ଭାରତର ରାଷ୍ଟ୍ରପତି ନାଁରେ ନକଲି ସୋସିଆଲ ମିଡିଆ ଆକାଣ୍ଟ, ମାଗିଲେ OTP

President Murmu Fake Facebook Account: ଭାରତର ରାଷ୍ଟ୍ରପତି ଦୌପଦୀ ମୁର୍ମୁଙ୍କ ନାଁରେ ନକଲି ସୋସିଆଲ ମିଡିଆ ଆକାଣ୍ଟ ।ଫେସବୁକ୍ ପୋଷ୍ଟର ଡିଟେଲ୍ସ ଯାଞ୍ଚ କରିବା ପରେ ତଦନ୍ତ ଆରମ୍ଭ କରିଥି ରାଞ୍ଚୀ ପୋଲିସ । ନିକଟରେ ଝାଡଖଣ୍ତର ହଜାରୀବାଗ ସ୍ଥିତ ମଣ୍ଟୁ ସୋନୀଙ୍କ ଫେସବୁକ ନିକଟକୁ ଏକ ଫ୍ରେଣ୍ତ ରିକ୍ୱେଷ୍ଟ ନୋଟିଫିକେସନ୍ ଆସିଥିଲା । ଯେଉଁଥିରେ ରାଷ୍ଟ୍ରପତି ଦୌପଦୀ ମୁର୍ମୁଙ୍କ ପ୍ରୋଫାଇଲ୍ ଫଟୋ ସହ ମହାମହିମଙ୍କ ନାଁ ମଧ୍ୟ ଥିଲା ।

ଖାଲି ଏତିକି ନୁହେଁ, ଏହା ପରେ ଏହି ଫେକ୍ ଆକାଉଣ୍ଟକୁ ମଣ୍ଟୁଙ୍କ ନିକଟକୁ ମେସେଞ୍ଜରରେ ଏକ ମ୍ୟାସେଜ୍ ମଧ୍ୟ ଆସିଥିଲା । ଯେଉଁଥିରେ ଲେଖାଯାଇଥିଲା ଜୟ ହିନ୍ଦୀ, ଆପଣ କେମିତି ଅଛନ୍ତି । ମୁଁ ଖୁବ୍ କମ୍ ଫେସବୁକ୍ ବ୍ୟବହାର କରୁଛି, ମୋତେ ଆପଣଙ୍କ ହ୍ୱାଟ୍ସଆପ୍ ନମ୍ବର ଦିଅନ୍ତୁ । ରାଷ୍ଟ୍ରପତିଙ୍କ ସୋସିଆଲ ମିଡିଆରୁ ଏପରି ମେସେଜ୍ ପାଇଁ ମଣ୍ଟୁ ଖୁବ୍ ଖୁସି ହୋଇଯାଇଥିଲେ । ହେଲେ ପରେ ଉକ୍ତ ଫେକ୍ ଆକାଉଣ୍ଟରୁ ଆଉ ଏକ ମେସେଜ୍ ଆସିଥିଲା ଯେଉଁଥିରେ ଲେଖାଯାଇଥିଲା ଆମେ ଆପଣଙ୍କ ନମ୍ବର ସେଭ୍ କରିସାରିଛୁ ଏବଂ ଆପଣଙ୍କୁ ପାଖକୁ ଏକ କୋଡ୍ ଯାଇଥିବା। ଏହି କୋଡଟିକୁ ଆମକୁ ପଠାନ୍ତୁ । ଏପରି ମେସେଜ୍ ଦେଖି ମଣ୍ଟୁଙ୍କ ମନରେ ସନ୍ଦେହ ସୃଷ୍ଟି ହୋଇଥିଲା ।

ଯାହା ପରେ ମଣ୍ଟୁ ସୋସିଆଲ ମିଡିଆ ଆକାଉଣ୍ଟ ଏକ୍ସରେ ଏହି ମେସେଜର ସ୍କ୍ରିନ୍ ସଟ୍ ସେୟାର କରି ଝାଡଖଣ୍ତ ପୋଲିସ ଓ ରାଷ୍ଟ୍ରପତି ଭବନକୁ ଟ୍ୟାଗ୍ କରି ଏହି ଘଟଣାର ଯାଞ୍ଚ ପାଇଁ ଅନୁରୋଧ କରିଥିଲେ । ଯାହା ପରେ ଏହି ଘଟଣାର ତଦନ୍ତ ଆରମ୍ଭ କରିଛି ଝାଡଖଣ୍ତ ପୋଲିସ ଏବଂ ଏକ ମାମଲା ମଧ୍ୟ ରୁଜୁ କରାଯାଇଛି ।

English summary

President Murmu Fake Facebook Account: