ସମାଜବାଦୀ ପାର୍ଟି ନେତା ଆଜମ ଖାନଙ୍କ ସ୍ୱାସ୍ଥ୍ୟାବସ୍ଥା ଗୁରୁତର

ଉତ୍ତର ପ୍ରଦେଶର ରାମପୁରର ପୂର୍ବତନ ବିଧାୟକ ଏବଂ ସମାଜବାଦୀ ପାର୍ଟିର ନେତା ଆଜମ ଖାନ ହଠାତ୍ ଅସୁସ୍ଥ ହୋଇପଡ଼ିଛନ୍ତି। ତାଙ୍କୁ ଦିଲ୍ଲୀର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି । ଡାକ୍ତରମାନେ ତାଙ୍କ ଉପରେ ନଜର ରଖିଛନ୍ତି। ତାଙ୍କ ବିରୋଧରେ ଶୁଣାଣି ପାଇଁ ଗୁରୁବାର ଖାନ ସାଂସଦ-ବିଧାୟକ କୋର୍ଟରେ ହାଜର ହୋଇ ନଥିଲେ ।

ଆଜମ ଖାନଙ୍କ ଓକିଲ ତାଙ୍କ ଅତ୍ୟନ୍ତ ଖରାପ ସ୍ୱାସ୍ଥ୍ୟାବସ୍ଥା ଦର୍ଶାଇ ହାଜରତାରୁ ଛାଡ଼ ପାଇଁ ଆବେଦନ କରିଥିଲେ।ଆଜମ ଖାନଙ୍କ ମାମଲାଗୁଡ଼ିକର ନିରନ୍ତର ଶୁଣାଣି ଚାଲିଛି। ତାଙ୍କ ପରିବାର ସଦସ୍ୟମାନେ ମଧ୍ୟ ତାଙ୍କ ସହିତ ଅଛନ୍ତି। ଆଜମ ଖାନ ସେପ୍ଟେମ୍ବରରେ ସୀତାପୁର ଜେଲରୁ ଜାମିନରେ ମୁକ୍ତ ହୋଇଥିଲେ। ସେବେଠାରୁ ସେ ତାଙ୍କ ବୟାନ ପାଇଁ ଶିରୋନାମାରେ ଅଛନ୍ତି।