ଖାଲିସ୍ତାନୀ ଆତଙ୍କବାଦୀଙ୍କ ଧମକ ପରେ ଦିଲ୍ଲୀ ଏୟାରପୋର୍ଟରେ ସୁରକ୍ଷା ବ୍ୟବସ୍ଥା କଡାକଡି

Updated: Wednesday, November 8, 2023, 10:58 [IST]

ନୂଆଦିଲ୍ଲୀ: ଖାଲିସ୍ତାନୀ ଆତଙ୍କବାଦୀ ଗୁରପତୱନ୍ତ ସିଂହ ପନ୍ନୁଙ୍କ ଧମକ ପରେ ଦିଲ୍ଲୀ ଏବଂ ପଞ୍ଜାବ ବିମାନ ବନ୍ଦରରେ ସୁରକ୍ଷା ବୃଦ୍ଧି କରାଯାଇଛି। ବ୍ୟୁରୋ ଅଫ୍ ସିଭିଲ୍ ଆଭିଏସନ୍ ସିକ୍ୟୁରିଟି (ବିସିଏସ) ଦିଲ୍ଲୀ ଏବଂ ପଞ୍ଜାବ ବିମାନବନ୍ଦରରେ ଭିସିଟର ପାସ୍ ଉପେର ରୋକ୍ ଲଗାଇଛନ୍ତି । ନଭେମ୍ବର ଶେଷ ପର୍ଯ୍ୟନ୍ତ ଦିଲ୍ଲୀ ବିମାନ ବନ୍ଦରରେ ପରିଦର୍ଶକମାନଙ୍କ ପାଇଁ ଅସ୍ଥାୟୀ ବିମାନବନ୍ଦର ଏଣ୍ଟ୍ରି ପାସ୍ (TAEP) ଉପରେ ଏକ ନିଷେଧାଦେଶ ଲଗାଯାଇଛି ।

ଟାଇମ୍ସ ଅଫ୍ ଇଣ୍ଡିଆର ରିପୋର୍ଟ ଅନୁଯାୟୀ, ନଭେମ୍ବର ୬ ତାରିଖରେ ଭିସିଟରଙ୍କୁ ନେଇ ବିମାନବନ୍ଦର କର୍ତ୍ତୃପକ୍ଷଙ୍କୁ ଏହି ନିର୍ଦ୍ଦେଶ ଦିଆଯାଇଥିଲା। ଏହା ବ୍ୟତୀତ ଯାତ୍ରୀମାନଙ୍କ ସାମଗ୍ରୀ ମଧ୍ୟ ସେକେଣ୍ଡାରୀ ସିଡ଼ି ପଏଣ୍ଟରେ ମାନୁଆଲ ଯାଞ୍ଚ କରାଯିବ। ଯାତ୍ରୀମାନଙ୍କ ବ୍ୟାଗ ଏବଂ ଲଗେଜ୍ ଯିବା ବୋଡିଂ ପୂର୍ବରୁ ଯାଞ୍ଚ୍ କରାଯିବ । ଦିଲ୍ଲୀ ଏବଂ ପଞ୍ଜାବ ବିମାନବନ୍ଦରରେ ଏହି ଅଭ୍ୟାସ କରାଯାଉଛି।

ବିମାନ ଚଳାଚଳ ସୁରକ୍ଷା ନିୟାମକ କହିଛନ୍ତି ଯେ ବିମାନ ବନ୍ଦର, ଏୟାରଷ୍ଟ୍ରିପ୍, ଏୟାରଫିଲ୍ଡ, ଏୟାର ଫୋର୍ସ ଷ୍ଟେସନ୍, ହେଲିପ୍ୟାଡ୍, ଫ୍ଲାଇଟ୍ ସ୍କୁଲ୍ ଏବଂ ବିମାନ ଚଳାଚଳ ତାଲିମ ବିଦ୍ୟାଳୟ ଭଳି ବେସାମରିକ ବିମାନ ଚଳାଚଳ ପ୍ରତିଷ୍ଠାନ ପ୍ରତି ବିପଦକୁ ଦୃଷ୍ଟିରେ ରଖି ଏହି ପଦକ୍ଷେପ ନିଆଯାଇଛି। ଭାରତ କାନାଡାକୁ ମଧ୍ୟ ସୁରକ୍ଷା ବୃଦ୍ଧି କରିବାକୁ ସୂଚନା ଦେଇଛି ଏବଂ ପନ୍ନୁ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛି।

ନଭେମ୍ବର 4 ପନ୍ନୁ ଏକ ଭିଡିଓ ଜାରି କରି ଏୟାର ଇଣ୍ଡିଆ ବିମାନ ଉଡ଼ାଣ ପାଇଁ ଧମକ ଦେଇଥିଲେ। ଶିଖମାନଙ୍କୁ ସମ୍ବୋଧିତ କରିବାବେଳେ ସେ କହିଥିଲେ ଯେ ସେମାନେ 19 ନଭେମ୍ବରରେ ଏୟାର ଇଣ୍ଡିଆ ବିମାନ ଯୋଗେ ଯାତ୍ରା କରନ୍ତୁ ନାହିଁ । ସେମାନଙ୍କ ଜୀବନ ବିପଦରେ ଥିବାରୁ ସେ ଶିଖ ସମ୍ପ୍ରଦାୟକୁ ସେଦିନ ବିମାନ ଯୋଗେ ଯାତ୍ରା ନକରିବାକୁ କହିଥିଲେ।

ଏହା ବ୍ୟତୀତ ପନ୍ନୁ 19 ନଭେମ୍ବରରେ ଇନ୍ଦିରା ଗାନ୍ଧି ଅନ୍ତର୍ଜାତୀୟ ବିମାନବନ୍ଦର ବନ୍ଦ କରିବାକୁ ଧମକ ଦେଇଥିଲେ। ତାଙ୍କର ଉଦ୍ଦେଶ୍ୟ ଦର୍ଶାଇ ସେ ଏହା ମଧ୍ୟ କହିଛନ୍ତି ଯେ 19 ନଭେମ୍ବର ହେଉଛି ସେହି ଦିନ ଯେଉଁଥିରେ ବିଶ୍ୱକପ ଫାଇନାଲ ମଧ୍ୟ ଅନୁଷ୍ଠିତ ହେବ।