ଅଜବ ପରମ୍ପରା, ଗୋଟାଏ ଝିଅକୁ ବିବାହ କଲେ ଦୁଇ ଭାଇ
ଆମେ ସମସ୍ତେ ପାଞ୍ଚାଳୀଙ୍କୁ ଜାଣିଛେ । ମହାଭାରତର ଦ୍ରୌପଦୀ, ଯାହାଙ୍କର ୫ ସ୍ବାମୀ ଥିଲେ । ହେଲେ ବର୍ତ୍ତମାନ ଭାରତୀୟ ପରମ୍ପରା ଏବଂ ସଂସ୍କୃତିରେ ଏହା ବୋଧେ ଅଗ୍ରହଣୀୟ । ଗୋଟିଏ ମହିଳାର ଅନେକ ସ୍ବାମୀ ଥିବା ପ୍ରସଙ୍ଗକୁ ବୋଧେ ଟିକେ ଜଜମେଣ୍ଟାଲ ଦୃଷ୍ଟିରେ ଦେଖେ ଆଜିର ଦୁନିଆ । ହେଲେ ଏବେ ବି ଭାରତର ଏକ ରାଜ୍ୟରେ ଏମିତି କିଛି ପୁରୁଣା ପରମ୍ପରାକୁ ପାଳନ କରାଯାଇଆସୁ ଅଛି । ହିମାଚଳ ପ୍ରଦେଶର ସିରମୌରରେ ଜଣେ ମହିଳା ଏକାସାଙ୍ଗରେ ଦୁଇ ପୁରୁଷଙ୍କୁ ବିବାହ କରିଛନ୍ତି । ତାହା ପୁଣି ଦୁଇ ଜଣ ଭାଇଙ୍କୁ । ଅର୍ଥାତ୍ ଗୋଟିଏ ପରିବାରରେ ଭାଇମାନଙ୍କର କେବଳ ଗୋଟିଏ ସ୍ତ୍ରୀ । ଶୁଣିକି ଆଶ୍ୟର୍ଯ୍ୟ ଲାଗୁଥିଲେ ବି କଥାଟି ବାସ୍ତବରେ ଘଟିଛି । ସମୟ ସହିତ ସେଠିକା ଲୋକମାନେ ଆଧୁନିକତାକୁ ଗ୍ରହଣ କରିଛନ୍ତି । କିନ୍ତୁ କିଛି ଗାଁରେ ଏବେ ବି ଏହି ପରମ୍ପରା ଜାରି ରହିଛି । ସିରମୌରର ଶିଲାଇ ଗାଁରେ, ଦୁଇ ଭାଇ ବର୍ତ୍ତମାନ ଗୋଟିଏ କନ୍ୟାକୁ ବିବାହ କରିଛନ୍ତି, ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ଏବେ ଏନେଇ ଅନେକ ଚର୍ଚ୍ଚା ସୃଷ୍ଟି ହୋଇଛି ।
ଏହି ପରମ୍ପରାକୁ ବହୁପତ୍ନୀକତା ବା ବହୁବିବାହ ବା ବହୁପତି ପ୍ରଥା କୁହାଯାଏ । ଯାହା ପ୍ରାୟ ୭୦ରୁ ୮୦ ଦଶକ ଧରି ଚାଲିଆସୁଛି । ହେଲେ ଏଠିକାର କିଛି ଲୋକ ଆଧୁନିକତାର ଧାରା ପରିବର୍ତ୍ତନ ହୋଇଛନ୍ତି । କିନ୍ତୁ ଏବେ ପୁଣି ଥରେ ହିମାଚଳ ପ୍ରଦେଶର ସିରମୌର ଜିଲ୍ଲାର ଶିଲାଇ ଅଞ୍ଚଳରେ ପ୍ରାଚୀନ ବହୁପତି ପ୍ରଥା ଘଟଣା ଦେଖିବାକୁ ମିଳିଛି, ଯେଉଁଠାରେ ଦୁଇ ଭାଇ ଗୋଟିଏ ଝିଅକୁ ବିବାହ କରିଛନ୍ତି । ସିରମୌର ଜିଲ୍ଲାର ଟ୍ରାନ୍ସ-ଗିରି ଅଞ୍ଚଳରେ ଜୁଲାଇ ୧୨ରେ ଆରମ୍ଭ ହୋଇ ତିନି ଦିନ ଧରି ଚାଲିଥିବା ଏହି ବିବାହ ଉତ୍ସବରେ ଲୋକମାନେ ସ୍ଥାନୀୟ ଲୋକଗୀତ ଏବଂ ନୃତ୍ୟର ମଜା ନେଇଥିଲେ । ଶିଲାଇ ଗାଁର ହାଟ୍ଟି ଜନଜାତିର ଦୁଇ ଭାଇ ପ୍ରଦୀପ ନେଗି ଏବଂ କପିଳ ନେଗି, କୁନହାଟ ଗାଁର ସୁନିତା ଚୌହାନଙ୍କୁ ବିବହା କରିଛନ୍ତି । ବିବାହ ଉତ୍ସବର ଭିଡିଓ ଇଣ୍ଟରନେଟରେ ମଧ୍ୟ ଭାଇରାଲ ହେବାରେ ଲାଗିଛି । ଦୁଇ ଭାଇଙ୍କ ମଧ୍ୟରୁ ଜଣେ ଭାଇ ଜଳ ଶକ୍ତି ବିଭାଗରେ କାର୍ଯ୍ୟରତ, ଯେତେବେଳେ ଅନ୍ୟ ଜଣେ ଭାଇ ବିଦେଶରେ କାମ କରନ୍ତି। ଏହାକୁ ନେଇ ଜଣେ ବର କହିଛନ୍ତି, ଆମେ ସର୍ବଦା ସ୍ୱଚ୍ଛତାରେ ବିଶ୍ୱାସ କରିଆସିଛୁ। ମୁଁ ବିଦେଶରେ ରହୁଥିଲି କିନ୍ତୁ ଏହି ବିବାହ ମାଧ୍ୟମରେ ମୁଁ ଏକ ମିଳିତ ପରିବାର ଭାବରେ ମୋ ସ୍ତ୍ରୀ ପାଇଁ ସମର୍ଥନ, ସ୍ଥିରତା ଏବଂ ପ୍ରେମ ସୁନିଶ୍ଚିତ କରିଛି। କନ୍ୟା ସୁନିତା ଚୌହାନ କହିଛନ୍ତି ଯେ ସେ କୌଣସି ଚାପ ବିନା ଏହି ନିଷ୍ପତ୍ତି ନେଇଛନ୍ତି। ଉଭୟ ବର ପ୍ରଦୀପ ଏବଂ କପିଲ ନେଗି ମଧ୍ୟ କହିଛନ୍ତି ଯେ ସେମାନଙ୍କର ନିଷ୍ପତ୍ତି କୌଣସି ଚାପ ବିନା ନିଆଯାଇଛି ।
ହିମାଚଳ ପ୍ରଦେଶ-ଉତ୍ତରାଖଣ୍ଡ ସୀମାରେ ରହୁଥିବା ହାଟ୍ଟି ସମ୍ପ୍ରଦାୟକୁ ତିନି ବର୍ଷ ପୂର୍ବେ ଅନୁସୂଚିତ ଜନଜାତି ଘୋଷଣା କରାଯାଇଥିଲା। ଏହି ଜନଜାତିରେ ବହୁପତ୍ନୀ ପ୍ରଥା ଶତାବ୍ଦୀ ଧରି ପ୍ରଚଳିତ। ଯେଉଁଠି ଗୋଟିଏ ପରିବାରରେ ଯେତେ ବି ଭାଇ ଥିବା ସମସ୍ତେ ଗୋଟିଏ ଝିଅକୁ ବିବାହ କରିବେ । ବର୍ତ୍ତମାନ ମହିଳାଙ୍କ ମଧ୍ୟରେ ଶିକ୍ଷା ବୃଦ୍ଧି ଏବଂ ଆର୍ଥିକ ପ୍ରଗତି ଯୋଗୁଁ ବହୁପତ୍ନୀ ପ୍ରଥା ହ୍ରାସ ପାଇବାରେ ଲାଗିଛି। ଗାଁର ବୟୋଜ୍ୟେଷ୍ଠ ବ୍ୟକ୍ତିମାନେ କୁହନ୍ତି ଯେ ଏପରି ବିବାହ ଗୁପ୍ତ ଭାବରେ ହୁଏ। ସମାଜ ଏହି ବିବାହକୁ ଗ୍ରହଣ କରେ କିନ୍ତୁ ବର୍ତ୍ତମାନ ଏପରି ମାମଲା ହ୍ରାସ ପାଇବାରେ ଲାଗିଛି। ବିଶେଷଜ୍ଞମାନେ କୁହନ୍ତି ଯେ ଏହି ପରମ୍ପରା ପଛରେ ମୁଖ୍ୟ ଧାରଣା ଥିଲା ଯେ ପୈତୃକ ସମ୍ପତ୍ତିକୁ ବାଣ୍ଟି ଦିଆଯିବା ଉଚିତ୍ ନୁହେଁ। ହିମାଚଳ ପ୍ରଦେଶର ପ୍ରଥମ ମୁଖ୍ୟମନ୍ତ୍ରୀ ୱାଇଏସ୍ ପରମାର ଏହି ପରମ୍ପରା ଉପରେ ଗବେଷଣା କରିଥିଲେ ଏବଂ ତାଙ୍କର ପିଏଚଡି ସମାପ୍ତ କରିଥିଲେ।
ତେବେ କେବଳ ହିମାଚଳର ସିରମୌର ନୁହେଁ, କନ୍ନୌର ଜିଲ୍ଲାର ଅନେକ ଗାଁରେ ମଧ୍ୟ ବହୁପତି ପ୍ରଥା ପାଳନ କରାଯାଏ। ଏହାକୁ ଏଠାରେ ଭ୍ରାତୃ ବହୁପତି ପ୍ରଥା ମଧ୍ୟ କୁହାଯାଏ। କିଛି ବିଶେଷଜ୍ଞ କହିଛନ୍ତି, ଏହା ଆମର ବଡ଼ବଡ଼ ଲୋକମାନେ ପାଳନ କରୁଥିବା ଏକ ପରମ୍ପରା। ପରିବାରର କାହାରି ଏହି ପରମ୍ପରା ସହିତ କୌଣସି ସମସ୍ୟା ନାହିଁ। ଯିଏ ଏହାକୁ ଆଗକୁ ନେବାକୁ ଚାହେଁ, ସେ ଏପରି କରନ୍ତି। ଯଦି କେହି ଏହି ପରମ୍ପରା ଅନୁସାରେ ବିବାହ କରିବାକୁ ଚାହାଁନ୍ତି ନାହିଁ, ତେବେ ତାଙ୍କ ଉପରେ କୌଣସି ଚାପ ପ୍ରୟୋଗ କରାଯାଏ ନାହିଁ। ସେ କେବଳ ଗୋଟିଏ ପୁରୁଷଙ୍କୁ ବିବାହ କରିବାକୁ ମୁକ୍ତ। କିଛି ଲୋକ ବିଶ୍ୱାସ କରନ୍ତି ଯେ ଏହି ପ୍ରଥା ପାରିବାରିକ ଏକତା ଏବଂ ପାରସ୍ପରିକ ବୁଝାମଣାକୁ ପ୍ରୋତ୍ସାହିତ କରେ। କନ୍ନୌରରେ, ବହୁପତି ପ୍ରଥାର ମୁଖ୍ୟ କାରଣ ହେଉଛି ଜମିକୁ ବିଭାଜିତ ହେବାରୁ ରକ୍ଷା କରିବା, ଯାହା ଦ୍ୱାରା ପରିବାରର ଆର୍ଥିକ ଅବସ୍ଥା ସୁଦୃଢ଼ ରହିଥାଏ।
Click it and Unblock the Notifications
Sign in with Google