ରାଜ୍ୟସଭାରୁ ଇସ୍ତଫା ଦେଲେ ସୁନେତ୍ରା ପୱାର

ମହାରାଷ୍ଟ୍ରରେ ଉପମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବାକୁ ଯାଉଛନ୍ତି ଅଜିତ ପୱାରଙ୍କ ପତ୍ନୀ ସୁନେତ୍ରା ପୱାର । ଅଜିତ ପୱାରଙ୍କ ମୃତ୍ୟୁ ପରେ ଏନସିପି ତାଙ୍କ ପତ୍ନୀ ସୁନେତ୍ର ପୱାରଙ୍କୁ ନେତା ଭାବରେ ଗ୍ରହଣ କରିବା ସହ ନିଯୁକ୍ତିକୁ ଆନୁଷ୍ଠାନିକ କରିବା ପାଇଁ ଏବେ ଏକ ବିଧାୟକ ଦଳ ବୈଠକ ଆରମ୍ଭ ହୋଇଛି । ସୁନେତ୍ର ପୱାର ଏବେ ରାଜ୍ୟସଭା ସାଂସଦ ପଦରୁ ଇସ୍ତଫା ଦେଇଛନ୍ତି, ଏବେ ମହାରାଷ୍ଟ୍ର ବିଧାନସଭାରେ ପହଞ୍ଚିଛନ୍ତି । ଆଜି ସନ୍ଧ୍ୟା ୫ଟାରେ ଉପମୁଖ୍ୟମନ୍ତ୍ରୀ ଭାବରେ ଶପଥ ନେବେ ।

ସୁନେତ୍ରା ପୱାର ପୂର୍ବତନ ରାଜ୍ୟମନ୍ତ୍ରୀ ଏବଂ ଲୋକସଭା ସାଂସଦ ପଦ୍ମସିଂହ ପାଟିଲଙ୍କ ଝିଅ ଏବଂ ୧୯୮୫ ମସିହାରେ ଅଜିତ ପୱାରଙ୍କୁ ବିବାହ କରିଥିଲେ। ସୁନେତ୍ରାଙ୍କର ଦୁଇଟି ପୁଅ, ପାର୍ଥ ଏବଂ ଜୟ ପୱାର ଅଛନ୍ତି। ତଥାପି, ଏକ ରାଜନୈତିକ ପରିବାରରେ ଜନ୍ମଗ୍ରହଣ କରିଥିବା ଏବଂ ଏକ ରାଜନୈତିକ ପରିବାରର ବୋହୂ ହୋଇଥିବାରୁ, ସୁନେତ୍ରା ପୱାରଙ୍କର ରାଜନୀତି ସହିତ ଏକ ବିଶେଷ ସମ୍ପର୍କ ରହିଛି।