ଶୀଘ୍ର ବାର୍ଦ୍ଧକ୍ୟର କାରଣ ସାଜୁଛି ଧୂମ୍ରପାନ: ରିପୋର୍ଟ
Smoking Cigarettes: ଏକ ଅଧ୍ୟୟନରୁ ଜଣାପଡିଛି ଯେ ଧୂମ୍ରପାନ ଶୀଘ୍ର ବାର୍ଦ୍ଧକ୍ୟର କାରଣ ସାଜୁଛି । ଯଦି ଆପଣ ଦୀର୍ଘ ସମୟ ପର୍ଯ୍ୟନ୍ତ ଯୁବକ ଏବଂ ସୁସ୍ଥ ରହିବାକୁ ଚାହାଁନ୍ତି, ତେବେ ଧୂମ୍ରପାନ ଛାଡି ଦିଅନ୍ତୁ । କାରଣ ଏହା କେବଳ ଆପଣଙ୍କ ଫୁସଫୁସ ଏବଂ ସାମଗ୍ରିକ ସ୍ୱାସ୍ଥ୍ୟ ଉପରେ କ୍ଷତି ପହଞ୍ଚାଇବ ନାହିଁ ବରଂ ଆପଣଙ୍କୁ ଶୀଘ୍ର ବୟସ୍କ ମଧ୍ୟ କରିପାରେ ।
ଏହି ଅଧ୍ୟୟନରୁ ଜଣାପଡିଛି ଯେ ଧୂମପାନ ଆମ ରୋଗ ପ୍ରତିରୋଧକ ଶକ୍ତି ସହିତ ଜଡିତ ରକ୍ତ କଣିକାର ସଂଖ୍ୟାକୁ ହ୍ରାସ କରିଥାଏ । ଏହାକୁ ଟେଲୋମେରେଓସ୍ କୁହାଯାଇଥାଏ । ଏହା ସୂଚାଇଥାଏ କି ମଣିଷ କେତେ ଜଲଦି ବୁଢା ହୁଏ ଏବଂ ମଣିଷର କୋଶିକା ଗୁଡିକର ମରାମତି ଏବଂ ପୁନର୍ଜୀବିତ ହେବାର କ୍ଷମତା କେତେ । ପ୍ରାୟ 500,000 ଲୋକଙ୍କ ଉପରେ ଏହି ଅଧ୍ୟୟନ କରାଯାଇଥିଲା ।
ଚାଇନାର ହାଙ୍ଗଜୋ ନର୍ମାଲ୍ ୟୁନିଭର୍ସିଟିର ସ୍କୁଲ୍ ଅଫ୍ କ୍ଲିନିକାଲ୍ ମେଡିସିନ୍ ର ସହକାରୀ ପ୍ରଫେସର ସିୟୁ ଡାଏ କହିଛନ୍ତି, "ଆମର ଅଧ୍ୟୟନ ଦର୍ଶାଏ ଯେ ଧୂମପାନ ସ୍ଥିତି ଏବଂ ସିଗାରେଟ୍ ପରିମାଣ ଲ୍ୟୁକୋସିଏଟ୍ ଟେଲୋମେର ଲମ୍ବ ହ୍ରାସ ପାଇପାରେ, ଯାହା ଟିସୁ ସ୍ୱୟଂ ମରାମତିକୁ ବାଧା ଦେଇଥାଏ ।
ପ୍ରତ୍ୟେକ ଥର ଶରୀରରେ କୋଷ ବିଭାଜନ ହେଲେ ଟେଲୋମେରସ୍ ଟିକେ ଛୋଟ ହୋଇଯାଏ । ଶେଷରେ ଏତେ ଛୋଟ ହୋଇଯାଏ ଯେ କୋଷଟି ଆଉ ସଫଳତାର ସହିତ ବିଭାଜିତ ହୋଇପାରିବ ନାହିଁ ଏବଂ ଶେଷରେ ଡେଡ୍ ହୋଇଯାଏ । ଯାହାକି ବାର୍ଦ୍ଧକ୍ୟ ପ୍ରକ୍ରିୟାର ଏକ ଅଂଶ ବୋଲି କୁହାଯାଇପାରିବ । ଧୂମପାନ ପୂର୍ବରୁ ଟେଲୋମେରସ୍ର ଦୈର୍ଘ୍ୟ ସହିତ ଜଡିତ ଥିଲା । କିନ୍ତୁ ଏପର୍ଯ୍ୟନ୍ତ ଅଦ୍ୟାବଧି ଧୂମପାନ କରାଯାଇଥିବା ସିଗାରେଟର ପରିମାଣ ପ୍ରକୃତରେ ଟେଲୋମେରସର ଆକୃତିକୁ ଛୋଟ କରିଥାଏ କି ନାହିଁ ଏହାର ଅଧିକ ଗବେଷଣା କରାଯିବା ଉଚିତ ।
Click it and Unblock the Notifications
Sign in with Google