କେଜ୍ରିୱାଲଙ୍କୁ ଝଟକା ; ନବମ ନୋଟିସ ପଠାଇଲା ଇଡି
ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ନବମ ସମନ ପଠାଇଲା ଇଡି । ମଦ ଦୁର୍ନୀତି ମାମଲା ସହ ଜଡିତ ମନି ଲଣ୍ଡରିଂ ମାମଲାରେ ଇଡି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଏକ ନୂତନ ଡାକରା ଦେଇଛି ଏବଂ ମାର୍ଚ୍ଚ 21 ରେ ତାଙ୍କୁ ପଚରାଉଚରା ପାଇଁ ଡାକିଛି । ସରକାରୀ ସୂତ୍ର ରବିବାର ଦିନ ଏହି ସୂଚନା ଦେଇଛି। ସୂଚନା ମୁତାବକ, ମନି ଲଣ୍ଡରିଂ ଆକ୍ଟ (PMLA) ଅଧୀନରେ କେଜ୍ରିୱାଲଙ୍କ ବିବୃତ୍ତିକୁ ରେକର୍ଡ କରିବା ପାଇଁ ନବମ ସମନ ଜାରି କରାଯାଇଛି। ଇଡି ଡାକରାକୁ ବେଆଇନ ବୋଲି କହି ପ୍ରତ୍ୟେକ ଥର ମୁଖ୍ୟମନ୍ତ୍ରୀ ହାଜର ହେବାକୁ ମନା କରି ଦେଇଛନ୍ତି।
କୋର୍ଟରେ ହାଜର ହେବା ପୂର୍ବରୁ ଅରବିନ୍ଦ କେଜ୍ରିୱାଲଙ୍କୁ ରାଉସ୍ ଆଭେନ୍ୟୁ କୋର୍ଟ ନିର୍ଦ୍ଦେଶ ଦେଇଛନ୍ତି ଯେ ତାଙ୍କୁ ଏସିଏମ୍ କୋର୍ଟରେ ହାଜର ହେବାକୁ ପଡ଼ିବ। ଏହା ପରେ ଅରବିନ୍ଦ କେଜ୍ରିୱାଲ ଶନିବାର ସକାଳ 9.45 ରେ ନିଜ ଘରୁ କୋର୍ଟକୁ ଯାଇଥିଲେ। ସେସନ୍ କୋର୍ଟ ଅରବିନ୍ଦ କେଜ୍ରିୱାଲଙ୍କ ଓକିଲମାନଙ୍କୁ କହିଥିଲେ ଯେ ଆପଣ ହାଜର ହେବା ଛାଡ ପାଇଁ ଟ୍ରାଏଲ କୋର୍ଟରେ ଆବେଦନ କରିପାରିବେ। ବାସ୍ତବରେ, ଦିଲ୍ଲୀ ଲିକର୍ ପଲିସି ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ସେସନ୍ କୋର୍ଟରେ ରାଉସ୍ ଆଭେନ୍ୟୁ କୋର୍ଟ ଦେଇଥିବା ସମନକୁ ଚ୍ୟାଲେଞ୍ଜ କରିଥିଲେ, ଯାହା ପରେ ଅରବିନ୍ଦ କେଜ୍ରିୱାଲଙ୍କ ହାଜର ହେବା ସମ୍ପର୍କରେ କୋର୍ଟ କହିଥିଲେ।
ଫଳରେ ଏହାକୁ ନେଇ ଇଡି ଅଧିକାରୀ କୋର୍ଟରେ ହାଜର ହୋଇଥିଲେ। କେଜ୍ରିୱାଲଙ୍କ ବିରୁଦ୍ଧରେ ଦୁଇଟି ଅଭିଯୋଗ କରିଥିଲା ଇଡି। କେଜ୍ରିୱାଲ ବାବମ୍ବାର ସମନ ଏଡାଇ ଚାଲିଥିବାରୁ ତାଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନେବାକୁ ଦାବି କରିଥିଲା କେଦ୍ରୀୟ ତଦନ୍ତକାରୀ ସଂସ୍ଥା।
ଗତକାଲି ରାଉଜ୍ ଆଭେନ୍ୟୁ କୋର୍ଟ ଏ ଉପରେ ବିଚାର କରିଥିଲେ। ଶୁଣାଣି ସମୟରେ କେଜ୍ରିୱାଲ ଇଡିରେ ହାଜର ନ ହେବାକୁ ନେଇ କାରଣ ଦର୍ଶାଇଥିଲେ। ଉଭୟ ପକ୍ଷଙ୍କୁ ଶୁଣିବା ପରେ କୋର୍ଟ ତାଙ୍କୁ ଆଗୁଆ ବେଲ୍ ଦେଇଛନ୍ତି। କିନ୍ତୁ ପ୍ରବର୍ତ୍ତନ ନିର୍ଦ୍ଦେଶାଳୟ ଏହି ମାମଲା ଉପରେ ଜେରା ପାଇଁ କେଜ୍ରିୱାଲଙ୍କୁ ପୁନର୍ବାର ସମନ ପଠାଇଛି।
Click it and Unblock the Notifications
Sign in with Google