୩ ଦିନ ମଧ୍ୟରେ ଭାରତ ଛାଡିବେ ସୀମା ହୈଦର!
ନୂଆଦିଲ୍ଲୀ:ପୁଣି ବିବାଦରେ ପାକିସ୍ତାନୀ ମହିଳା ସୀମା ହୈଦର । ଅବୈଧ ଭାବେ ଭାରତ ପ୍ରବେଶକୁ ବିରୋଧ କଲା 'ଗୋ ରକ୍ଷା ହିନ୍ଦୁ ଦଳ'। ତେବେ ତିନି ଦିନ ଭିତରେ ଭାରତ ଛାଡିବା ପାଇଁ ମିଳିଲା ଚେତାବନୀ ନଚେତ୍ ଅନ୍ୟ ଉପାୟରେ ବାହାର କରାଯିବ । ସଂଗଠନର ଜାତୀୟ ସଭାପତି ବେଦ ନାଗର ଏନେଇ ଏକ ଭିଡିଓ ଜାରି କରିଛନ୍ତି । ସେ କହିଛନ୍ତି, 'ସୀମା ହୈଦର ଜଣେ ପାକିସ୍ତାନୀ ଗୁପ୍ତଚର ସେ ଦେଶ ପାଇଁ ବିପଦ ସୃଷ୍ଟି କରିପାରନ୍ତି' ।
ସେ ଆହୁରି କହିଛନ୍ତି, ଆତଙ୍କବାଦୀ ଦେଶରୁ ଆସିଥିବା ମହିଳାଙ୍କୁ ଆମେ ସହ୍ୟ କରିପାରିବୁ ନାହିଁ । ଯଦି ସୀମା ହେଦର ୭୨ ଘଣ୍ଟା ମଧ୍ୟରେ ଭାରତ ନ ଛାଡନ୍ତି ତେବେ ଆମେ ଆନ୍ଦୋଳନ କରିବୁ ।
ସୂଚନାଥାଉ ଯେ, ପାକିସ୍ତାନୀ ସୀମା ଗୁମାନ ହୈଦର ନାମକ ଜଣେ ୩୦ ବର୍ଷିୟ ମହିଳା ଭାରତର ଯୁବକ ସଚିନଙ୍କ ସହ ଅନଲାଇନ୍ ଗେମ୍ PUBG ଖେଳିବା ପରେ ତାଙ୍କ ସହ କଥା ହୋଇଥିଲେ ଏବଂ ତାଙ୍କ ପ୍ରେମରେ ପଡିଥିଲେ । ସେ ନେପାଳରୁ ବିନା ଭିସାରେ ଭାରତକୁ ବେଆଇନ ଭାବେ ପ୍ରବେଶ କରିବା ପରେ ଗ୍ରେଟର ନୋଏଡାର ରାବପୁରା ଅଞ୍ଚଳରେ ରହୁଛନ୍ତି ।
ସୀମା ଏବଂ ତାଙ୍କ ପ୍ରେମିକ ସଚିନଙ୍କୁ ଜୁଲାଇ ୪ ତାରିଖରେ ଗିରଫ କରାଯାଇଥିଲା । ପରବର୍ତ୍ତି ସମୟରେ ଉଭୟଙ୍କୁ ଜାମିନ ମିଳିଥିଲା । ହେଲେ ସୀମାଙ୍କୁ ନେଇ ବିବାଦ ଥମିବାର ନାଁ ନେଉ ନାହିଁ । ସେ ପାକିସ୍ତାନର ଗୁପ୍ତଚର ହୋଇପାରନ୍ତି ବୋଲି ସନ୍ଦେହ କରାଯାଉଛି ଏବଂ ତଦନ୍ତ ମଧ୍ୟ ଜାରି ରହିଛି । ସେପଟେ ସୀମା ଏହି ଅଭିଯୋଗକୁ ଖଣ୍ତନ କରିଛନ୍ତି । ସେ କେବଳ ନିଜ ପ୍ରେମ ପାଇଁ ଭାରତ ଆସିଛନ୍ତି ବୋଲି ଦାବି କରିଛନ୍ତି ।
Click it and Unblock the Notifications
Sign in with Google