ଖାଇକୁ ଖସିଲା ସ୍କୁଲ ବସ୍‌,ଅନେକ ଆହତ

ପଞ୍ଚକୁଲା: ପଞ୍ଚକୁଲାରେ ଖାତକୁ ଖସିଲା ଛୋଟ ପିଲାଙ୍କୁ ନେଇ ଯାଉଥିବା ବସ୍। ଦୁର୍ଘଟଣାରେ ପ୍ରାୟ ୧୫ଜଣ ଛୋଟ ପିଲା ଆହତ ହୋଇଥିବା ଜଣାଯାଇଛି। ଏବେ ଆହତଙ୍କୁ ଚିକିତ୍ସା ପାଇଁ ମୋରନୀର ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି। ଆହତ ଅନ୍ୟ କିଛି ପିଲାଙ୍କୁ ସେକ୍ଟର ୬ ହସପିଟାଲରେ ଭର୍ତ୍ତି କରାଯାଇଛି ।

ଘଟଣା ସ୍ଥଳରେ ପୋଲିସ ପହଞ୍ଚି ଯାଞ୍ଚ ଆରମ୍ଭ କରିଛି । ତେବେ ପିଲାମାନେ ପଞ୍ଜାବ ମଲେରକୋଟଲାର ନନକାନା ସାହିବ ସ୍କୁଲର ପିଲା ଏବଂ ଷ୍ଟାଫ ପଞ୍ଚକୁଲା ମୋରନୀ ହିଲ୍ସ ବୁଲିବାକୁ ଯାଇଥିଲେ । ହଠାତ୍‌ ବସ୍‌ଟି ଗଭୀର ଖାଇକୁ ଖସିପଡିଥିଲା । ତେବେ ଡ୍ରାଇଭର ଦ୍ରୁତ ଗତିରେ ଗାଡି ଚଲାଉଥିବାରୁ ଏଭଳି ଦୁର୍ଘଟଣା ଘଟିଛି ବୋଲି ପୋଲିସ ଅନୁମାନ କରୁଛି ।

ସୂଚନା ଅନୁଯାୟୀ, ଡ୍ରାଇଭର ତୀବ୍ର ବେଗରେ ବସ୍ ଚଳାଉଥିବାରୁ ଏହି ଦୁର୍ଘଟଣା ଘଟିଛି। ଦୁର୍ଘଟଣା ପରେ ତୁରନ୍ତ ସ୍ଥାନୀୟ ପ୍ରଶାସନ ଆହତମାନଙ୍କୁ ଉଦ୍ଧାର କରିବା ଆରମ୍ଭ କରିଥିଲେ। ଏହି ଦୁର୍ଘଟଣାରେ ଡ୍ରାଇଭର ଗୁରୁତର ଆହତ ହୋଇଥିବା ଜଣାଯାଇଛି। କୁହାଯାଉଛି ଯେ ବସ୍ ଟିକ୍କର ତାଲ ରୋଡରେ ଥିବା ଥଲ ଗ୍ରାମ ନିକଟରେ ଓଲଟି ପଡି ଖାତକୁ ପଡ଼ିଯାଇଥିଲା।ଖବର ପାଇବା ପରେ ପୁଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଥିଲା। ସୂଚନା ଯୋଗ୍ୟ, ଗତ ୩ ମାସ ତଳେ ଜୁଲାଇରେ ପଞ୍ଚକୁଲରେ କାଲକାରେ ହରିୟାଣା ରୋଡ଼ୱେଜ ବସ୍‌ ଖାଇରେ ଖସିପଡିଥିଲା । ଏହି ଘଟଣାରେ ୫୦ ଜଣ ଯାତ୍ରୀ ଆହତ ହୋଇଥିଲେ । ବସରେ ସ୍କୁଲ ପିଲା ମଧ୍ୟ ଥିଲେ ।