ଆଜି ରାଜ୍ୟ ସଭା ସଦସ୍ୟ ଭାବେ ଶପଥ ନେବେ ଜେଲରେ ଥିବା ଆପ୍ ନେତା ସଞ୍ଜୟ ସିଂ

Published: Tuesday, March 19, 2024, 9:27 [IST]

ନୂଆଦିଲ୍ଲୀ: ଦିଲ୍ଲୀ ମଦ ନୀତି ଦୁର୍ନିତ ମାମଲାରେ ଅଭିଯୁକ୍ତ ଆମ୍ ଆଦମୀ ପାର୍ଟି (ଆପ୍‌) ର ନେତା ସଞ୍ଜୟ ସିଂଙ୍କୁ ରାଜ୍ୟସଭା ସଦସ୍ୟ ଭାବରେ ଶପଥ ଗ୍ରହଣ କରିବାକୁ ମାର୍ଚ୍ଚ ୧୯ ରେ ସଂସଦରେ ହାଜର ହେବାକୁ କୋର୍ଟ ଅନୁମତି ଦେଇଛନ୍ତି । ନିକଟରେ ସିଂ ଦ୍ୱିତୀୟ ଥର ପାଇଁ ରାଜ୍ୟସଭାକୁ ନିର୍ବାଚିତ ହୋଇଥିଲେ ମଧ୍ୟ ସେ ଶପଥ ଗ୍ରହଣ କରିନଥିଲେ ।

ମାର୍ଚ୍ଚ ୧୬ ଆଦେଶରେ ସ୍ୱତନ୍ତ୍ର ଜଜ୍ ଏମ.କେ ନାଗପାଲ ତିହାର ଜେଲ କର୍ତ୍ତୃପକ୍ଷଙ୍କୁ ନିର୍ଦ୍ଦେଶ ଦେଇଛନ୍ତି ଯେ ଅଭିଯୁକ୍ତଙ୍କୁ ପର୍ଯ୍ୟାପ୍ତ ସୁରକ୍ଷା ଅଧୀନରେ ସଂସଦକୁ ନିଆଯିବ ଏବଂ ତାଙ୍କୁ ତାଙ୍କ ଫୋନ୍ ବ୍ୟବହାର କରିବାକୁ କିମ୍ବା ଅନ୍ୟ ଅଭିଯୁକ୍ତଙ୍କ ସହ କଥାବାର୍ତ୍ତା କରିବାକୁ ଅନୁମତି ଦିଅନ୍ତୁ ନାହିଁ । ଏହି ଅବସରରେ ତାଙ୍କ ଓକିଲ ଏବଂ ପରିବାର ସଦସ୍ୟଙ୍କୁ ଭେଟିବାକୁ କୋର୍ଟ ଅନୁମତି ଦେଇଛନ୍ତି ।

ଉଲ୍ଲେଖ ଯୋଗ୍ୟ ଯେ, ଅକ୍ଟୋବର ୪, ୨୦୨୩ରେ ଇଡ଼ି ୧୦ ଘଣ୍ଟଆ ଖୋଜା ଖୋଜି କରିବା ପରେ ସଞ୍ଜୟ ସିଂଙ୍କୁ ତାଙ୍କର ସାଉଥ ଆଭେନ୍ୟୁରେ ବାସଭବନରୁ କରିଥିଲା ଗିରଫ । ପୂର୍ବତନ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ ଏବଂ ପାର୍ଟି ଯୋଗାଯୋଗ ଦାୟିତ୍ୱ ବିଜୟ ନାୟାରଙ୍କ ପରେ ସେ ଏହି ମାମଲାରେ ଗିରଫ ହୋଇଥିବା ତୃତୀୟ ଆପ୍ ନେତା ଥିଲେ ।

ଇଡି ଅଭିଯୋଗ କରିଥିଲା ଯେ ଅଭିଯୁକ୍ତ ବ୍ୟବସାୟୀ ଦୀନେଶ ଆରୋରା ସିଂଙ୍କୁ ୨ କୋଟି ଟଙ୍କା ନଗଦ ଟଙ୍କା ଦେଇଛନ୍ତ ସଞ୍ଜୟ । ଏହା ମଧ୍ୟ ଅଭିଯୋଗ ହୋଇଛି ଯେ ସଞ୍ଜୟ ସିସୋଦିଆ ଙ୍କ ମାଧ୍ୟମରେ ମଦ ନୀତିରେ ପରିବର୍ତ୍ତନ ଆଣି କିଛି ବ୍ୟବସାୟୀଙ୍କୁ ଲାଭ ଦେଇଛନ୍ତି ।

Published On March 19, 2024