ଆମେଠିରୁ ପ୍ରତିଦ୍ୱନ୍ଦିତା କରିବାକୁ ଯାଉଥିବା ରାହୁଲଙ୍କୁ ସ୍ମୃତିଙ୍କ ଚ୍ୟାଲେଞ୍ଜ, କହିଲେ ଯଦି ଦମ ଅଛି....
ନୂଆଦିଲ୍ଲୀ: ପୂର୍ବତନ କଂଗ୍ରେସ ସଭାପତି ତଥା କେରଳର ୱାୟାନାଡର ସାଂସଦ ରାହୁଲ ଗାନ୍ଧୀଙ୍କ ବିଷୟରେ କଳ୍ପନାଜଳ୍ପନା ରହିଛି ଯେ ସେ ଆସନ୍ତା ଲୋକସଭା ନିର୍ବାଚନରେ ଦୁଇଟି ଆସନରୁ ପ୍ରତିଦ୍ୱନ୍ଦ୍ୱିତା କରିପାରନ୍ତି । କେରଳର ୱାୟାନାଡ଼ ବ୍ୟତୀତ ସେ ତାଙ୍କ ପୁରୁଣା ଲୋକସଭା ଆସନ ଆମେଠୀରୁ ମଧ୍ୟ ପ୍ରତିଦ୍ୱନ୍ଦ୍ୱିତା କରିପାରନ୍ତି । ଏହା ବ୍ୟତୀତ କଂଗ୍ରେସ ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଭାଦ୍ରା ମଧ୍ୟ ରାଏବରେଲି ଆସନରୁ ପ୍ରତିଦ୍ୱନ୍ଦ୍ୱିତା କରିପାରନ୍ତି । ଆଉ ବର୍ତ୍ତମାନ ଅମେଠୀରୁ ରାହୁଲ ଗାନ୍ଧୀଙ୍କ ପ୍ରତିଦ୍ୱନ୍ଦ୍ୱିତାକୁ ନେଇ ବିଜେପି ସାଂସଦ ସ୍ମୃତି ଇରାନୀଙ୍କ ପ୍ରତିକ୍ରିୟା ସାମ୍ନାକୁ ଆସିଛି ।
ସ୍ମୃତି ଇରାନୀ କହିଛନ୍ତି ଯେ ଯେଉଁମାନେ କୁହନ୍ତି ଯେ ଆମେଠୀ ଗାନ୍ଧୀ ପରିବାରର ଗଡ଼, ସେମାନେ କାହିଁକି ସେମାନଙ୍କ ପକ୍ଷରୁ ପ୍ରାର୍ଥୀ ଦେବା ପାଇଁ ଏତେ ସମୟ ନେଉଛନ୍ତି? ସେମାନଙ୍କର ଆତ୍ମବିଶ୍ୱାସର ଅଭାବ କେବଳ ଦର୍ଶାଏ ଯେ ଆମେଠୀ ଆଉ କଂଗ୍ରେସର ଗଡ଼ ହୋଇ ରହିନାହିଁ । ଯଦି ସେମାନେ ଦୁଇଟି ଆସନରୁ ପ୍ରତିଦ୍ୱନ୍ଦ୍ୱିତା କରନ୍ତି ତେବେ ନିର୍ବାଚନ ପୂର୍ବରୁ ଆମେଠୀରୁ ପରାଜୟ ଘୋଷଣା କରୁଛନ୍ତି ।
ସ୍ମୃତି ଆହୁରି କହିଛନ୍ତି ଯଦି ସେମାନଙ୍କ ନେତାଙ୍କ ଶକ୍ତି ଅଛି ତେବେ ସେ ମାୟାବତୀ ଏବଂ ଅଖିଳେଶଙ୍କ ସମର୍ଥନ ବିନା ଏକାକୀ ଲଢ଼ିକି ଦେଖାନ୍ତୁ । । ସେ କଣ ପାଇଁ କେବଳ ଆମେଠୀରୁ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରି ଦେଖାଉ ନାହାଁନ୍ତି? ଯେଉଁଠାରେ ଦୁଧ କା ଦୁଧ ଏବଂ ପାନି କା ପାନି ହୋଇଯିବ । ୟୁପିର ଆମେଠୀ ଲୋକସଭା ଆସନ ଦଶନ୍ଧି ଧରି ଗାନ୍ଧୀ ପରିବାରର ଗଡ଼ ହୋଇଆସିଛି । ସେହିଭଳି ରାଏବରେଲି ମଧ୍ୟ ଗାନ୍ଧୀ ପରିବାରର ଗଡ଼ ।
ରାହୁଲ ଗାନ୍ଧୀ ନିଜେ ୨୦୦୪ ରୁ ୨୦୧୯ ମଧ୍ୟରେ ଲଗାତାର ତିନି ଥର ଆମେଠୀରୁ ସାଂସଦ ଥିଲେ । ତେବେ ୨୦୧୯ ଲୋକସଭା ନିର୍ବାଚନରେ ତାଙ୍କୁ ବିଜେପିର ସ୍ମୃତି ଇରାନୀଙ୍କଠାରୁ ପରାଜୟର ସାମ୍ନା କରିବାକୁ ପଡିଥିଲା । ଗତ ଲୋକସଭା ନିର୍ବାଚନରେ ସ୍ମୃତି ରାହୁଲ ଗାନ୍ଧୀଙ୍କୁ ୫୦ ହଜାର ଭୋଟରେ ପରାସ୍ତ କରିଥିଲେ । ସ୍ମୃତି ଇରାନୀଙ୍କୁ ୪୬୮,୫୧୪ ଭୋଟ୍ ମିଳିଥିବାବେଳେ ରାହୁଲ ଗାନ୍ଧୀ ୪୧୩,୩୯୪ ଭୋଟ୍ ପାଇଥିଲେ । ସେହିଭଳି ବିଜୟ ବ୍ୟବଧାନ ପ୍ରାୟ ୫୫ ହଜାର ଭୋଟ ରହିଥିଲା ।
Click it and Unblock the Notifications
Sign in with Google