ଶ୍ରୀଲଙ୍କା ସଙ୍କଟ: 40 ହଜାର ମେଟ୍ରିକ ଟନ ଡିଜେଲ ପଠାଇଲା ଭାରତ

ଶ୍ରୀଲଙ୍କା ଆର୍ଥିକ ସଙ୍କଟ ମଧ୍ୟରେ ସହାୟତା ଜାରି ରଖିଛି ଭାରତ । ଶନିବାର ଶ୍ରୀଲଙ୍କାକୁ 40 ହଜାର ମେଟ୍ରିକ ଟନ ଡିଜେଲ ପଠାଇଛି ଭାରତ । ଗତମାସରେ ଶ୍ରୀଲଙ୍କାର ଇନ୍ଧନ ଆମଦାନୀ ଲାଗି ଭାରତ 50 କୋଟି ଡଲାର ସାହାଯ୍ୟ କରିଥିବା ବେଳେ ବର୍ତ୍ତମାନ ଡିଜେଲ ଦେଇ ସାହାଯ୍ୟର ହା

Published: Sunday, May 22, 2022, 9:10 [IST]

କଲମ୍ବୋ: ଶ୍ରୀଲଙ୍କା ଆର୍ଥିକ ସଙ୍କଟ ମଧ୍ୟରେ ସହାୟତା ଜାରି ରଖିଛି ଭାରତ । ଶନିବାର ଶ୍ରୀଲଙ୍କାକୁ 40 ହଜାର ମେଟ୍ରିକ ଟନ ଡିଜେଲ ପଠାଇଛି ଭାରତ । ଗତମାସରେ ଶ୍ରୀଲଙ୍କାର ଇନ୍ଧନ ଆମଦାନୀ ଲାଗି ଭାରତ 50 କୋଟି ଡଲାର ସାହାଯ୍ୟ କରିଥିବା ବେଳେ ବର୍ତ୍ତମାନ ଡିଜେଲ ଦେଇ ସାହାଯ୍ୟର ହାତ ବଢାଇଛି । ଏନେଇ ଭାରତର ହାଇ କମିଶନ ପକ୍ଷରୁ ଶନିବାର ଟ୍ବିଟ ଯୋଗେ ସୂଚନା ଦିଆଯାଇଛି

ଆହୁରି ଅତ୍ୟାବଶକୀୟ ସହାୟତା ନେଇ ମଧ୍ୟ ଏକ ଜାହାଜ ରବିବାର ଶ୍ରୀଲଙ୍କା ପହଞ୍ଚୁଥିବା ମଧ୍ୟ କହିଛନ୍ତି ଭାରତର ହାଇ କମିଶନ । ଶ୍ରୀଲଙ୍କାକୁ 9 ହଜାର ମେଟ୍ରିକ ଟନ ଚାଉଳ, 2ଶହ ମେଟ୍ରିକ ଟନ ମିଲ୍କ ପାଉଡର ଓ 24 ମେଟ୍ରିକ ଟନ ଔଷଧ ପଠାଯାଇଛି । ଏହି ମୋଟ ରିଲିଫର ପରିମାଣ ପ୍ରାୟ 45 କୋଟି ଟଙ୍କା ହେବ ବୋଲି କୁହାଯାଇଛି । ଏହାସହ ସଙ୍କଟ ଆରମ୍ଭ ହେବାର ପ୍ରାରମ୍ଭିକ ସମୟରୁ ଭାରତ 12ଟି ସିପମେଟରେ ପ୍ରାୟ 4 ଲକ୍ଷ ମେଟ୍ରିକ ଟନ ଇନ୍ଧନ ପଠାଇଛି । ପୂର୍ବରୁ ମଧ୍ୟ ଭାରତ ଚିକିତ୍ସା ସାମଗ୍ରୀ, ଖାଦ୍ୟ ଶସ୍ୟ ଓ ଇନ୍ଧନ ଆଦି ପର୍ଯ୍ୟାୟକ୍ରମେ ପଠାଯାଇଥିବା ନେଇ ଭାରତୀୟ ଦୂତାବାସ ପକ୍ଷରୁ ସୂଚନା ଦିଆଯାଇଥିଲା ।

ସେହିପରି ଶ୍ରୀଲଙ୍କାରେ ଟଙ୍କାର ମୂଲ୍ୟ ହ୍ରାସ ହୋଇଥିବା ବେଳେ ମୁଦ୍ରାସ୍ଫିତି ବଢି ଯାଇଥିଲା । ଫଳରେ ଦେଶରେ ଅତ୍ୟାବଶକୀୟ ସାମଗ୍ରୀର ମୂଲ୍ୟ ବୃଦ୍ଧି ହୋଇଥିଲା । ଯାହାକୁ ନେଇ ଦେଶରେ ଜନ ଅସନ୍ତୋଷ ଉପୁଜିଥିବା ବେଳେ ଲୋକେ ରାସ୍ତାକୁ ଓହ୍ଲାଇ ସରକାରଙ୍କୁ ବିରୋଧ କରିଥିଲେ । ଏହାପରେ ଦେଶରେ ମେ 6 ତାରିଖରେ ଜରୁରିକାଳୀନ ପରିସ୍ଥିତି ଜାରି ହୋଇଥିଲା । ଶନିବାର ଶ୍ରୀଲଙ୍କାରେ ଜରୁରୀ ପରିସ୍ଥିତି ହଟିଥିବା ବେଳେ ଭାରତରୁ ଡିଜେଲ ମଧ୍ୟ କଲମ୍ବୋ ପହଞ୍ଚିଛି ।

Published On May 22, 2022