କୋଲକାତା ଲଜ୍ଜ୍ୟା ; ସନ୍ଦୀପ ଘୋଷଙ୍କ ସମ୍ପର୍କୀୟ ଘରେ ଇଡି ରେଡ
କୋଲକାତା ଦୁଷ୍କର୍ମ ଓ ହତ୍ୟା ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟର ଏଣ୍ଟ୍ରି ହୋଇଛି । ଆର.ଜି କର ମେଡିକାଲ କଲେଜ ଓ ହସ୍ପିଟାଲରେ ହୋଇଥିବା ଆର୍ଥିକ ଦୁର୍ନୀତିକୁ ନେଇ ଇଡି କୋଲକାତାର ଭିନ୍ନ ଭିନ୍ନ ସ୍ଥାନରେ ଚଢ଼ାଉ କରିଛି ।
ସୂତ୍ର ମିଳିଥିବା ଖବର ଅନୁଯାୟୀ, ପ୍ରାୟ ତିନୋଟି ସ୍ଥାନ ତଥା ଓ୍ବଡା, ସୋନାରପୁର ଏବଂ ହୁଗୁଳିରେ କେନ୍ଦ୍ରୀୟ ଯାଞ୍ଚ ଏଜେନ୍ସି ରେଡ୍ ମାରିଥିବା କୁହାଯାଉଛି । ଆରଜି କର ହସ୍ପିଟାଲର ପୂର୍ବତନ ପ୍ରିନ୍ସିପାଲ୍ ସନ୍ଦୀପ ଘୋଷଙ୍କ ସମ୍ପର୍କୀୟଙ୍କ ଘରେ ଇଡି ଟିମ୍ ଚଢ଼ାଉ କରିଛି । ମେଡିକାଲ କଲେଜରେ ଆର୍ଥିକ ହେରଫେରକୁ ନେଇ ରେଡ୍ ହୋଇଥିବା ସୂତ୍ରରୁ ପ୍ରକାଶ ପାଇଛି ।
ଅଗଷ୍ଟ ୯ ତାରିଖରେ କୋଲକାତା ଆର.ଜି କର ମେଡିକାଲ କଲେଜ ଓ ହସ୍ପିଟାଲରେ ମହିଳା ଟ୍ରେନି ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ହୋଇଥିଲା । ଏହି ମାମଲାରେ ସିବିଆଇ ଯାଞ୍ଚ କରୁଛି । ମୁଖ୍ୟ ଅଭିଯୁକ୍ତ ପୋଲିସ ଭଲ୍ୟୁଣ୍ଟାରୀ ସଞ୍ଜୟ ରୟ ଗିରଫ ହୋଇ ବିଚାର ବିଭାଗୀୟ ହାଜତରେ ରହିଛି । ଏହାଛଡ଼ା ହସ୍ପିଟାଲର ପୂର୍ବତନ ପ୍ରିନ୍ସିପାଲ୍ ସନ୍ଦୀପ ଘୋଷଙ୍କୁ ମଧ୍ୟ କେନ୍ଦ୍ରୀୟ ଯାଞ୍ଚ ବ୍ୟୁରୋ ପଚରାଉଚରା ପରେ ଗିରଫ କରିଛି । ଏହା ସହିତ ଅଧିକ ତଦନ୍ତ ପାଇଁ ତାଙ୍କୁ ୮ ଦିନିଆ ରିମାଣ୍ଡରେ ନେଇଛି । ମାମଲାରେ ମୁଖ୍ୟ ଅଭିଯୁକ୍ତ ସଞ୍ଜୟ ରୟ ସମେତ ମୋଟ୍ ୫ଜଣ ଗିରଫ ହୋଇଛନ୍ତି । ସିବିଆଇ ପରେ ଏହି ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟର ଏଣ୍ଟ୍ରି ହୋଇଛି ।
Click it and Unblock the Notifications
Sign in with Google