ଗୁଜୁରାଟ ବିଶ୍ୱବିଦ୍ୟାଳୟ ମାନହାନି କେସରେ ସଞ୍ଜୟ ସିଂଙ୍କୁ ଲାଗିଲା ବଡ଼ ଝଟକା
ନୂଆଦିଲ୍ଲୀ: ମଦ ନୀତି ଦୁର୍ନିତ ମାମଲାରେ ଆମ୍ ଆଦମୀ ପାର୍ଟି (ଆପ୍) ଜାମିନରେ ଆସିିଥିବା ସାଂସଦ ସଞ୍ଜୟ ସିଂଙ୍କୁ ସୋମବାର (ଏପ୍ରିଲ ୮) ସୁପ୍ରିମକୋର୍ଟଙ୍କଠାରୁ ଏକ ବଡ଼ ଝଟକା ଲାଗିଛି । ଗୁଜୁରାଟ ବିଶ୍ୱବିଦ୍ୟାଳୟ ମାନହାନୀ ମାମଲାରେ ସଞ୍ଜୟ ସିଂଙ୍କ ଆବେଦନକୁ ସୁପ୍ରିମକୋର୍ଟରେ ପ୍ରତ୍ୟାଖ୍ୟାନ କରାଯାଇଛି ।
ନିମ୍ନ ଅଦାଲତରେ ଚାଲିଥିବା ମାମଲା ବାତିଲ କରିବାକୁ ସଞ୍ଜୟ ସିଂ ସର୍ବୋଚ୍ଚ ଅଦାଲତରେ ଏକ ପିଟିସନ ଦାଖଲ କରିଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଡିଗ୍ରୀ ସମ୍ପର୍କରେ ସଞ୍ଜୟ ବିଶ୍ୱବିଦ୍ୟାଳୟ ଉପରେ ମନ୍ତବ୍ୟ ଦେଇଥିଲେ । ଏଥି ସହିତ ଗୁଜୁରାଟ ହାଇକୋର୍ଟ ସଞ୍ଜୟ ଏବଂ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ବିରୋଧରେ ନିମ୍ନ ଅଦାଲତ ଦେଇଥିବା ସମନକୁ ବାତିଲ କରିବାକୁ ମନା କରି ଦେଇଛନ୍ତି । ପ୍ରଧାନମନ୍ତ୍ରୀ ମୋଦୀଙ୍କ ଡିଗ୍ରୀ ସମ୍ପର୍କରେ ଗୁଜୁରାଟ ବିଶ୍ୱବିଦ୍ୟାଳୟକୁ ନେଇ ସଞ୍ଜୟ ସିଂ ଏବଂ କେଜ୍ରିୱାଲ ବିବାଦୀୟ ମନ୍ତବ୍ୟ ଦେଇଥିଲେ । ଏହି କାରଣରୁ ବିଶ୍ୱବିଦ୍ୟାଳୟ ତାଙ୍କ ବିରୋଧରେ ଅପରାଧିକ ମାନହାନି ମକଦ୍ଦମା ଦାୟର କରିଥିଲା ।
ସଞ୍ଜୟ ଗୁଜୁରାଟ ବିଶ୍ୱବିଦ୍ୟାଳୟ ପକ୍ଷରୁ ଦାଏର ହୋଇଥିବା ମାନହାନୀ ମାମଲାରେ ଗୁଜୁରାଟର ଏକ କୋର୍ଟ ଦ୍ୱାରା ଜାରି ହୋଇଥିବା ସମନକୁ ଚ୍ୟାଲେଞ୍ଜ ଦେଇଥିଲେ । ଗୁଜୁରାଟ ବିଶ୍ୱବିଦ୍ୟାଳୟର ରେଜିଷ୍ଟ୍ରାର ପୀୟୂଷ ପଟେଲ ସଞ୍ଜୟ ସିଂ ଏବଂ ଅରବିନ୍ଦ କେଜ୍ରିୱାଲଙ୍କ ବିରୋଧରେ ମାନହାନୀ ମାମଲା ଦାଏର କରିଥିଲେ । ଏହା ପୂର୍ବରୁ ଗୁଜୁରାଟ ହାଇକୋର୍ଟଙ୍କ ପକ୍ଷରୁ ଆଇଟିଆଇ ଦ୍ୱାରା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କର ଡିଗ୍ରୀ ବିଷୟରେ ସୂଚନା ଉପଲବ୍ଧ କରାଇବା ନେଇ ମୁଖ୍ୟ ନିର୍ବାଚନ ଆୟୁକ୍ତଙ୍କ ଆଦେଶକୁ ଖାରଜ କରିଦେଇଥିଲେ । ଏହା ପରେ ଏହି ମାମଲା ଦାଏର କରାଯାଇଥିଲା ।
ଜାନୁୟାରୀରେ ସୁପ୍ରିମକୋର୍ଟ କେଜ୍ରିୱାଲ ଏବଂ ସଞ୍ଜୟଙ୍କ ବିରୋଧରେ ମାନହାନୀ ଅଭିଯୋଗ ଉପରେ ଟ୍ରାଏଲ୍ କୋର୍ଟରେ ଶୁଣାଣି ରୋକି ଦେଇଥିଲେ । ପୀୟୁଷ ପଟେଲଙ୍କ ପକ୍ଷରୁ ଦାଏର କରାଯାଇଥିବା ଅଭିଯୋଗ ଅନୁସାରେ ଉଭୟ ନେତା ସାମ୍ବାଦିକ ସମ୍ମିଳନୀରେ ପ୍ରଧାନମନ୍ତ୍ରୀଙ୍କ ଡିଗ୍ରୀକୁ ନେଇ ପ୍ରଶ୍ନ ଉଠାଇଥିଲେ ।
Click it and Unblock the Notifications
Sign in with Google