ହାଇକୋର୍ଟଙ୍କ ରୋକ୍ ସତ୍ତ୍ୱେ ପଶ୍ଚିମବଙ୍ଗ ସନ୍ଦେଶଖାଲିରେ ଲାଗିଲା ୧୪୪ ଧାରା

Updated: Saturday, February 24, 2024, 12:43 [IST]

Sandeshkhali Violence News: ପଶ୍ଚିମବଙ୍ଗ ସନ୍ଦେଶଖାଲିରେ ଲାଗିଲା ୧୪୪ ଧାରା । ଏହି ଅଞ୍ଚଳରେ ବଢୁଥିବା ହିଂସାକୁ ଦୃଷ୍ଟିରେ ରଖି ମମତା ସରକାର ଏପରି ନିଷ୍ପତ୍ତି ନେଇଛନ୍ତି । ରାଜ୍ୟ ସରକାଙ୍କ ନିର୍ଦ୍ଦେଶ ଅନୁସାରେ ଏହି ଅଞ୍ଚଳରେ ଗୋଟିଏ ସ୍ଥାନରେ ଏକାଧିକ ଲୋକ ରୁଣ୍ତ ହୋଇ ପାରିବେ ନାହିଁ । ଅନ୍ୟପକ୍ଷରେ ଏହି ନିଷ୍ପତ୍ତିକୁ ବିରୋଧ କରିଛି ବିଜେପି ।

ବିଜେପି ନେତା ସୁକାନ୍ତ ମୁଜମଦାର ଦାବି କରିଛନ୍ତି ଯେ, ଏହି ଧାରା କେବଳ ବିଜେପି ନେତାଙ୍କ ପାଇଁ ଲାଗୁ କରାଯାଇଛି ହେଲେ ଟିଏମସି ନେତା ଏହି ଅଞ୍ଚଳରେ ଖୁଲମଖୁଲା ବୁଲୁଛନ୍ତି । ଗୁରୁତ୍ୱପୂର୍ଣ୍ଣ କଥା ହେଲା ଯେ, ୧୯ ଫେବ୍ରୁଆରୀରେ କଲିକତା ହାଇକୋର୍ଟ ସନ୍ଦେଶଖାଲିରେ ୧୪୪ ଧାରା ଲାଗୁ କରିବାରେ ରୋକ୍ ଲଗାଇଥିଲେ । ହେଲେ ଏହାକୁ ଅଣଦେଖା କରିଛନ୍ତି ରାଜ୍ୟ ସରକାର ଏବଂ ପୁଣି ଏହି ହିଂସା ବଢୁଥିବା ଦର୍ଶକାଇ ୧୪୪ ଧାରା ଲାଗୁ କରିଛନ୍ତି ରାଜ୍ୟ ସରକାର ।

ପଶ୍ଚିମବଙ୍ଗର ସନ୍ଦେଶଖାଲିରେ ହୋଇଥିବା ହିଂସାକୁ ଅନେକ ଦିନ ବିତି ଯାଇଥିବା ବେଳେ ଏହାକୁ ନେଇ ଆରମ୍ଭ ହୋଇଥିବା ହଙ୍ଗାମା ଥମିବାର ନାଁ ନେଉ ନାହିଁ । ଟିଏମ୍‌ସି ନେତା ଶାଜାହାନ ଶେଖ ଓ ତାଙ୍କ ସହଯୋଗୀମାନେ ମହିଳାଙ୍କ ଉପରେ କରିଥିବା ଯୌନ ନିର୍ଯାତନା ବିରୋଧରେ ସନ୍ଦେଶଖାଲିରେ ଆରମ୍ଭ ହୋଇଥିବା ହିଂସା ଦିନକୁ ଦିନ ଭୟଙ୍କର ରୂପ ନେବାରେ ଲାଗିଛି ।

ଶୁକ୍ରବାର ଦିନ ସନ୍ଦେଶଖାଲିରେ ବିକ୍ଷୋଭକାରୀମାନେ ରାସ୍ତାକୁ ଓହ୍ଲାଇ ଆନ୍ଦୋଳନ ଜୋରଦାର ହୋଇଥିଲା । ବିଭିନ୍ନ ନିଆଁ ଜଳାଇ ବିରୋଧ କରାଯାଉଛି । ଏପରିକି ବିକ୍ଷୋଭକାରୀନମାନେ ଟିଏମସି ନେତା ମାନଙ୍କ ଉପରେ ମଧ୍ୟ ଆକ୍ରମଣ କରିବା ପାଇଁ ପଛାଇ ନାହାଁନ୍ତି । ଘଟଣାସ୍ଥଳରେ ପୋଲସି ପହଞ୍ଚି ସ୍ଥିତି ନିୟନ୍ତ୍ରଣ କରିବା ପାଇଁ ଉଦ୍ୟମ କରିଥିଲା । ତେବେ ଅପରାଧିଙ୍କ ବିରୋଧରେ କଡ଼ା କାର୍ଯ୍ୟନୁଷ୍ଠାନ ଗ୍ରହଣ କରାଯିବ ବୋଲି ପୋଲିସ ପକ୍ଷରୁ ସୂଚନା ଦିଆଯାଇଛି । ଯାହା ପରେ ସ୍ଥିତି ସାମାନ୍ୟ ନିୟନ୍ତ୍ରଣକୁ ଆସିଥିଲା ।