ଲୁଚି ରହିଛନ୍ତି ଆତଙ୍କବାଦୀ ! ଅନନ୍ତରାଗରେ ଏନକାଉଣ୍ଟର ପରେ ସର୍ଚ୍ଚ ଅପରେସନ ଜାରି

Anantanag Encounter: ଜାମ୍ମୁ କାଶ୍ମୀର ପୋଲିସ ଗୁରୁବାର ଦିନ ଅନନ୍ତନାଗ ଜିଲ୍ଲାର ଦୁଇ ଲଶ୍କର-ଏ-ତାଇବା ଆତଙ୍କବାଦୀଙ୍କୁ କାବୁ କରିବାରେ ସଫଳ ହୋଇଛି । କୋକେରନାଗର ଗୁଡୋଲେ ଅଞ୍ଚଳରେ ଗତକାଲି ଏନକାଣ୍ଟପ ପରେ ଆଲର୍ଟ ଅଛି ସୁରକ୍ଷାକର୍ମୀ । ସନ୍ଦେହ କରାଯାଉଛି ଯେ ଏହି ସ୍ଥାନରେ କିଛି ଆତଙ୍କବାଦୀ ଏବେ ଲୁଚି ରହିଛନ୍ତି । ଗତକାଲି ସାରା ରାତି ସର୍ଚ୍ଚ ଅପରେସନ ଜାରି ରହିଥିବା ବେଳେ ଆଜି ସକାଳୁ ମଧ୍ୟ ପୁଣି ଆକଙ୍କବାଦୀଙ୍କୁ ଧରିବା ପାଇଁ ଅପରେସନ ଆରମ୍ଭ ହୋଇଯାଇଛି ।

ଗତକାଲି ଏନକାଉଣ୍ଟର ବେଳେ ଆତଙ୍କବାଦୀଙ୍କ ଆକ୍ରମଣରେ ୩ ଅଧିକାରୀ ସହିଦ ହୋଇଛନ୍ତି । ଅଧିକାରୀଙ୍କ ମଧ୍ୟରେ ଜଣେ କର୍ଣ୍ଣେଲ, ରାଷ୍ଟ୍ରୀୟ ରାଇଫଲ୍ସର ଜଣେ ମେଜର ଏବଂ ଜମ୍ମୁକଶ୍ମୀର ପୋଲିସର ଜଣେ ଡିଏସପି ରହିଛନ୍ତି । ଏମାନେ ହେଲେ କର୍ଣ୍ଣେଲ ମନପ୍ରୀତ ସିଂହ, ମେଜର ଆଶିଷ ଧନଚୋକ ଏବଂ ଡିଏସପି ହୁମାୟୁଁ ମୁଜାମିଲ୍ ଭଟ୍ଟ ।

ସେହିପରି ଏହି ଘଟଣାରେ ଦୁଇ ଜଣ ଆତଙ୍କବାଦୀ ମିଧ୍ୟ ନିପାତ ହୋଇଛନ୍ତି । ସୂଚନା ଅନୁସାରେ ଅନନ୍ତନାଗ ଜିଲ୍ଲାରେ ସୁରକ୍ଷାକର୍ମୀମାନେ ସର୍ଚ୍ଚ ଅପରେସନ୍ ବେଳେ ଆଦଙ୍କବାଦୀ ମାନେ ସେନା ଉପରେ ଆକ୍ରମଣ କରିଥିଲା । ସେହିପରି ରାଜୌରୀରେ ଗଲା ତିନି ଧରି ଚାଲିଥିବା ଅପରେସନରେ ସେନାର ସନ୍ଧାନୀ କୁକୁର କେଣ୍ଟ୍ ମଧ୍ୟ ସାମିଲ ହୋଇଥିଲା । ତେବେ ଆତଙ୍କବାଦୀଙ୍କ ଭାରୀ ଗୁଳି ବର୍ଷା ଭିତରେ କୁକୁର କେଣ୍ଟ ପ୍ରାଣ ହରାଇବା ସହ 5 ଜଣ ଯବାନ ଗୁରୁତର ହୋଇଥିଲେ ।

ସୂଚନା ଥାଉ ଯେ, ଚଳିତ ବର୍ଷ ଏପର୍ଯ୍ୟନ୍ତ ସୁରକ୍ଷାବାହିନୀର ଏନକାଉଁଣ୍ଟରରେ ୨୬ ଜଣ ଆତଙ୍କବାଦୀଙ୍କର ମୃତ୍ୟୁ ହୋଇଛି । ଏହାସହ ୧୦ ଜଣ ସୁରକ୍ଷାକର୍ମୀ ସହିଦ ହୋଇଛନ୍ତି । ପିଟିଆଇ ତରଫରୁ ଏହି ସୂଚନା ମିଳିଛି ।

ଜାମ୍ମୁ କାଶ୍ମୀରରେ ବିଜେପି ନେତା ତରୁଣ ଚୁଘ କହିଛନ୍ତି ଯେ, ଏହା ଏକ ଦୁଃଖଦ ସମୟ ଏବଂ ସହୀଦ ଯବାନ ମାନଙ୍କ ପରିବାର ପ୍ରତି ସମଗ୍ର ଦେଶ ସହାନୁଭୂତି ଦେଖାଉଛି । ସେ ସେମାନଙ୍କ ସହିତ ଠିଆ ହୋଇଛନ୍ତି। ଯେଉଁମାନେ ଏପର୍ଯ୍ୟନ୍ତ ଏହି ପ୍ରସଙ୍ଗରେ ରାଜନୀତି କରୁଛନ୍ତି ସେମାନେ ବାହାରକୁ ଆସିବା ଉଚିତ୍, ଏହି ପ୍ରକାର ମାନସିକତା ପରିବର୍ତ୍ତନ କରିବା ଉଚିତ୍ ।

English summary

Search operation continues after the encounter in Anantanag