ବିଦେଶୀ ଭାଷା କାହିଁକି? ନିଜ ମାତୃଭାଷାରେ କଥା ହୁଅ: ମୋହନ ଭଗବତ

ଗତକାଲି (ରବିବାର) ଏକ କାର୍ଯ୍ୟକ୍ରମରେ ରାଷ୍ଟ୍ରିୟ ସ୍ୱୟଂ ସେବାକ ସଂଗଠନ (RSS) ମୁଖ୍ୟ ମୋହନ ଭଗବତ ସଂଗଠନର ସମସ୍ତ ସ୍ୱେଚ୍ଛାସେବୀମାନଙ୍କୁ ଜାତି, ଧର୍ମ, ଅଞ୍ଚଳ ତଥା ଭାଷା ବ୍ୟତୀତ ବିଭିନ୍ନ ଗୋଷ୍ଠୀ ମଧ୍ୟରେ ବନ୍ଧୁତା ବୃଦ୍ଧି କରିବାକୁ ନିବେଦନ କରିଛନ୍ତି। ମୋହନ ଭଗବତ କହିଛନ୍ତି ଯେ ପ୍ରତ୍ୟେକ ଭାରତୀୟ ନିଜକୁ ପ୍ରକାଶ କରିବା ପାଇଁ ଖାଦ୍ୟ, ରହିବା, ଯାତ୍ରା ଏବଂ ଏପରିକି ଭାଷା ବାଛିବା ଉଚିତ୍‌। ସମସ୍ତେ ନିଜ ଦୈନନନ୍ଦିନ କାର୍ଯ୍ୟରେ ବିଦେଶୀ ଭାଷା ବ୍ୟବହାର କରିବା ପରିବର୍ତ୍ତେ ନିଜ ମାତୃଭାଷାରେ କଥାବାର୍ତ୍ତା କରିବା ଉଚିତ୍ ।

ଅନ୍ୟପକ୍ଷରେ, ପିଟିଆଇ ରିପୋର୍ଟ ଅନୁଯାୟୀ, ସଂଗଠନ ପକ୍ଷରୁ ପ୍ରକାଶିତ ବିବୃତ୍ତିରେ କୁହାଯାଇଛି ଯେ ଭାଗବତ ଜାତି, ଧର୍ମ, ଅଞ୍ଚଳ କିମ୍ବା ଭାଷା ନିର୍ବିଶେଷରେ ସମାଜର ବିଭିନ୍ନ ବର୍ଗ ମଧ୍ୟରେ ବନ୍ଧୁତା ଏବଂ ସୌହାର୍ଦ୍ଦ୍ୟ ରକ୍ଷା କରିବାକୁ ସ୍ୱେଚ୍ଛାସେବୀମାନଙ୍କୁ ଅନୁରୋଧ କରିଥିଲେ। ସେ ଆହୁରି ମଧ୍ୟ କହିଥିଲେ ଯେ ସମସ୍ତ ହିନ୍ଦୁମାନେ ପାରସ୍ପରିକ ସମ୍ମାନ ଏବଂ ସହଯୋଗର ଭାବନାରେ ସମାନ ମନ୍ଦିର, ଶ୍ମଶାନ ଏବଂ ଜଳ ସ୍ରୋତର ବ୍ୟବହାର କରିବା ଉଚିତ୍ ।

ମୋହନ ଭାଗବତ ଆହୁରି କହିଛନ୍ତି ଯେ ସମାଜର ବିଭିନ୍ନ ଜାତି ମଧ୍ୟରେ ଚିରନ୍ତନ ସାମ୍ପ୍ରଦାୟିକ ସମନ୍ୱୟ ରକ୍ଷା କରିବା ଆବଶ୍ୟକ । ପରିବାର ଏବଂ ସମ୍ପ୍ରଦାୟ ସ୍ତରରେ କେବଳ ଶୁଭେଚ୍ଛା ଦେଶକୁ ଏକ ସକରାତ୍ମକ ଦିଗକୁ ନେଇଯିବ।

ପରିବେଶ ସୁରକ୍ଷା ଉପରେ ଗୁରୁତ୍ୱ

ମୋହନ ଭାଗବତ ପରିବେଶ ସୁରକ୍ଷା ଉପରେ ମଧ୍ୟ ଗୁରୁତ୍ୱାରୋପ କରି କହିଛନ୍ତି ଯେ ଜଳ ସଂରକ୍ଷଣ, ବୃକ୍ଷରୋପଣ ଏବଂ ପ୍ଲାଷ୍ଟିକର କମ୍ ବ୍ୟବହାର ପାଇଁ ସମଗ୍ର ସମାଜ ଦାୟତ୍ୱ ଗ୍ରହଣ କରିବା ଉଚିତ୍‌। ସେ ଏହା ମଧ୍ୟ କହିଛନ୍ତି ଯେ ନାଗରିକମାନେ ପାରମ୍ପାରିକ ସାମାଜିକ ନୀତି ଅନୁସରଣ କରିବା ଉଚିତ, ଯଦିଓ ସେମାନେ ଆଇନଗତ ଭାବରେ ବାଧ୍ୟତାମୂଳକ ନୁହଁନ୍ତି।