ଜେଲରେ କେଜ୍ରିୱାଲଙ୍କୁ ଭେଟିପାରିବେ ନାହିଁ ପତ୍ନୀ ସୁନୀତା ଅଗ୍ରୱାଲ !

Updated: Saturday, April 13, 2024, 15:41 [IST]

Delhi Excise Policy Case: ମଦ ଦୁର୍ନୀତି ମାମଲା । ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦି କେଜ୍ରିୱାଲଙ୍କ ସହ ତାଙ୍କ ପତ୍ନୀଙ୍କୁ ବ୍ୟକ୍ତିଗତ ସାକ୍ଷାତ କରିବା ପାଇଁ ଅନୁମତି ମିଳିଲା ନାହିଁ । ଯାହାକୁ ବିରୋଧ କରିଛନ୍ତି ସଞ୍ଜୟ ସିଂହ । ସେ କହିଛନ୍ତି, ହତ୍ୟା କରିଥିବା ଅପରାଧୀଙ୍କୁ ଭେଟିବା ପାଇଁ ଅନୁମତି ଦିଆଯାଉଛି ହେଲେ ଜଣେ ମୁଖ୍ୟମନ୍ତ୍ରୀଙ୍କ ପ୍ରତି ଏପରି ବ୍ୟବହାର କାହିଁକି ବୋଲି ସଞ୍ଜୟ ସିଂ ପ୍ରଶ୍ନ କିଛନ୍ତି ।

ଏକ ସାମ୍ବାଦିକ ସମ୍ମିଳନୀରେ ଆପ୍ ନେତା ସଞ୍ଜୟ ସିଂହ ତିହାକ ଜେଲର କର୍ତ୍ତୃପକ୍ଷଙ୍କ ଉପରେ ବର୍ଷଛନ୍ତି । ସେ କହିଛନ୍ତି, କେଜ୍ରିୱାଲଙ୍କ ପତ୍ନୀ ସୁନୀତା କେଜ୍ରିୱାଲ ତାଙ୍କ ସ୍ୱାମୀଙ୍କ ସହ ଭେଟିବା ପାଇଁ ଆଦେବନ କରିଥିଲେ, ହେଲେ ତାଙ୍କୁ ଭେଟିବା ପାଇଁ ଅନୁମତି ମିଳି ନାହିଁ । ଏହା ପୂର୍ବରୁ ପଞ୍ଜାବ ମୁଖ୍ୟମନ୍ତ୍ରୀଙ୍କ ସହ ମଧ୍ୟ ଅରବିନ୍ଦ କେଜ୍ରିୱାଲଙ୍କୁ ଭେଟି ଆଲୋଚନା କରିବା ପାଇଁ ଅନୁମତି ମିଳିନଥିଲା । ଆମେ କେବଳ ଝରକା ବାଟ ଦେଇ ଅରବିନ୍ଦ କେଜ୍ରିୱାଲଙ୍କୁ ଭେଟି ପାରିଥିଲୁ ।

ସେ ଆହୁରି କହିଛନ୍ତି, ହତ୍ୟା ଅଭିଯୁକ୍ତମାନଙ୍କୁ ବାରାକ୍ ଦେଇ ଭେଟିବା ପାଇଁ ଅନୁମତି ମିଳୁଛି, ହେଲେ ଦିଲ୍ଲୀ ମୁଖ୍ୟମନ୍ତ୍ରୀଙ୍କୁ ଭେଟିବା ପାଇଁ କ'ଣ ପାଇଁ ଦିଆଯାଉ ନାହିଁ । ଏପରି ବ୍ୟବହାର କ'ଣ ପାଇଁ କରାଯାଉଛି। ଦିଲ୍ଲୀ ମୁଖ୍ୟମନ୍ତ୍ରୀଙ୍କ ମନୋବଳ ଭାଙ୍ଗିବା ପାଇଁ ଏପରି କରାଯାଉଛି ବୋଲି ସଞ୍ଜୟ ସିଂ ଦାବି କରିଛନ୍ତି ।