ମମତାଙ୍କ ବିରୋଧରେ ଆପତ୍ତିଜନକ ମନ୍ତବ୍ୟ ଦେଇ ଛାତ୍ରୀ ଗିରଫ

ନୂଆଦିଲ୍ଲୀ : ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ବିରୋଧରେ ଉତ୍ତେଜନାକାରୀ ପୋଷ୍ଟ ଲେଖ୍ ଯୁବତୀ ଗିରଫ I ଇନଷ୍ଟାଗ୍ରାମ୍ ୟୁଜରରେ ଲୋକଙ୍କୁ ମମତାଙ୍କୁ ହତ୍ୟା କରିବା ପାଇଁ ଡକସାଇବାର ଅଭିଯୋଗ ରହିଛି। ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ବିରୋଧରେ ହିଂସା ସୃଷ୍ଟି କରୁଥିବା ଏକ ସୋସିଆଲ ମିଡିଆ ପୋଷ୍ଟ ପାଇଁ କୋଲକାତା ପୁଲିସ ଦ୍ଵିତୀୟ ବର୍ଷର ବି.କମ୍ ଛାତ୍ରୀଙ୍କୁ ଗିରଫ କରିଛି । ଗିରଫ ଛାତ୍ରୀ ଜଣକ ହେଲେ କିରୀ ଶର୍ମା I ସେ ଇନ୍‌ଷ୍ଟାଗ୍ରାମରେ "କିର୍ତ୍ତୀ ସୋଶାଲ" ନାଁରେ ହ୍ୟାଣ୍ଡେଲ ଚଳାନ୍ତି I

କୋଲକାତା ପୁଲିସ ରବିବାର ଦିନ କିର୍ତ୍ତୀ ଶର୍ମାଙ୍କୁ ତାଙ୍କ ଘରୁ ଗିରଫ କରିଛି। ଅଭିଯୋଗ ହୋଇଛି ଯେ ସେ ଆରଜି କର ମେଡିକାଲ କଲେଜ ଏବଂ ହସ୍ପିଟାଲରେ ୩୧ ବର୍ଷ ବୟସ୍କା ମହିଳା ଟ୍ରେନି ଡାକ୍ତରଙ୍କ ଦୁଷ୍କର୍ମ ଓ ହତ୍ୟା ସହ ଜଡ଼ିତ ସେ ତିନୋଟି ଇନଷ୍ଟାଗ୍ରାମ ଷ୍ଟୋରି ସେୟାର କରିଥିଲେ। ପୁଲିସର ସୂଚନାନୁସାରେ, ତାଙ୍କ ପୋଷ୍ଟରେ ଦୁଷ୍କର୍ମ ପୀଡିତାଙ୍କ ଚିତ୍ର ଏବଂ ପରିଚୟ ପ୍ରକାଶ ପାଇଛି; ଯାହା ଏକ ଦଣ୍ଡନୀୟ ଅପରାଧ। ଏଥିସହ ଶର୍ମା ଦୁଇଟି ଆପତ୍ତିଜନକ ମନ୍ତବ୍ୟ ବି ଦେଇଛନ୍ତି। ରିପୋର୍ଟ ଅନୁସାରେ ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କୁ ଯେଉଁଭଳି ହତ୍ୟା କରାଯାଇଥିଲା ସେହିଭଳି ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ହତ୍ୟା କରିବାକୁ ସେ ଉସ୍‌କାଉଥିବା ଅଭିଯୋଗ ହୋଇଛି।

ନିକଟରେ ଉକ୍ତ ଗିରଫ ଛାତ୍ରୀ ଜଣକ ଇନ୍‌ଷ୍ଟାଗ୍ରାମ ଆଇଡି "କିର୍ତ୍ତୀ ସୋଶାଲ" ହ୍ୟାଣ୍ଡେଲରେ ଆର୍‌ଜି କର ହସ୍ପିଟାଲରେ ଘଟିଥିବା ଘଟଣାକୁ ନେଇ ତିନୋଟି ଇନ୍‌ଷ୍ଟାଗ୍ରମ ପୋଷ୍ଟ ଅପ୍‌ଲୋଡ୍‌ କରିଥିଲେ। ଏଥିରେ ସେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ନେଇ ଦୁଇଟି ପୋଷ୍ଟ କରିଥିଲେ। ସେ ଲେଖିଥିଲେ ଯେ, 'ଇନ୍ଦିରା ଗାନ୍ଧୀଙ୍କ ପରି ମମତା ବାନାର୍ଜୀଙ୍କୁ ମଧ୍ୟ ଗୁଳି କର। ଯଦି ତୁମେ ଏହା କରିପାରିବ ନାହିଁ, ତେବେ ମୁଁ ତୁମକୁ ହତାଶ କରିବି ନାହିଁ।'

ଏହି ପୋଷ୍ଟ ସାମ୍ନାକୁ ଆସିବା ପରେ ଟିଏମ୍‌ସିର ଅନେକ ସମର୍ଥକ ଏନେଇ ପୁଲିସକୁ ଜଣାଇଥିଲେ। ଏହାପରେ ପୁଲିସ ଆକ୍ସନ ନେଇଛି। ପୁଲିସ୍ ଦାବି କରିଛି ଯେ ଏହି ପୋଷ୍ଟଗୁଡିକ ଉତ୍ତେଜକ, ସାମାଜିକ ଅଶାନ୍ତି ସୃଷ୍ଟି କରିବା ଏବଂ ସମ୍ପ୍ରଦାୟ ମଧ୍ୟରେ ଘୃଣାଭାବ ସୃଷ୍ଟି କରିବା ପରି ପୋଷ୍ଟ୍‌ ଥିଲା।

ଶର୍ମା ଆଜି ଏକ ଅଧିବେଶନ କୋର୍ଟରେ ହାଜର ହେବାକୁ ଯାଉଛନ୍ତି। ଡାକ୍ତରଙ୍କୁ ନିର୍ଦ୍ଦୟ ଦୁଷ୍କର୍ମ ଓ ହତ୍ୟାକୁ ନେଇ ମେଡିକାଲ କର୍ମଚାରୀଙ୍କ ଦ୍ୱାରା ବ୍ୟାପକ ଅସନ୍ତୋଷ ତଥା ବିରୋଧର ପୃଷ୍ଠଭୂମିରେ ଏହି ଗିରଫଦାରୀ ହୋଇଛି।