ସମର୍ଥକ ଦେଲେ ଏମିତି ସଂକେତ, କଂଗ୍ରେସ ଛାଡ଼ିବେ ସନ୍ତୋଷ ସିଂ ସାଲୁଜା !
କଂଗ୍ରେସର ପୁରୁଣା ଏବଂ ହେବିୱେଟ୍ ନେତା ସନ୍ତୋଷ ସିଂ ସାଲୁଜା କଂଗ୍ରେସ ଛାଡିପାରନ୍ତି । କଂଗ୍ରେସ ବିଧାୟକ ପ୍ରାର୍ଥୀ ହେବା ପରେ ବି ସାଲୁଜାଙ୍କ ଦଳବଦଳ ଚର୍ଚ୍ଚା ଥମୁନି। ଏବେ ପୁଣି କଂଗ୍ରେସ ସମ୍ମିଳନୀରେ ସାଲୁଜାଙ୍କ ସମର୍ଥକ କହିଛନ୍ତି ସେ ଯେଉଁଆଡେ ଯିବେ, ଆମେ ତାଙ୍କ ସାଥିରେ ଅଛୁ। କର୍ମୀ ସମ୍ମିଳନୀରେ ସମର୍ଥକ ମାନଙ୍କ ଏଭଳି ବୟାନ ଏବେ ଚର୍ଚ୍ଚାକୁ ଖୋରାକ ଯୋଗାଇଛି ।
ଯଦିଓ ସାଲୁଜା ନିଜ ଦଳ ବଦଳ ପ୍ରସଙ୍ଗରେ ମତାମତ ରଖି ନାହାନ୍ତି ତେବେ ସମର୍ଥକ ବୟାନ ଏବେ କଣ୍ଟାବାଞ୍ଜି ରାଜନୀତିରେ ଚହଳ ପକାଇଛି। ତେବେ କୁଆଡେ ଯିବେ ସାଲୁଜା ସ୍ପଷ୍ଟ ହୋଇନଥିବା ବେଳେ, ସମର୍ଥକଙ୍କ ବୟାନ ଭିନ୍ନ ଦିଗକୁ ଇସାରା କରୁଛି। ଅନ୍ୟପଟେ ପୂର୍ବରୁ ଆୟୁବ ଖାଁ ଓ ଅନ୍ୟ ନେତା କହିଥିଲେ ଯେ ସାଲୁଜା ବିଜେଡିରେ ସାମିଲ ହେବାକୁ ମନ ବଦଳାଇଛନ୍ତି। ସେବେଠୁ ସାଲୁଜା କଂଗ୍ରେସ ଛାଡିବା ଚର୍ଚ୍ଚା ଜୋର ଧରିଛି।
ଚର୍ଚ୍ଚା ହେଉଛି ଯେ, ଶ୍ରୀ ସାଲୁଜା ହାତ ଛାଡ଼ି ବିଜେଡିରେ ସାମିଲ ହୋଇପାରନ୍ତି । ଗୋଟେ ପଟେ କଂଗ୍ରେସ ନିଜ ପୁରୁଣା ନେତା ବିଧାୟକ ସନ୍ତୋଷ ସିଂ ସାଲୁଜାଙ୍କୁ ଟିକେଟ୍ ଦେଇ ସାରିଥିବା ବେଳେ ଏପର୍ଯ୍ୟନ୍ତ ବିଜେଡି କଣ୍ଟାବାଞ୍ଜିରୁ ଏପର୍ଯ୍ୟନ୍ତ କାହାରୁ ଟିକେଟ୍ ଦେଇ ନାହିଁ ତେବେ କିଛି ବଡଧରଣର ଓଲଟପାଲଟ ହେବାର ଆଶଙ୍କା ରହିଛି ବୋଲି ରାଜନୈତୀକ ମାହୋଲରେ ଆଲୋଚନା ହେଉଛି ।
ଆପଣଙ୍କୁ ଜଣାଇବା ପାଇଁ ଚାହିଁବୁ କଂଗ୍ରେସ ପୂର୍ବରୁ ସାଲୁଜାଙ୍କୁ ଟିକେଟ୍ ଦେଇ ସାରିଛି ହେଲେ ଚର୍ଚ୍ଚା ହେଉଛି ଏହାକୁ ଫେରାଇ ଦଳରୁ ଇସ୍ତଫା ଦେଇପାରନ୍ତି କଣ୍ଟାବାଞ୍ଜି ବିଧାୟକ । ସେପଟେ ବିଜେଡି ପୂର୍ବରୁ ୨ଟି ପର୍ଯ୍ୟାୟର ବିଧାନସଭା ଟିକେଟ୍ ଘୋଷଣା କରିସାରିଛି ହେଲେ ଏପର୍ଯ୍ୟନ୍ତ କଣ୍ଟାବାଞ୍ଜି ଆସନକୁ ନେଇ ଦ୍ୱନ୍ଦ ଲାଗି ରହିଛି ।
ସାଲୁଜାଙ୍କ ଅନେକ ସମର୍ଥକ ଦାବି କରୁଛନ୍ତି ଯେ, ସେ କଂଗ୍ରେସରୁ ଖୁବ୍ ଶୀଘ୍ର ଇସ୍ତଫା ଦେଇପାରନ୍ତି ଏବଂ ବିଜେଡି ସାମିଲ ହେବାର ଆଶଙ୍କା ରହିଛି । ହେଲେ ଏପର୍ଯ୍ୟନ୍ତ ସନ୍ତୋଷ ସିଂ ସାଲୁଜା ଏନେଇ କୌଣସି ସୂଚନା ଦେଇ ନାହାଁନ୍ତି ।
Click it and Unblock the Notifications
Sign in with Google