• search
For Quick Alerts
Turn On Notification  
For Daily Alerts

ଉତ୍ତରାଖଣ୍ଡ ହିମସ୍ଖଳନ ଘଟଣା : ଟନେଲ ଭିତରେ 7 ଘଣ୍ଟାର ଛାତିଥରା କାହାଣୀ

|

ନୂଆଦିଲ୍ଲୀ : ରବିବାର ଦିନ ଉତ୍ତରାଖଣ୍ଡର ଚାମୋଲିରେ ଘଟିଥିବା ହିମସ୍ଖଳନ ଘଟଣାରେ ଅନେକ ଲୋକ ପ୍ରାଣ ହରାଇଛନ୍ତି । ଏହି ସମୟ ମଧ୍ୟରେ ଟନେଲରେ କାମ କରୁଥିବା ଶ୍ରମିକମାନେ ଦୁର୍ଘଟଣା ପରେ ଏଥିରେ ଫସି ରହିଥିଲେ । ITBP କର୍ମଚାରୀମାନେ ଟନେଲରେ କାର୍ଯ୍ୟ କରୁଥିବା 16 ଜଣ ଶ୍ରମିକଙ୍କୁ ଉଦ୍ଧାର କରିଛନ୍ତି । ଉଦ୍ଧାର ହୋଇଥିବା ଜଣେ ଶ୍ରମିକ ସୁନୀଲ ଦ୍ୱିବେଦୀ ସେହି ସାତ ଘଣ୍ଚାର ଛାତିଥରା କାହାଣୀ କହିଛନ୍ତି ।

Uttarakhand-Glacier-Incident

ହଠାତ୍ ଲୋକମାନେ ଚିତ୍କାର କରିବାକୁ ଲାଗିଲେ

ସୁନୀଲ କହିଛନ୍ତି ଯେ ଆମେ ଟନେଲ ଭିତରେ କାମ କରୁଥିଲୁ । ହଠାତ୍ ଲୋକମାନେ ପାଟି କରିବାକୁ ଲାଗିଲେ । କ'ଣ ହେଲା ବୋଲି ଆମେ ଆଶ୍ଚର୍ଯ୍ୟ ହୋଇଗଲୁ । ହଠାତ୍ ଟନେଲ୍ ଭିତରେ ପାଣି ଭର୍ତ୍ତି ହୋଇଗଲା, ଆମେ ଏହା ଭିତରେ ଫସି ରହିଲୁ, ବାହାରକୁ ଆସି ପାରିଲୁ ନାହିଁ । ଆମେ ଟନେଲର 300 ମିଟର ଭିତରେ ଥିଲୁ । ଏକ ଲୁହା ବାଡ଼ିରେ ଅଟକି ଯାଇଥିଲୁ, ଆମ ଶରୀର ପୁରା ପାଣିରେ ଥିବାବେଳେ ଖାଲି ମୁଣ୍ଡ ପାଣି ଉପରେ ଥିଲା । ଏହିପରି ଏକ ଘଣ୍ଟା ପାଇଁ ଆମେ ଭିତରେ ଫସି ରହିଥିଲୁ ।

Uttarakhand-Glacier-Incident

ଏବେ ବି ବହୁ ଲୋକ ନିଖୋଜ ଅଛନ୍ତି

ରବିବାର ଦିନ ନନ୍ଦା ଦେବୀ ଗ୍ଲେସିୟରର ଏକ ଅଂଶ ଭାଙ୍ଗି ଏକ ବଡ ଦୁର୍ଘଟଣା ହୋଇଛି । ଏହି ଦୁର୍ଘଟଣାରେ ପ୍ରାୟ 14 ଜଣ ପ୍ରାଣ ହରାଇଛନ୍ତି ଏବଂ 125 ଜଣ ନିଖୋଜ ଅଛନ୍ତି । ଏହି ଦୁର୍ଘଟଣାରେ ଏନଟିପିସି ହାଇଡେଲ ପାୱାର ପ୍ରୋଜେକ୍ଟ, ତପୋଭାନ ବିଷ୍ଣୁଗାନ ଏବଂ ଋଷି ଗଙ୍ଗା ପ୍ରକଳ୍ପ ବହୁ କ୍ଷତି ହୋଇଛି । ଏଠାରେ କାର୍ଯ୍ୟ କରୁଥିବା ଅନେକ ଶ୍ରମିକ ଟନେଲରେ ଫସି ରହିଛନ୍ତି ।

