ନକ୍ସଲଙ୍କ ଆଇଡି ବ୍ଲାଷ୍ଟରେ ଯବାନ ସହିଦ, ଜଣେ ଗୁରୁତର

ଛତିଶଗଡ଼:ସୁଚନାନୁସାରେ ସିଆରପିଏଫ ଯବାନ ତିଶଗଡ଼ ନାରାୟଣପୁର ଛୋଟାଙ୍ଗୋଙ୍ଗର ଜଙ୍ଗଲରେ ସର୍ଚ୍ଚ ଅପରେସନ କରୁଥିବା ବେଳେ ଏହି ଆଇଡି ବିଷ୍ପେରଣ ହୋଇଥିଲା । ବିସ୍ଫୋରଣରେ ଜଣେ ଯବାନ ସହିଦ ହୋଇଥିବା ବେଳେ ଜଣେ ଗୁରୁତର ଅଛନ୍ତି । ଗୁରୁତର ଯବାନ ବିନୟ କୁମାର ସାହୁଙ୍କୁ ହେଲିକପ୍ଟର ଯୋଗେ ରାୟପୁରକୁ ସ୍ଥାନାନ୍ତର କରାଯାଇଛି । ଆଉ ସହିଦ ହୋଇଥିବା ଯବାନ ହେଲେ ସିଆରପିଏଫର ନବମ ବାଟାଲିୟନର କନଷ୍ଟେବଳ କମଲେଶ ସାହୁ ।

କମେଲଶଙ୍କ ଘର ଛତିଶଗଡ଼ର ଚମ୍ପା ଜିଲ୍ଲାର ହାସୁଦ ଗାଁର ବାସିନ୍ଦା ଥିଲେ । ବିସ୍ଫୋରଣ ପରେ ସ୍ଥାନୀୟ ଅଞ୍ଚଳରେ ସିଆରପିଏଫ ପକ୍ଷରୁ ସର୍ଚ୍ଚ ଅପରେସନ ଜୋରଦାର କରାଯାଇଛି । ବସ୍ତର ଆଇଜି ପି ସୁନ୍ଦର ରାଜ କହିଛନ୍ତି ଯେ ନକ୍ସଲମାନେ ସୋମବାର ଦିନ ପ୍ରାୟ ୧୧ଟା ସମୟରେ ନାରାୟଣପୁର ଥାନା ଅନ୍ତର୍ଗତ ଅମଦାଇ ଖଣିରେ ଆଇଡି ବ୍ଲାଷ୍ଟ କରିବା ସହ ଗୁଳି ଚଳାଇଥିଲେ । ଏହାର ଜବାବରେ ସୁରକ୍ଷା ବାହିନୀ ସହିତ ଗୁଳି ବିନିମୟ ହୋଇଥିଲା ।

ନକ୍ସଲ ଆକ୍ରମଣରେ ସିଆରପିଏଫର ୯ମ ବଟାଲିୟନର କନଷ୍ଟେବଳ କମଲେଶ କୁମାର ସହିଦ ହୋଇଥିଲେ । ବିନୟ କୁମାର ନାମକ ଜଣେ ଯୁବ କନଷ୍ଟେବଳ ଆହତ ହୋଇଥିଲେ ଏବଂ ତାଙ୍କୁ ପ୍ରଥମେ ଚିକିତ୍ସା କରାଯାଇଥିଲା । ପୋଲିସ ବାହିନୀ, ଊଜଏ ଏବଂ ଓଞଈଚ ଦ୍ୱାରା ଏହାର ଆଖପାଖ ଅଞ୍ଚଳ ଅନୁସନ୍ଧାନ କରାଯାଉଛି । ପୂର୍ବରୁ ଡିସେମ୍ବର ୨ ତାରିଖରେ ନକ୍ସଲମାନେ ଛୋଟାଗାଙ୍ଗର ପୋଲିସ ଷ୍ଟେସନ ପରିସରରେ ଥିବା ଶୀତାଲା ମନ୍ଦିରରେ ପୂଜା କରିବାକୁ ଯାଇଥିବା ବିଜେପି ନେତା କୋମଲ ମାଜିଙ୍କୁ ତୀକ୍ଷ୍ଣ ଅସ୍ତ୍ରରେ ଆକ୍ରମଣ କରି ହତ୍ୟା କରିଥିଲେ ।

ଏହି ଘଟଣା ପରେ ପୋଲିସ ମଧ୍ୟ ଉକ୍ତ ଅଞ୍ଚଳରେ ସର୍ଚ୍ଚ ଅପରେସନ ଆରମ୍ଭ କରିଥିଲା, କିନ୍ତୁ ଏପର୍ଯ୍ୟନ୍ତ ନକ୍ସଲମାନଙ୍କ ବିଷୟରେ କୌଣସିି ସୂଚନା ମିଳିପାରି ନାହିଁ । ନକ୍ସଲମାନେ ନାରାୟଣପୁରର ଅମଦାଇ ଖଣିରେ କାମ ପାଇଁ ନିୟୋଜିତ ୧୬ ଟି ଗାଡି ପୋଡି ଦେଇଥିଲେ । ଏହା ବ୍ୟତୀତ ସେଠାରେ ଥିବା କର୍ମଚାରୀମାନଙ୍କୁ ମଧ୍ୟ ଅଟକ ରଖିଥିଲେ ନକ୍ସଲ ।

English summary

soldier martyred in Naxal IED blast, one seriously injured .ଛତିଶଗଡ଼ ନାରାୟଣପୁରର ଅମଦାଇ ଖଣିର ସୁରକ୍ଷାରେ ଥିବା ସୈନିକ ମାନଙ୍କୁ ନକ୍ସଲମାନେ ପୁଣି ଥରେ ବଡ଼ ଧରଣର ଟାର୍ଗେଟ କରିଛନ୍ତିି । ନକ୍ସଲଙ୍କ ଆଇଡି ବିଷ୍ପୋରଣରେ ଜଣେ ସୈନିକ ସହିଦ ହୋଇଥିବା ବେଳେ ଆଉ ଜଣେ ଗୁରୁତର ଆହତ ହୋଇଛନ୍ତି