ମୋହନ ଭାଗୱତଙ୍କ ବଡ଼ ବୟାନ, କହିଲେ ଭାରତରେ କେହି ବି ଅଣହିନ୍ଦୁ ନୁହନ୍ତି

ଭାରତରେ କେହି ବି ଅଣହିନ୍ଦୁ ନୁହନ୍ତି । ମାନ୍ୟତାରୁ ଉର୍ଦ୍ଧ୍ୱରେ ଥିବା ପ୍ରତିଟି ବ୍ୟକ୍ତି ହିନ୍ଦୁ ସଭ୍ୟତା ସହ ଜଡିତ ଏବଂ ଏହାର ବଂଶଜ ହିନ୍ଦୁ । ଏହା କହିଛନ୍ତି ରାଷ୍ଟ୍ରୀୟ ସ୍ୱଂୟ ସେବକ ସଂଘ(ଆରଏସଏସ) ମୁଖ୍ୟ ମୋହନ ଭାଗବତ । ଆରଏସଏସର ଏକ କାର୍ଯ୍ୟକ୍ରମରେ ଭାଗବତ କହିଛନ୍ତି, ଆରଏସଏସ କେବେ ବି କ୍ଷମତା ପାଇଁ ଇଚ୍ଛା କରିନି । ହିନ୍ଦୁ ସମାଜକୁ ଏକତ୍ରିତ କରି ଭାରତ ମାତାର ଗୌରବକୁ ବଢାଇବା ପାଇଁ ସଂଘ ସର୍ବଦା ଉଦ୍ୟମ କରି ଆସିଛି ।

ଭାଗବତ କହିଛନ୍ତି, ଯେବେ ସଂଘ ରୂପେ ଏକା ସହ ଜୋର ଦିଆଯାଏ ତେବେ ଏହାର ଉଦ୍ଦେଶ୍ୟ କୌଣସି ରାଜନୈତିକ ଲାଭ ନୁହେଁ ବରଂ ଭାରତ ମାତା ପାଇଁ ସମାଜକୁ ଏକତାର ସୂତ୍ରରେ ବାନ୍ଧି ରଖିବା । ଦିନ ଥିଲା ଲୋକେ ଆରଏସଏସର ଉଦ୍ଦେଶ୍ୟ ପ୍ରତି ସନ୍ଦେହ ହେଉଥିଲା, ମାତ୍ର ଏବେ ସେମାନେ ଠିକ୍ କଣ ବୁଝି ଗଲେଣି । ଏହି କାର୍ଯ୍ୟକ୍ରମରେ ଆରଏସଏସର ସାଧାରଣ ସଂପାଦକ ଦତ୍ତାତ୍ରେୟ ହୋସବାଲେ ଓ ଅନ୍ୟ ବଡ ପଦାଧିକାରୀ ଉପସ୍ଥିତ ଥିଲେ ।

ଭାଗବତ କହିଛନ୍ତି, ଇଂରେଜମାନେ ଆମକୁ ରାଷ୍ଟ୍ର କରି ନାହାନ୍ତି । ବରଂ ପ୍ରାଚୀନ ସମୟରୁ ଭାରତ ଏକ ରାଷ୍ଟ୍ର ଥିଲା । ସବୁ ଦେଶର ସଂସ୍କୃତି ରହିଥାଏ । ସେହିପରି ଭାରତର ସଂସ୍କୃତି ହେଉଛି ହିନ୍ଦୁ । ଆମର ପରିଚୟ ହିନ୍ଦୁରୁ ହୋଇଥାଏ । ସେ ମୁସଲମାନ ହୁଅନ୍ତୁ ବା ଖ୍ରୀଷ୍ଟିୟାନ ଆମେ ସମସ୍ତେ ଗୋଟିଏ ସଭ୍ୟତାରୁ ଉତ୍ପନ ହୋଇଛୁ ଏବଂ ଆମର ବଂଶଜ ଗୋଟିଏ । ବାସ୍ତବରେ ଭାରତରେ କେହି ଅଣହିନ୍ଦୁ ନାହାନ୍ତି । ମୁସଲିମ ଓ ଖ୍ରୀଷ୍ଟିୟାନଙ୍କୁ ମଧ୍ୟ ସେମାନର ମୂଳକୁ ଭୁଲାଇବା ପାଇଁ ପୂରା ପ୍ରୟାସ କରାଯାଇଛି ।