ପରିବାରକୁ ଭେଟିବାର ଆଶା ନଥିଲା

ସୁନୀଲ କହିଛନ୍ତି ଯେ ଏକ ସମୟରେ ଆମେ ଅନୁଭବ କରିଥିଲୁ ଯେ ଆମେ ଆମ ପରିବାରକୁ କେବେବି ଭେଟି ପାରିବୁ ନାହିଁ । କିନ୍ତୁ କିଛି ସମୟ ପରେ ଜଳସ୍ତର କମିବାରେ ଲାଗିଲା । ଆମେ ବଡ଼ ପଥର ଦେଇ ବାହାରକୁ ଆସିଲୁ । ଭିତରୁ ନିଶ୍ୱାସ ନେବା କଷ୍ଟକର ହେଉଥିଲା । ତା'ପରେ ଆମେ ଦେଖିଲୁ ଯେ କାନ୍ଥ ଫାଟିଯାଇଛି, ସେଇବାଟରେ ଆମେ ନିଶ୍ୱାସ ନେବାକୁ ଚେଷ୍ଟା କରୁଥିଲୁ । ଏହା ପରେ ଆମ ଭିତରେ ବଞ୍ଚିବାର ଆଶା ଆସିଲା । ଏହା ପରେ ଆମେ ଭାବିଲୁ ଆମେ ଉଦ୍ଧାର ହୋଇପାରିବୁ, ଆମେ ବଞ୍ଚିପାରିବୁ । ସମସ୍ତ ଶ୍ରମିକଙ୍କ ପାଖଥରେ ଫୋନ୍ ଥିଲା ଏବଂ ସେଟାରେ ନେଟଓ୍ୱର୍କ ଆସୁଥିବାର ଦେଖିଲୁ । ସେଠାରୁ NTPCର ଆମର ସୁପରଭାଇଜରଙ୍କୁ ଫୋନ୍ କରିଥିଲୁ । କିଛି ସମୟ ପରେ ITBP ଯବାନମାନେ ଆସି ଆମକୁ ଉଦ୍ଧାର କଲେ ।

Uttarakhand-Glacier-Incident

7 ଘଣ୍ଟା ଧରି ଟନେଲରେ ଫସିରହିଥିଲୁ

ଟନେଲ ଭିତରେ ସାତଘଣ୍ଚା ଧରି ଫସି ରହିଥିବା ଶ୍ରମିକମାନଙ୍କୁ ଉଦ୍ଧାର କରାଯାଇ ଜୋଶୀମଠସ୍ଥିତ ଆଇଟିବିପି କେନ୍ଦ୍ରକୁ ନିଆଯାଇ ସେଠାରେ ଚିକିତ୍ସା କରାଯାଉଛି । ଭିତରେ ଦେଖାଯାଉନଥିବାରୁ ଉଦ୍ଧାର କାର୍ଯ୍ୟ ଦ୍ରୁତ ଗତିରେ କରାଯାଇ ପାରୁନାହିଁ ବୋଲି ଏନଡିଆରଏଫ୍ କହିଛି । କିନ୍ତୁ ଯେଉଁମାନେ ଏହି ଦୁର୍ଘଟଣାରେ ଉଦ୍ଧାର ହୋଇଛନ୍ତି ସେମାନେ ସୁରକ୍ଷା କର୍ମୀଙ୍କୁ ଧନ୍ୟବାଦ ଦେଇଛନ୍ତି । ଅନ୍ୟ ଜଣେ ଶ୍ରମିକ ବସନ୍ତ କୁହନ୍ତି ଯେ ଏହି କଷ୍ଟଦାୟକ ସମୟ ପ୍ରାୟ 7 ଘଣ୍ଟା ଧରି ଚାଲିଥିଲା, ସକାଳ 10 ଟାରୁ ଟନେଲ ଭିତରେ ପାଣି ଭରିଗଲା ଏବଂ ଆମେ ସେଥିରେ ଅଟକି ଗଲୁ । ଆମେ ଜୀବିତ ରହିବୁ କି ନାହିଁ ଆମେ କଣ କରିବୁ ଜାଣି ନ ଥିଲୁ । ଆମେ କୌଣସି ପ୍ରକାରେ ସନ୍ଧ୍ୟା 5 ଟା ପର୍ଯ୍ୟନ୍ତ ଲୁହା ରଡରେ ଓହଳଇ ରହିଥିଲୁ । ପ୍ରାୟ 5 ଟାରେ ITBP ଯବାନମାନେ ଆସି ଆମକୁ ଉଦ୍ଧାର କଲେ, ସେମାନେ ଆମକୁ ଡାକ୍ତରଖାନା ନେଇଗଲେ ଏବଂ ଆମର ଚିକିତ୍ସା କରାଗଲା ।

ଆମକୁ ଫୋଲୋ କରନ୍ତୁ
Instagram Youtube

English summary
Seven Hour Thrilling Story of labours in Tunnel in Uttarakhand.
ସର୍ବଶେଷ ସମ୍ବାଦ ପ୍ରାପ୍ତ କରନ୍ତୁ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X