ଭାରତରେ ଲଞ୍ଚ୍ ହେଲା କରୋନା ଆଣ୍ଟିବଡି କକଟେଲ୍: ଜାଣନ୍ତୁ କଣ ରହିଛି ଦର

ରୋଶ୍ ଇଣ୍ଡିଆ ଓ ସିପ୍ଲା ପକ୍ଷରୁ ଏକ ଆଣ୍ଟିବଡି କକଟେଲ୍ ଲଞ୍ଚ କରିଥିବା ଘୋଷଣା କରିଛନ୍ତି। ଯାହାର ମୂଲ୍ୟ ୫୯ ହଜାର ୭୫୦ ଟଙ୍କା ରହିଛି

Published: Monday, May 24, 2021, 18:27 [IST]

ନୂଆଦିଲ୍ଲୀ: ସାରା ଦେଶରେ କରୋନାକୁ ନେଇ ସ୍ଥିତି ଗମ୍ଭୀର। ଏହାସହିତ ଟିକାକରଣ ପ୍ରକ୍ରିୟା ମଧ୍ୟ ଜାରି ରହିଛି। ତେବେ ନିକଟରେ ରକ୍ଷାମନ୍ତ୍ରୀ ରାଜନାଥ ସିଂହ ଡିଆରଡିଓ ଦ୍ୱାରା ପ୍ରସ୍ତୁତ ଆଣ୍ଟି କୋଭିଡ୍ ମେଡିସିନ୍ ୨-ଡିଜିର ଶୁଭାରମ୍ଭ କରିଥିଲେ। କରୋନା ଲଢ଼େଇ ପାଇଁ ଏହା ବରଦାନ ସଦୃଶ ବୋଲି କୁହାଯାଉଛି। ପ୍ରମୁଖ ଔଷଧ ନିର୍ମାଣକାରୀ ସଂସ୍ଥା ରୋଶ୍ ଇଣ୍ଡିଆ ଓ ସିପ୍ଲା ପକ୍ଷରୁ ଏକ ଆଣ୍ଟିବଡି କକଟେଲ୍ ଲଞ୍ଚ କରିଥିବା ଘୋଷଣା କରିଛନ୍ତି। ଯାହାର ମୂଲ୍ୟ ୫୯ ହଜାର ୭୫୦ ଟଙ୍କା ରହିଛି। ଏହି ଔଷଧ କୋଭିଡ୍ ସଂକ୍ରମିତ ଗୁରୁତର ରୋଗୀଙ୍କ ପାଇଁ ଉଦ୍ଦିଷ୍ଟ ବୋଲି କୁହାଯାଇଛି।

ସିପ୍ଲା ଓ ରୋଶ୍ ପକ୍ଷରୁ ମିଳିତ ଭାବେ କୁହାଯାଇଛି ଯେ ଆଣ୍ଟିବଡି କକଟେଲ୍ (କୈସିରିୱମୈବ୍ ଓ ଇମଦେୱିମାବ୍)ର ପ୍ରଥମ ପର୍ଯ୍ୟାୟ ଭାରତରେ ଉପଲବ୍ଧ ହୋଇଥିବାବେଳେ ଜୁନ୍ ମଧ୍ୟ ଭାଗବେଳକୁ ଦ୍ୱିତୀୟ ପର୍ଯ୍ୟାୟ ଉପଲବ୍ଧ ହେବ। ତେବେ ସମ୍ପ୍ରତି ୨ ଲକ୍ଷ ରୋଗୀଙ୍କ ଚିକିତ୍ସା କରାଯାଇପାରିବ। ଦେଶରେ ବିତରଣ ପାଇଁ ସିପ୍ଲାର ଉତ୍ତମ ନେଟୱର୍କ ରହିଥିବାବେଳେ ବିଭିନ୍ନ ପ୍ରାନ୍ତକୁ ଏହି କକଟେଲ୍ ପହଞ୍ଚି ପାରିବ ବୋଲି ଆଶା କରାଯାଉଛି। ତେବେ ସମସ୍ତ ପ୍ରକାର ଟିକସ ଲାଗୁ ହୋଇ ଏହି କକଟେଲ୍ ଡୋଜ୍ ୫୯, ୭୫୦ ଦର ରହିବ।

Published On May 24, 2021