ଦିଲ୍ଲୀରେ ଖୋଲିଲା ସ୍କୁଲ : ଖୁସି ବ୍ୟକ୍ତ କଲେ ଦିଲ୍ଲୀ ଶିକ୍ଷା ମନ୍ତ୍ରୀ ମନୀଷ

ଦିଲ୍ଲୀରେ ଆଜିଠୁ ଖୋଲିଲା ସ୍କୁଲ । ରାଜ୍ୟ ସରକାଙ୍କ ଅନୁମତି ପରେ କରୋନା ମହାମାରୀ ପାଇଁ 10 ମାସ ହେବ ବନ୍ଦ ଥିବା ସ୍କୁଲ ଆଜି ଖୋଲିଛି। କରୋନାକୁ ଦୃଷ୍ଟିରେ ରଖି ଦଶମ ଏବଂ ଦ୍ୱାଦଶ ଶ୍ରେଣୀ ଛାତ୍ରାଛାତ୍ରୀଙ୍କୁ ସ୍କୁଲ ଯିବାକୁ ଅନୁମତି ଦିଆଯାଇଛି ।

ନୂଆଦିଲ୍ଲୀ : ଦିଲ୍ଲୀରେ ଆଜିଠୁ ଖୋଲିଲା ସ୍କୁଲ । ରାଜ୍ୟ ସରକାଙ୍କ ଅନୁମତି ପରେ କରୋନା ମହାମାରୀ ପାଇଁ 10 ମାସ ହେବ ବନ୍ଦ ଥିବା ସ୍କୁଲ ଆଜି ଖୋଲିଛି। କରୋନାକୁ ଦୃଷ୍ଟିରେ ରଖି ଦଶମ ଏବଂ ଦ୍ୱାଦଶ ଶ୍ରେଣୀ ଛାତ୍ରାଛାତ୍ରୀଙ୍କୁ ସ୍କୁଲ ଯିବାକୁ ଅନୁମତି ଦିଆଯାଇଛି । ଏଥିସହିତ କରୋନା ପାଇଁ ସରକାରଙ୍କ ଗାଇଡଲାଇନ୍ ଅନୁପାଳନ ଉପରେ ଦୃଷ୍ଟି ଦିଆଯିବ ।

ଅଭିଭାବମାନଙ୍କ ଅନୁମତି କ୍ରମେ ପିଲାମାନେ ସ୍କୁଲ ଆସିପାରିବେ । ଅଭିଭାବକଙ୍କ ଅନୁମତି ପତ୍ର ବିନା ଛାତ୍ରଛାତ୍ରୀଙ୍କୁ ସ୍କୁଲରେ ପ୍ରବେଶ କରାଯିବ ନାହିଁ । ସ୍କୁଲ ଭିତରେ ସାମାଜିକ ଦୂରତା ବଜାୟ ରଖିବା ସହ ମାସ୍କ ବ୍ୟବହାରକୁ ଜରୁରୀ କରାଯାଇଛି । ଏହା ବ୍ୟତୀତ ନିୟମିତ ଭାବେ ସ୍କୁଲର କ୍ଲାସ ରୁମ୍ ଏବଂ ପରିସରକୁ ସାନିଟାଇଜ୍ କରାଯିବ । ଏହି ସମୟରେ କେବଳ ଅତ୍ୟାବଶ୍ୟକ ପାଠପଢା ଏବଂ ପ୍ରାକ୍ଟିକାଲ ଜାରି ରହିବ । ଅନ୍ୟ ସମସ୍ତ କରିକୁଲାର୍ ଆକ୍ଚିଭିଟି ବନ୍ଦ ରହିବ । କରୋନା ପଜିଟିଭ୍ ଥିବା ଶିକ୍ଷକ ଶିକ୍ଷୟତ୍ରୀ ଏବଂ ଛାତ୍ରାଛାତ୍ରୀଙ୍କୁ ସ୍କୁଲ ଆସିବ୍କୁ ବାରଣ କରାଯାଇଛି ।

ଏହି ଅବସରରେ ଦିଲ୍ଲୀର ଉପମୁଖ୍ୟମନ୍ତ୍ରୀ ତଥା ଶିକ୍ଷା ମନ୍ତ୍ରୀ ମନୀଷ ସିସୋଦିଆ ଟ୍ୱିଟ୍ କରି ଖୁସି ବ୍ୟକ୍ତ କରିଛନ୍ତି । ମନୀଷ ସିସୋଦିଆ ଟ୍ୱିଟ୍ କରି କହିଛନ୍ତି, ''10 ମାସ ପରେ ଆଜି ବିଦ୍ୟାଳୟକୁ ଯାଉଥିବା ଦଶମ ଏବଂ ଦ୍ୱାଦଶ ଶ୍ରେଣୀର ଛାତ୍ରମାନଙ୍କୁ ଶୁଭେଚ୍ଛା । ଯଦିଓ ଏହା କେବଳ ସୀମିତ ଉଦ୍ଦେଶ୍ୟ ପାଇଁ ଏବଂ କୋଭିଡ -10 ପ୍ରୋଟୋକଲ ସହିତ କରାଯାଉଛି, ତଥାପି ମୁଁ ଖୁସି ଯେ ଆଜି ଦିଲ୍ଲୀରେ ସ୍କୁଲ ଖୋଲୁଛି। ''

Best wishes to the students of class 10&12th who are going to visit their school today after 10 months...

(though it's only for limited purpose and with covid protocols..) But still...

I am glad that schools are opening in Delhi today. pic.twitter.com/vmLRIkVl68

— Manish Sisodia (@msisodia) January 18, 2021

ହାରକୋର୍ଟ ବଟଲର ସିନିୟର ସେକେଣ୍ଡାରୀ ସ୍କୁଲର ପ୍ରିନ୍ସପାଲ୍ ନୀରା ରାଓ କହିଛନ୍ତି ଯେ, ଶ୍ରେଣୀକକ୍ଷରେ ଯେପରି ପିଲାମାନେ ପାଠ ପଢିଥାନ୍ତି, ଅନଲାଇନରେ ଏହା ସମ୍ଭବ ନୁହେଁ । ସିଲାବସ୍ ହ୍ରାସ ସତ୍ତ୍ୱେ ମଧ୍ୟ ଆଗକୁ ବୋର୍ଡ ପରୀକ୍ଷା ଆସୁଛି ଏବଂ ଆମେ ଛାତ୍ରମାନଙ୍କୁ ପାଠପଢାରେ ସାହାଯ୍ୟ କରିପାରିବୁ।''

ନ୍ୟୁଜ୍ ଏଜେନ୍ସି ଏଏନ୍ଆଇକୁ ଜଣେ ଛାତ୍ର କହିଛନ୍ତି, "ସ୍କୁଲକୁ ଆସି ବହୁତ ଭଲ ଲାଗୁଛି । କ୍ଲାସରୁମରେ ଶିକ୍ଷକ ଯେପରି ପଢାଉଥିଲେ ଅନଲାଇନରେ ସେପରି ହେଇପାରୁନଥିଲା ।"

English summary

School For 10th and 12th opens in New Delhi. Schools opens after 10 months.