ଅଲ୍ ଫଲାହ ୟୁନିଭର୍ସିଟିକୁ କାରଣ ଦର୍ଶାଅ ନୋଟିସ୍

ଦିଲ୍ଲୀ ବିସ୍ଫୋରଣ ପରେ ହୋଇଥିବା ତଦନ୍ତରେ ଅଲ୍ ଫଲାହ ୟୁନିଭର୍ସିଟିର ସଂଖ୍ୟାଲଘୁ ମାନ୍ୟତା ବିପଦ। ଜାତୀୟ ସଂଖ୍ୟାଲଘୁ ଶିକ୍ଷା ପ୍ରତିଷ୍ଠାନ ଆୟୋଗ (ଏନସିଏମ୍ଇଆଇ) ଅଲ୍-ଫଲାହ ମେଡିକାଲ କଲେଜର 'ସଂଖ୍ୟାଲଘୁ ମାନ୍ୟତା'କୁ ନେଇ କାରଣ ଦର୍ଶାଅ ନୋଟିସ୍ ଜାରି କରିଛନ୍ତି। ଏହା ପୂର୍ବରୁ ୧୨ ନଭେମ୍ବରରେ ଜାତୀୟ ମୂଲ୍ୟାଙ୍କନ ଏବଂ ମାନ୍ୟତା ପରିଷଦ (ଏନ୍ଏଏସି) ମଧ୍ୟ ମାଇନରିଟି ଷ୍ଟାଟସ୍ ବା ସଂଖ୍ୟାଲଗୁ ମାନ୍ୟତା ଦାବିକୁ ନେଇ କଲେଜକୁ ନୋଟି୍ସ ଜାରି କରିଥିଲେ।

ନୋଟିସ୍‌ କାରଣ ଏନସିଏମ୍ଇଆଇ ୟୁନିଭର୍ସିଟିକୁ ପଚରା ଯାଇଥିଲା ଯେ, ତାଙ୍କର ସଂଖ୍ୟାଲଘୁ ମାନ୍ୟତା କାହିଁକି ରଦ୍ଦ କରାନଯିବ? ଏହି ପଦକ୍ଷେପ ସେତେବେଳେ ଉଠାଯାଇଥିଲା ଯେତେବେଳେ ଆବେଦନକାରୀ ୧୦ ନଭେମ୍ବରରେ ଲାଲକିଲ୍ଲା ନିକଟରେ ହୋଇଥିବା ବିସ୍ଫୋରଣରେ ସାମିଲ ଦୁଇ ବ୍ୟକ୍ତିଙ୍କ ସମ୍ପର୍କ ଏହି ସଂସ୍ଥା ସହ ପାଇଥିଲେ।

କମିଶନ୍ ୟୁନିଭର୍ସିଟିର ରେଜିଷ୍ଟାର ଓ ହରିୟାଣା ଶିକ୍ଷା ବିଭାଗର ପ୍ରଧାନ ସଚିବଙ୍କୁ ଡିସେମ୍ବରରେ ହେବାକୁ ଥିବା ଶୁଣାଣି ପାଇଁ ଡକାଇଛନ୍ତି। ନୋଟିସ୍‌ରେ ଅଲ୍-ଫଲାହରୁ ତାଙ୍କ ମ୍ୟାନେଜିଂ ବଡି, ଟ୍ରଷ୍ଟର ଢାଞ୍ଚା, ଫଣ୍ଡିଂର ସ୍ରୋତ, ନିଯୁକ୍ତି ପକ୍ରିୟା ଓ ଜାତୀୟ ସଂଖ୍ୟାଲଘୁ ଶିକ୍ଷା ପ୍ରତିଷ୍ଠାନ ଆୟୋଗ ଅଧିନିୟମ,୨୦୦୪ର ନିୟମ ପାଳନ ସମ୍ପର୍କିତ ଦସ୍ତାବିଜ ମଗାଯାଇଛି।

କମିଶନ୍ ଟ୍ରଷ୍ଟ ଡିଡ୍, ମ୍ୟାନେଜମେଣ୍ଟ ସଂରଞ୍ଚନା, ଆଡମିସନର ସଂଖ୍ୟା, ଶିକ୍ଷକଙ୍କ ନିଯୁକ୍ତି, ଗଭର୍ନିଂ ବଡିର ବୈଠକର ବିବରଣୀ ଓ ଗତ ତିନି ବର୍ଷର ଆର୍ଥିକ ବିବରଣୀର ମୂଳ ରେକର୍ଡ ମଧ୍ୟ ମାଗିଛନ୍ତି। ଏହା ମଧ୍ୟରେ ହରିୟାଣା ଶିକ୍ଷା ବିଭାଗକୁ ନିର୍ଦେଶ ଦିଆଯାଇଛି ସେ ଏକ ଭେରିଫିକେସନ୍ ରିପୋର୍ଟ ଦାଖଲ କରନ୍ତୁ। ଏହି ରିପୋର୍ଟରେ ୟୁନିଭର୍ସିଟିର ସଂଖ୍ୟାଲଘୁ ପ୍ରତିଷ୍ଠାନର ମାନ୍ୟତା ମିଳିବା ପରେ କରାଯାଇଥିବା ନୀରିକ୍ଷଣ, ତଦାରଖ କାର୍ଯ୍ୟ ଓ ବିଭାଗ ଏବଂ ୟୁନିଭର୍ସିଟି ଭିତରେ ହୋଇଥିବା ଆଲୋଚନାର ପୁରା ବିବରଣୀ ହେବା ଦରକାର।

ମାମଲା ସମ୍ପର୍କି ସୂଚନା ରଖିଥିବା ଅଧିକାରୀଙ୍କ ଅନୁସାରେ,NCMEI ଏବେ ନିମ୍ନ ଲିଖିତ କଥାର ଯାଞ୍ଚ କରିବ। କ'ଣ ୟୁନିଭର୍ସିଟିର ସଞ୍ଚାଳନ ଏବେ ବି ସେହି ସଂଖ୍ୟାଲଘୁ ସମୁଦାୟ ଦ୍ବାରା କରାଯାଉଛି, ଯାହାର ଟ୍ରଷ୍ଟରେ ପ୍ରତିନିଧିତ୍ବ ରହିଛି ? କ'ଣ ୟୁନିଭର୍ସିଟିର ମାଲିକାନା କିମ୍ବା ନିୟନ୍ତ୍ରଣରେ କୌଣସି ପରିବର୍ତ୍ତନ ହୋଇଛି କି ? କ'ଣ ସଂଖ୍ୟାଲଘୁ ମାନ୍ୟତା ପାଇଁ ଜରୁରୀ ସର୍ତ୍ତ ଏବେ ବି ବଜାୟ ରହିଛି ? ୧୦ ନଭେମ୍ବରରେ ହୋଇଥିବା ବିସ୍ପୋରଣ ପରେ ଏହି ସଂସ୍ଥା ଉପରେ ତଦନ୍ତ ଆହୁରି କଡାକଡି କରି ଦିଆଯାଇଛି। ବିସ୍ଫୋରଣରେ ୧୩ ଜଣଙ୍କର ମୃତ୍ୟୁ ହୋଇଥିଲା।