ଲୋକସଭା ନିର୍ବାଚନ ପୂର୍ବରୁ ଶୁବମନ ଗିଲଙ୍କୁ ମିଳିଲା ବଡ଼ ଦାୟିତ୍ୱ
ନୂଆଦିଲ୍ଲୀ: ଲୋକସଭା ନିର୍ବାଚନ ପୂର୍ବରୁ ଭାରତୀୟ ଷ୍ଟାର୍ ବ୍ୟାଟ୍ସମ୍ୟାନ୍ ଶୁଭମାନ ଗିଲଙ୍କୁ ବଡ଼ ଦାୟିତ୍ୱ ମିଳିଛି । ତାଙ୍କୁ ପଞ୍ଜାବର ଷ୍ଟେଟ୍ ଆଇକନ୍ କରାଯାଇଛି । ଆଉ ଏହି ବଡ଼ ଦାୟିତ୍ୱ ତାଙ୍କୁ ନିର୍ବାଚନ ଆୟୋଗ ଦେଇଛନ୍ତି । ନିର୍ବାଚନ ପୂର୍ବରୁ ସେ ଭୋଟରଙ୍କୁ ମଧ୍ୟରେ ସଚେତନତା ସୃଷ୍ଟି କରାଇବାର ନଜର ଆସିବେ । ଏହି ସୂଚନା ମୁଖ୍ୟ ନିର୍ବାଚନ ଅଧିକାରୀ ସିବିନ୍ ସି ପ୍ରଦାନ କରିଛନ୍ତି ।
ଆଉ ସେ ସୋମବାର ଏକ ବିବୃତ୍ତିରେ କହିଛନ୍ତି ଯେ ଗିଲ ଏକ ଅଲଗା ଅଲଗା ଅଭିଯାନର ଅଂଶ ହେବେ । ଏହାର ଉଦ୍ଦେଶ୍ୟ ହେଉଛି ଭୋଟରଙ୍କ ମଧ୍ୟରେ ସଚେତନତା ସୃଷ୍ଟି କରିବା । ଯାହାଫଳରେ ରାଜ୍ୟରେ ଭୋଟ ପ୍ରତିଶତ ୭୦ ପ୍ରତିଶତ ମାର୍କ ଅତିକ୍ରମ କରିପାରିବ । ନିର୍ବାଚନ ଅଧିକାରୀମାନେ ଏଥର ୭୦ ଅତିକ୍ରମ କରିବା ଲକ୍ଷ୍ୟ ରଖିଛନ୍ତି ।
ପଞ୍ଜାବରେ ୨୦୧୯ ଲୋକସଭା ନିର୍ବାଚନରେ ୧୩ ଟି ସିଟ୍ ପାଇଁ ୬୫.୯୬ ପ୍ରତିଶତ ମତଦାନ ହୋଇଥିଲା । ଏଥର ନିର୍ବାଚନ ଅଧିକାରୀମାନେ ୭୦ ପ୍ରତିଶତ କରିବାର ଲକ୍ଷ୍ୟ ରଖିଛନ୍ତି । ଆୟୋଗ ଦ୍ୱାରା 'ଏଥର ୭୦ ପ୍ରତିଶତ ଅତିକ୍ରମ' ସ୍ଲୋଗାନ ମଧ୍ୟ ଦିଆଯାଇଛି । ସିବିନ୍ ସି ଆହୁରି କହିଛନ୍ତି, ପଞ୍ଜାବର ସମସ୍ତ ଡେପୁଟି କମିଶନରଙ୍କ ସହିତ ଶୁକ୍ରବାର ଏକ ବୈଠକରେ ସେମାନଙ୍କୁ ଗତ ନିର୍ବାଚନ ସମୟରେ ଭୋଟ୍ ପ୍ରତିଶତ କମ୍ ଥିବା ଅଞ୍ଚଳଗୁଡିକୁ ଚିହ୍ନଟ କରିବାକୁ କୁହାଯାଇଥିଲା ।" ବର୍ତ୍ତମାନ ଗିଲ ଇଂଲଣ୍ଡ ବିପକ୍ଷ ଚାଲିଥିବା ଟେଷ୍ଟ ସିରିଜରେ ଖେଳୁଛନ୍ତି ।
Click it and Unblock the Notifications
Sign in with Google