କେଜ୍ରିୱାଲଙ୍କୁ ବଡ଼ ଆଶ୍ୱସ୍ତି: ସୁପ୍ରିମକୋର୍ଟରୁ ମିଳିଲା ଅନ୍ତରୀଣ ଜାମିନ

Updated: Friday, July 12, 2024, 12:27 [IST]

Arvind Kejriwal Bail: ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଦିଲ୍ଲୀ ମଦ ଦୁର୍ନୀତି ମାମଲାରେ ଅନ୍ତରୀଣ ଜାମିନ । ଇଡି ଗିରଫଦାରୀକୁ ଚ୍ୟାଲେଞ୍ଜ କରି ଜୁଲାଇ ୧୨, ଶୁକ୍ରବାର ଦିନ ସିଏମ କେଜ୍ରିୱାଲଙ୍କ ଦ୍ୱାରା ଦାଖଲ ହୋଇଥିବା ଆବେଦନ ଉପରେ ସୁପ୍ରିମକୋର୍ଟ ମଧ୍ୟବର୍ତ୍ତୀକାଳୀନ ଜାମିନ ପ୍ରଦାନ କରିଛନ୍ତି।

ସୁପ୍ରିମକୋର୍ଟର ତିନିଜଣିଆ ଖଣ୍ଡପୀଠ ସିଏମ କେଜ୍ରିୱାଲଙ୍କ ଆବେଦନ ଉପରେ ଶୁଣାଣି କରିବେ। ଏହି ମାମଲାରେ ପ୍ରଧାନ ବିଚାରପତି ଡି.ୱାଇ ଚନ୍ଦ୍ରଚୁଡ ତିନିଜଣ ବିଚାରପତି ନିଯୁକ୍ତ କରିବେ। ସୁପ୍ରିମକୋର୍ଟ କହିଛନ୍ତି ଯେ ବୃହତ ବେଞ୍ଚରେ ମାମଲାର ଶୁଣାଣି ପର୍ଯ୍ୟନ୍ତ ସିଏମ କେଜ୍ରିୱାଲଙ୍କୁ ମଧ୍ୟବର୍ତ୍ତୀକାଳୀନ ଜାମିନ ପ୍ରଦାନ କରାଯାଇଛି। ଅନ୍ୟପକ୍ଷରେ କେଜ୍ରିୱାଲଙ୍କ ଓକିଲ କହିଛନ୍ତି, ସିବିଆଇ ମାମଲାର ଶୁଣାଣି ଜୁଲାଇ ୧୮ ତାରିଖରେ ଦିଲ୍ଲୀ ହାଇକୋର୍ଟରେ କରାଯିବ । ଯାହା ପରେ ସ୍ପଷ୍ଟ ହେବ ଯେ, କେଜ୍ରିୱାଲ ଜେଲରୁ ବାହାରିବେ ନା ନାହିଁ ।

ବର୍ତ୍ତମାନ ଜାମିନ ମିଳିବା ପରେ ମଧ୍ୟ କେଜ୍ରିୱାଲ ଜେଲରେ ରହିବେ । କାରଣ ଏହି ମାମଲାରେ ସିବିଆଇ କେଜ୍ରିୱାଲଙ୍କୁ ଗିରଫ କରି ଜୁଲାଇ ୧୨ ତାରିଖ ପର୍ଯ୍ୟନ୍ତ ନ୍ୟାୟିକ ହେପାଜତକୁ ନେଇଛି । ଆପଣଙ୍କୁ ଜଣାଇବା ପାଇ ଚାହିଁବୁ ଯେ ଦିଲ୍ଲୀ ମଦ ଦୁର୍ନୀତି ମାମଲାରେ ରାଉଜ ଆଭେନ୍ୟୁ କୋର୍ଟ କ୍ରେଜ୍ରିୱାଲଙ୍କୁ ଜାମିନ ଦେଇଥିଲେ ହେଲେ ଇଡି ଏହାକୁ ଚ୍ୟାଲେଞ୍ଜ କରି ଦିଲ୍ଲୀ ହାଇକୋର୍ଟର ଦ୍ୱାରସ୍ଥ ହୋଇଥିଲା । ଯାହା ପରେ କେଜ୍ରିୱାଲଙ୍କ ଜାମିନକୁ ସ୍ଥଗିତ ରଖାଯାଇଥିଲା ।