ବଦଳିଲା ଶିବରାଜଙ୍କ ଠିକଣା
ଭୋପାଳ : ବଦଳିଲା ଶିବରାଜଙ୍କ ଠିକଣା । ବର୍ତ୍ତମାନ ଶିବରାଜଙ୍କ ନୂତନ ଠିକଣା ଲିଙ୍କ ରୋଡ ନମ୍ବର ୧ ସ୍ଥିତ ବି-୮-୭୪, ହେବ ।ମଧ୍ୟପ୍ରଦେଶର ପୂର୍ବତନ ସିଏମ ଶିବରାଜ ସିଂ ଚୌହାନ ବୁଧବାର ମୁଖ୍ୟମନ୍ତ୍ରୀଙ୍କ ବାସଭବନ ଶ୍ୟାମଳା ହିଲ୍ସ ଖାଲି କରିଛନ୍ତି। ସେ ବଙ୍ଗଳା ଖାଲି କରିବା ପୂର୍ବରୁ ମନ୍ଦିରରେ ପ୍ରାର୍ଥନା କରିଥିଲେ। ଗୋଶାଳାରେ ଗୋମାତାଙ୍କର ଦର୍ଶନ କରିଥିଲେ। ଏଥିସହ ମୁଖ୍ୟମନ୍ତ୍ରୀଙ୍କ ବାସଭବନରେ ପଦସ୍ଥ ସୁରକ୍ଷା କର୍ମୀମାନେ ତାଙ୍କୁ ବିଦାୟ ଦେଇଛନ୍ତି।
ସିଏମ ବାସଭବନ ଛାଡିବାବେଳେ ଶିବରାଜ କହିଛନ୍ତି ତାଙ୍କ ଠିକଣା ନିଶ୍ଚିତ ଭାବେ ବଦଳୁଛି, କିନ୍ତୁ ତାଙ୍କ ଘରର କବାଟ ସମସ୍ତଙ୍କ ସବୁବେଳେ ଖୋଲା ରହିବ। ଗଣମାଧ୍ୟମ ସହ ଆଲୋଚନା ବେଳେ ସେ କହିଛନ୍ତି ମୁଖ୍ୟମନ୍ତ୍ରୀଙ୍କ ବାସଭବନରେ ରହିବାବେଳେ ସେ ଅନେକ ବିକାଶମୂଳକ କାର୍ଯ୍ୟ କରିଛନ୍ତି। ଆଗାମୀ ଦିନରେ ମଧ୍ୟ ରାଜ୍ୟରେ ଅନେକ ବିକାଶମୂଳକ କାର୍ଯ୍ୟ କରାଯିବ। ସେ କହିଛନ୍ତି ୧୮ ବର୍ଷ ମଧ୍ୟରେ ପ୍ରଗତି ଏବଂ ଆଲୋକ ତଥା ଜନ କଲ୍ୟାଣର ଏକ ଇତିହାସ ସୃଷ୍ଟି ହୋଇଛି। ଆଜି ମୁଁ ଆନନ୍ଦିତ ମନରେ ଏବଂ ଖୁସିରେ ମୁଖ୍ୟମନ୍ତ୍ରୀଙ୍କ ବାସଭବନ ଛାଡିଛି। ଶିବରାଜଙ୍କ ସ୍ତ୍ରୀ ସାଧନା ସିଂ କହିଛନ୍ତି ବଙ୍ଗଳା ସହିତ ତାଙ୍କର ଅନେକ ସ୍ମୃତି ରହିଛି।
ମଧ୍ୟପ୍ରଦେଶ ବିଧାନସଭା ନିର୍ବାଚନର ଫଳାଫଳ 3 ଡିସେମ୍ବରରେ ଆସିଥିଲା | ଫଳାଫଳ ଆସିବା ଦିନଠାରୁ ବିଜେପିର କେନ୍ଦ୍ରୀୟ ନେତୃତ୍ୱ କାହାକୁ ରାଜ୍ୟ ମୁଖ୍ୟମନ୍ତ୍ରୀ କରାଯିବା ଉଚିତ ସେନେଇ ଚର୍ଚ୍ଚା ଆରମ୍ଭ ହୋଇଥିଲା । ଏଥର ଶିବରାଜ ସିଂ ଚୌହାନଙ୍କ ସମେତ ବିଜେପିର ପାଞ୍ଚଟି ବଡ ନାମ ଥିଲା, ଯେଉଁମାନେ ସିଏମ୍ ପଦବୀ ପାଇଁ ପ୍ରତିଦ୍ୱନ୍ଦ୍ୱୀ ଥିଲେ। ଏହି ନାମଗୁଡ଼ିକରେ ବିଜେପି ରାଷ୍ଟ୍ରୀୟ ସାଧାରଣ ସମ୍ପାଦକ କୌଲାଶ ବିଜୟବର୍ଗି, ପ୍ରହ୍ଲାଦ ପଟେଲ, ନରେନ୍ଦ୍ର ସିଂ ତୋମାର, କେନ୍ଦ୍ର ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ, ରାଜ୍ୟ ବିଜେପି ସଭାପତି ବିଷ୍ଣୁଦତ୍ତ ଶର୍ମା ରହିଥିଲେ। କିନ୍ତୁ ଶେଷରେ ଉଜ୍ଜୟୀନ ଦକ୍ଷିଣ ଆସନ ରୁ ଜିତିଥିବ ମୋହନ ଯାଦବଙ୍କୁ ମୁଖ୍ୟମନ୍ତ୍ରୀ ଭାବରେ ଘୋଷଣା କଲା ଦଳ । ମୋହନ ଶିବରାଜ ସରକାରରେ ଶିକ୍ଷା ମନ୍ତ୍ରୀ ଥିବା ମୋହନ ଯାଦବଙ୍କ ନୂତନ ବାସଭବନ ଭୋପାଳର ସିଏମ୍ ହାଉସ୍ ହେବ।
Click it and Unblock the Notifications
Sign in with Google