ବିହାରର ଦିବ୍ୟାଙ୍ଗ ଛାତ୍ରୀଙ୍କୁ ସାହାଯ୍ୟର ହାତ ବଢାଇଲେ ସୋନୁ ସୁଦ

ଲୋକଙ୍କୁ ସାହାଯ୍ୟ କରିବା ପରେ ଅଧିକ ଲୋକପ୍ରିୟ ହୋଇଛନ୍ତି ବଲିଉଡ ଅଭିନେତା ସୋନୁ ସୁଦ । ଲକ ଡାଉନ ସମୟରେ ଲକ୍ଷ ଲକ୍ଷ ଲୋକଙ୍କୁ ସାହାଯ୍ୟ କରି ଭଗବାନ ପାଲଟିଥିଲେ ସୋନୁ। ଏବେ ବିହାରର ଜଣେ କୁନି ଝିଅ ପାଇଁ ସାହାଯ୍ୟର ହାତ ବଢାଇଛନ୍ତି ।

Published: Wednesday, May 25, 2022, 18:36 [IST]

ନୂଆଦିଲ୍ଲୀ: ଲୋକଙ୍କୁ ସାହାଯ୍ୟ କରିବା ପରେ ଅଧିକ ଲୋକପ୍ରିୟ ହୋଇଛନ୍ତି ବଲିଉଡ ଅଭିନେତା ସୋନୁ ସୁଦ । ଲକ ଡାଉନ ସମୟରେ ଲକ୍ଷ ଲକ୍ଷ ଲୋକଙ୍କୁ ସାହାଯ୍ୟ କରି ଭଗବାନ ପାଲଟିଥିଲେ ସୋନୁ। ଏବେ ବିହାରର ଜଣେ କୁନି ଝିଅ ପାଇଁ ସାହାଯ୍ୟର ହାତ ବଢାଇଛନ୍ତି । ଦିବ୍ୟାଙ୍ଗ ଝିଅ ସୀମାକୁ ନିଜ ଗୋଡରେ ଠିଆ ହେବାର ସମୟ ଆସିଛି ବୋଲି କହି ସୋନୁ ଟ୍ୱିଟ କରିଛନ୍ତି । ଗୋଟିଏ ଗୋଡରେ ପ୍ରାୟ 1 କିଲୋମିଟର ଦୂର ପର୍ଯ୍ୟନ୍ତ ଚାଲି ଚାଲି ସ୍କୁଲକୁ ଯାଆନ୍ତି ସୀମା । ତାଙ୍କର ଏକ ଭିଡିଓ ଭାଇରାଲ ହେବା ପରେ ସୋନୁ ତାଙ୍କୁ ସାହାଯ୍ୟ କରିବା ପାଇଁ ହାତ ବଢାଇଛନ୍ତି ।

ପାଠ ପଢିବାର ନିଶା ଆଉ ଇଚ୍ଛାଶକ୍ତି ଆଗରେ ହାର ମାନିଛି ତାଙ୍କର ଏହି ଦିବ୍ୟାାଙ୍ଗତା । ଏବେ ଆଉ ଗୋଟିଏ ନୁହେଁ ଦୁଇଟି ପାଦରେ ସ୍କୁଲ ଯିବେ ସୀମା, ଦୁଇ ଗୋଡରେ ଚାଲିବାର ସମୟ ଆସିଯାଇଛି । ଏମିତି ଲେଖି ଟ୍ୱିଟରରେ ପୋଷ୍ଟ କରିଛନ୍ତି ସୋନୁ ସୁଦ ।

ଏକ ଦୁର୍ଘଟଣାରେ ଗୋଟିଏ ଗୋଡ ହରାଇ ବସିଥିଲେ ସୀମା । କିନ୍ତୁ ସେ ଗୋଡ ହରାଇବା ପରେ କେବେ ପାଠପଢା ଛାଡି ନାହାଁନ୍ତି। ନିଜର ସାହସ ଇଚ୍ଛାଶକ୍ତି ଯୋଗୁଁ ସେ ଗୋଟିଏ ଗୋଡରେ ପାଠ ପଢିବା ପାଇଁ ସ୍କୁଲ ଯାଉଛନ୍ତି । ଭବିଷ୍ୟତରେ ଶିକ୍ଷୟତ୍ରୀ ହେବାର ସ୍ୱପ୍ନ ଅଛି ବୋଲି ସୀମା କହନ୍ତି । ସୁବେର ଭବନ ନିର୍ମାଣ ମନ୍ତ୍ରୀ ଅଶୋକ ଚୌଧୂରୀ ମଧ୍ୟ ସାହାଯ୍ୟ କରିବା ପାଇଁ ପ୍ରତିଶ୍ରୁତି ଦେଇଛନ୍ତି ।

Published On May 25, 2022