୁତ ନିକଟତର।'

ପ୍ରଧାନମନ୍ତ୍ରୀ ମୋଦି ମାର୍ଚ୍ଚ ୧ ତାରିଖରେ ସୁନିତା ୱିଲିୟମ୍ସଙ୍କୁ ଏହି ଚିଠି ଲେଖିଥିଲେ। ଯେଉଁଥିରେ ଲେଖାଯାଇଛି, 'ମୁଁ ଆପଣଙ୍କୁ ଭାରତର ଲୋକଙ୍କ ପକ୍ଷରୁ ଶୁଭେଚ୍ଛା ଜଣାଉଛି । ଆପଣଙ୍କ ସଫଳତା ପାଇଁ ୧୪୦ କୋଟି ଭାରତୀୟ ସବୁବେଳେ ଗର୍ବିତ। ସାମ୍ପ୍ରତିକ ଘଟଣାଗୁଡ଼ିକ ଆପଣଙ୍କର ପ୍ରେରଣାଦାୟକ ଦୃଢ଼ ନିଷ୍ପତ୍ତିକୁ ସାମ୍ନାକୁ ଆଣିଛି। ଭାରତର ଲୋକମାନେ ଆପଣଙ୍କ ସୁସ୍ଥତା ଏବଂ ମିଶନର ସଫଳତା ପାଇଁ ପ୍ରାର୍ଥନା କରୁଛନ୍ତି।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆହୁରି ଲେଖିଛନ୍ତି ଯେ ଆପଣଙ୍କ ମାଆ Bonnie Pandya ସୁରକ୍ଷିତ ପ୍ରତ୍ୟାବର୍ତ୍ତନ ପାଇଁ ଉତ୍ସାହର ସହିତ ଅପେକ୍ଷା କରିଛନ୍ତି ଏବଂ ମୁଁ ପୂର୍ଣ୍ଣ ବିଶ୍ୱାସ ଯେ ସ୍ୱର୍ଗତ ଦୀପକ ଭାଇଙ୍କ ଆଶୀର୍ବାଦ ମଧ୍ୟ ତୁମ ସହିତ ରହିଥିବ । ମୋର ମନେ ଅଛି ଯେତେବେଳେ 2016 ମସିହାରେ ଆମେରିକା ଯାଇଥିଲି, ଉକ୍ତ ସମୟରେ ତୁମ ସହିତ ମୁଁ ତାଙ୍କୁ ମଧ୍ୟ ଭେଟିଥିଲି।

As the whole world waits, with abated breath, for the safe return of Sunita Williams, this is how PM Sh @narendramodi expressed his concern for this daughter of India.
“Even though you are thousands of miles away, you remain close to our hearts,” says PM Sh Narendra Modi’s… pic.twitter.com/MpsEyxAOU9

— Dr Jitendra Singh (@DrJitendraSingh) March 18, 2025

ଆପଣ ମହାକାଶରୁ ଫେରିବା ପରେ ଆମେ ଆପଣଙ୍କୁ ଭାରତରେ ଭେଟିବାକୁ ଅପେକ୍ଷା କରିଛୁ। ଦେଶର ମହାନ ଝିଅକୁ ଆତିଥ୍ୟ ଦେବା ଭାରତ ପାଇଁ ଆନନ୍ଦର ବିଷୟ ହେବ। ଏହି ଚିଠିରେ ପ୍ରଧାନମନ୍ତ୍ରୀ ମୋଦି ସୁନିତା ୱିଲିୟମ୍ସଙ୍କ ସ୍ୱାମୀ ମାଇକେଲ୍ ୱିଲିୟମ୍ସଙ୍କୁ ମଧ୍ୟ ଅଭିନନ୍ଦନ ଜଣାଇଛନ୍ତି ।