ପ୍ରଧାନମନ୍ତ୍ରୀଙ୍କୁ ଟାର୍ଗେଟ କଲେ ସଞ୍ଜୟ, କହିଲେ ଦିଲ୍ଲୀରେ ମୋଦି...

ମୁମ୍ବାଇ: ମହାରାଷ୍ଟ୍ରରେ ବିଧାନସଭା ନିର୍ବାଚନ ପୂର୍ବରୁ ରାଜନୈତିକ ଅସ୍ଥିରତା ଜାରି ରହିଛି । ଉଦ୍ଧବ ଦଳର ଶିବସେନା ଏମପି ତଥା ଭେଟେରାନ ନେତା ସଞ୍ଜୟ ରାଉତ ପୁଣି ଥରେ ଭାରତୀୟ ଜନତା ପାର୍ଟି ଏବଂ ପ୍ରଧାନମନ୍ତ୍ରୀଙ୍କୁ ଟାର୍ଗେଟ କରିଛନ୍ତି । ସଞ୍ଜୟ ରାଉତ ଦାବି କରିଛନ୍ତି ଯେ କେନ୍ଦ୍ରରେ ଥିବା ନରେନ୍ଦ୍ର ମୋଦୀ ସରକାର ଦିଲ୍ଲୀରେ ଅଧିକ ଦିନ ରହିବେ ନାହିଁ ।

ସଞ୍ଜୟ ରାଉତ କହିଛନ୍ତି, "ମୋଦୀ ନିଶ୍ଚିତ ଭାବରେ ଦେଶର ପ୍ରଧାନମନ୍ତ୍ରୀ ହୋଇଛନ୍ତି କିନ୍ତୁ ପରିବର୍ତ୍ତନ ଘଟୁଛି । ମୋଦୀ ଏବଂ ଅମିତ ଶାହା ଅଧିକ ଦିନ ଦିଲ୍ଲୀରେ ରହିବେ ନାହିଁ । ବିଜେପି ଆଉ ବଞ୍ଚିବ ନାହିଁ । ଉତ୍ତରପ୍ରଦେଶରୁ ମଧ୍ୟ ସରକାର ଯିବେ । ଗୁଜୁରାଟ, ମହାରାଷ୍ଟ୍ର, ଝାଡ଼ଖଣ୍ଡ ଓ ହରିୟାଣାରୁ ସରକାର ଯିବେ । ସେ କହିଛନ୍ତି ଯେ ମୁଁ ଭାବୁଥିଲି ପ୍ରଧାନମନ୍ତ୍ରୀଙ୍କ ସଂସଦୀୟ କ୍ଷେତ୍ରରେ ବିକାଶ ହୋଇଥିବ । ମୋତେ ଲାଗୁଥିଲା ବନାରସ ଏକ ସ୍ମାର୍ଟ ସହର ହୋଇଥିବ । କିନ୍ତୁ ସେଭଳି କିଛି ହୋଇନାହିଁ ବୋଲି ସଞ୍ଜୟ କହିଛନ୍ତ ।