ସବୁଠୁ ବଡ ଦାନୀ ତାଲିକାରେ ଆଗରେ ଶିବ ନାଦାର, ପଞ୍ଚମରେ ଓଡିଶାର ସୁବ୍ରତ ବାଗଚୀ

ଆଜି ପ୍ରକାଶ ପାଇଥିବା ଏଡେଲଗିଭ୍ ହୁରୁନ୍ ଫେଲନଥ୍ରୋପୀ ଇଣ୍ଡିଆ ତାଲିକା 2022ରେ 19 ଜଣ ନୂତନ ପ୍ରବେଶକାରୀ ଅଛନ୍ତି । ପଞ୍ଚମ ସ୍ଥାନରେ ଓଡିଆ ପୁଅ ସୁବ୍ରତ ବାଗଚୀ।

Published: Thursday, October 20, 2022, 20:15 [IST]

ନୂଆଦିଲ୍ଲୀ: ଦେଶର ସବୁଠୁ ଦାନୀ ବିଲେନିୟର ତାଲିକାରେ ପଞ୍ଚମ ସ୍ଥାନରେ ଓଡିଆ ପୁଅ। ଏହି ସୂଚୀରେ ସବୁଠୁ ଆଗରେ ଅଛନ୍ତି ଶିବ ନାଦର । ଏଡଲଗିଭ ହୁରୁନ ଇଣ୍ଡିଆ ଫେଲନଥ୍ରୋପୀ ତାଲିକା 2022 ଅନୁସାରେ ଆଇଟି କମ୍ପାନି ଏସଚିଏଲ ପ୍ରତିଷ୍ଠାତା ଶିବ ନାଦର ବର୍ଷକୁ 1,161 କୋଟି ଟଙ୍କା ଦାନ କରିଛନ୍ତି । ଏହି ହିସାବରେ ଶିବ ନାଦର ଦାନ ବାବଦକୁ ପ୍ରତିଦିନ ତିନି କୋଟି ଟଙ୍କା ଖର୍ଚ୍ଚ କରନ୍ତି ବୋଲି ଜଣାପଡିଛି ।

ଦ୍ବିତୀୟ ସ୍ଥାନରେ ଅଛନ୍ତି ୱିପ୍ରୋର ପ୍ରତିଷ୍ଠାତା ଅଜୀମ ପ୍ରେମଜୀ। ବର୍ତ୍ତଣାନ ସୁଦ୍ଧା ଅଜୀମ ପ୍ରେମଜୀଙ୍କୁ ସବୁଠୁ ବଡ଼ ଦାନୀ ବୋଲି କୁହାଯାଉଥିଲା । ତେବେ ଚଳିତ ବର୍ଷ ଅଜୀମ ପ୍ରେମଜୀ 484 କୋଟି ଟଙ୍କାର ବାର୍ଷିକ ଦାନ କରିଛନ୍ତି । ରିପୋର୍ଟ କ୍ରମେ, ତୃତୀୟ ଏବଂ ଚତୁର୍ଥ ସ୍ଥାନରେ ଅଛନ୍ତି ରିଲାଏନ୍ସ ମୁଖ୍ୟ ମୁକେଶ ଅମ୍ୱାନୀ ଏବଂ ଆଦିତ୍ୟ ବିର୍ଲା ଗ୍ରୁପର ଅଧ୍ୟକ୍ଷ କୁମାର ମଙ୍ଗଲମ ବିର୍ଲା । ଗୋଟିଏ ବର୍ଷରେ ଅମ୍ୱାନୀ 411 କୋଟି ଟଙ୍କା ଦାନ କରିଛନ୍ତି । ସେହିପରି କୁମାର ମଙ୍ଗଲମ 242 କୋଟି ଟଙ୍କା ଦାନ କରିଛନ୍ତି।

ଆଇଟି କମ୍ପାନି ମାଇଣ୍ଡଟ୍ରି ସହ ଜଡିତ ସୁସ୍ମିତା ଏବଂ ସୁବ୍ରତୋ ବାଗତୀଙ୍କ ସହ ରାଧା ଏବଂ ଏନଏସ ପାର୍ଥସାରଥୀ 213 କୋଟି ଟଙ୍କା ଲେଖାଏଁ ଦାନ କରି ପଞ୍ଚମ ସ୍ଥାନରେ ରହିଛନ୍ତି । ଏହିପରେ 190 କୋଟି ଦାନ କରି ଚଳିତ ବର୍ଷ ଗୌତମ ଆଦାନୀ ସୂଚୀର ସପ୍ତମ ସ୍ଥାନରେ ଅଛନ୍ତି । ଗୌତମ ଆଦାନୀ ଦେଶର ସବୁଠୁ ଧନୀ ବ୍ୟକ୍ତି ।

Published On October 20, 2022