ସିଦ୍ଦରାମାୟା ନିଜେ ରାମ , ସେ କାହିଁକି ଯିବେ ଅଯୋଧ୍ୟା: କଂଗ୍ରେସ ନେତା
ନୂଆଦିଲ୍ଲୀ:ଅଯୋଧ୍ୟାରେ ରାମ ଲାଲାଙ୍କ ପ୍ରାଣପ୍ରତିଷ୍ଠା କାର୍ଯ୍ୟକ୍ରମ ତାରିଖ ପଖେଇ ଆସୁଛି । ମନ୍ଦିର ନିର୍ମାଣ କାର୍ଯ୍ୟ ଶେଷ କରିବା ପାଇଁ ଦିନରାତି କାର୍ଯ୍ୟ ଚାଲିଛି । ଜାନୁଆରୀ ୨୨ ରେ, ପ୍ରଧାନମନ୍ତ୍ରୀ ମୋଦୀ, , ରାଜନୈତିକ, ଚଳଚ୍ଚିତ୍ର ଏବଂ ଶିଳ୍ପ ବ୍ୟକ୍ତିତ୍ୱଙ୍କ ସମେତ ଦେଶର ସମସ୍ତ ପ୍ରତିଷ୍ଠିତ ସାଧୁମାନେ ଏହି କାର୍ଯ୍ୟକ୍ରମରେ ଭାଗ ନେବାକୁ ଅଯୋଧ୍ୟାକୁ ଆସିବେ ।
କିନ୍ତୁ ଏହି କାର୍ଯ୍ୟକ୍ରମ ଯୋଗ ଦେବା ପାଇଁ କର୍ଣ୍ଣାଟକ ସିଏମ ସିଦ୍ଦରାମାୟାଙ୍କୁ ନିମନ୍ତ୍ରଣ ଦିଆଯାଇନାହିଁ । ଯେଉଁଥିପାଇଁ ରାଜ୍ୟର କଂଗ୍ରେସ ନେତାମାନେ ଏବେ କ୍ରୋଧିତ ଥିବା କୁହାଯାଉଛି । ଏମିତିକି କର୍ନାଟକ ସରକାରର ଜଣେ ମନ୍ତ୍ରୀ ତଥା କଂଗ୍ରେସ ନେତା ଏଚ୍ ଆଞ୍ଜନେୟ ମୁଖ୍ୟମନ୍ତ୍ରୀ ସିଦ୍ଦରାମାୟାଙ୍କୁ ପ୍ରଭୁ ରାମଙ୍କ ସହ ତୁଳନା କରିଛନ୍ତି । ଯାହାକୁ ନେଇ ବର୍ତ୍ତମାନ ବିବାଦ ସୃଷ୍ଟି ହୋଇଛି ।
'ସିଦ୍ଦରାମାୟା ନିଜେ ରାମ'
କର୍ଣ୍ଣାଟକ ସିଏମ ସିଦ୍ଦରାମାୟାଙ୍କୁ ଅଯୋଧ୍ୟାରେ ରାମ ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମରେ ନିମନ୍ତ୍ରଣ ନମିଳିବାରୁ କଂଗ୍ରେସ ନେତା ଏଚ୍ ଅଞ୍ଜାନେୟା କହିଛନ୍ତି - ଏହା ଭଲ, ସିଦ୍ଦରାମାୟା ନିଜେ ରାମ, ସେ କାହିଁକି ଅଯୋଧ୍ୟାକୁ ଯାଇ ପୂଜା କରିବେ? ସେ ତାଙ୍କ ଗ୍ରାମରେ ପୂଜା କରିବେ ଯେଉଁଠାରେ ରାମ ମନ୍ଦିର ଅଛି । ସେ ଅଯୋଧ୍ୟାକୁ କାହିଁକି ଯିବେ? "
'ଅଯୋଧ୍ୟାରେ ବିଜେପି ରାମ '
କଂଗ୍ରେସ ନେତା ଏଚ୍ ଅଞ୍ଜାନେୟା ଏତିକିରେ ଅଟକି ନାହାଁନ୍ତି ଅଯୋଧ୍ୟା ରାମଙ୍କୁ ବିଜେପିର ରାମ ବୋଲି ବର୍ଣ୍ଣନା କରିଛନ୍ତି । ସେ କହିଛନ୍ତି- "ସେଠାରେ ବିଜେପିର ରାମ ଅଛନ୍ତି, ସେମାନେ ବିଜେପି ଲୋକଙ୍କୁ ନିମନ୍ତ୍ରଣ କରୁଛନ୍ତି ଏବଂ ଭଜନ କରୁଛନ୍ତି, ତେଣୁ ସେମାନେ ଏହା କରନ୍ତୁ । ଆମର ରାମ ସବୁଆଡେ ଅଛନ୍ତି, ସେ ଆମ ହୃଦୟରେ ଅଛନ୍ତି । ମୁଁ ଅଞ୍ଜାନେୟା , ଆମେ ସମସ୍ତେ ରାମଙ୍କ ଭକ୍ତ , ଆମ ସମ୍ପ୍ରଦାୟରେ ଆମେ ରାମ, ଅଞ୍ଜାନେୟା, ମାରୁତି ଏବଂ ହନୁମନ୍ତ ପରି ନାମ ଏହି ସବୁ ଆମ ସମ୍ପ୍ରଦାୟର ଅଟଠନ୍ତି ବୋଲି କହିଛନ୍ତି ଏଚ୍ ଆଞ୍ଜନେୟ ।
Click it and Unblock the Notifications
Sign in with Google