ପ୍ରିୟଙ୍କାଙ୍କ ବିଜୟ ପରେ ସ୍ୱାମୀଙ୍କ ମନ୍ତବ୍ୟ, କହିଲେ ମେରା ବି ସମୟ ଆୟେଗା

ଡେବ୍ୟୁରେ କମାଲ କରିଛନ୍ତି ପ୍ରିୟଙ୍କା ଗାନ୍ଧି ଭଦ୍ରା। ସେ ପ୍ରଥମଥର ପାଇଁ କୌଣସି ନିର୍ବାଚନ ଲଢ଼ି ରେକର୍ଡ ସଂଖ୍ୟକ ଭୋଟ ବ୍ୟବଧାନରେ ବିଜୟୀ ହୋଇଛନ୍ତି। ସ୍ଥିତି ଏପରି ହୋଇଛି ଯେ ପ୍ରିୟଙ୍କା ଭାଇ ରାହୁଲ ଗାନ୍ଧିଙ୍କ ୨୦୧୯ ରେକର୍ଡକୁ ମଧ୍ୟ ଭାଙ୍ଗି ଦେଇଛନ୍ତି। କେରଳର ୱାୟନାଡ ଲୋକସଭା ଆସନରେ ଅନୁଷ୍ଠିତ ଉପ ନିର୍ବାଚନରେ ପ୍ରିୟଙ୍କା ଏକତରଫା ବିଜୟ ହାସଲ କରିଛନ୍ତି। ରବର୍ଟ ଭଦ୍ରା ମଧ୍ୟ ତାଙ୍କ ପତ୍ନୀଙ୍କ ବିଜୟକୁ ସେଲିବ୍ରେଟ୍ କରୁଛନ୍ତି ଏବଂ ତାଙ୍କ ସଫଳତାର ପୂରା ଶ୍ରେୟ ପ୍ରିୟଙ୍କା ଗାନ୍ଧିଙ୍କ କଠିନ ପରିଶ୍ରମକୁ ଦେଇଛନ୍ତି। ପ୍ରିୟଙ୍କା ଗାନ୍ଧି ସଂସଦରେ ରହି ସେଠାରେ ଲୋକଙ୍କ ସମସ୍ୟା ଉଠାଇବା ଉଚିତ ବୋଲି ସେ କହିଛନ୍ତି।

ରବର୍ଟ ଭଦ୍ରା ଏହି ବିଜୟ ପାଇଁ ସେ ୱାୟନାଡବାସୀଙ୍କୁ ବହୁତ ଖୁସି ଏବଂ କୃତଜ୍ଞତା ଜଣାଇଛନ୍ତି । ସେ କହିଛନ୍ତି ଯେ ପ୍ରିୟଙ୍କାଙ୍କ କଠିନ ପରିଶ୍ରମକୁ ଜନସାଧାରଣ ସର୍ବଦା ସ୍ୱୀକୃତି ଦେଇଛନ୍ତି। ସମଗ୍ର ଦେଶ ଜାଣେ ଯେ ଯେତେବେଳେ ବି କୌଣସି ଦୁର୍ଘଟଣା କିମ୍ବା କିଛି ଘଟିଥିଲା, ପ୍ରିୟଙ୍କା ସର୍ବଦା ସାରା ଦେଶରେ ଲୋକଙ୍କ ସହିତ ଥିଲେ ।

ସେ ନିଜେ କେବେ ନିର୍ବାଚନକୁ ଓହ୍ଲାଇବେ ସେ ସମ୍ପର୍କରେ ପ୍ରଶ୍ନ ହେବାରୁ ରବର୍ଟ ଭଦ୍ରା କହିଛନ୍ତି, ମୁଁ ଜନସାଧାରଣଙ୍କ ସେବା ଜାରି ରଖିଛି ଏବଂ ମୁଁ ବର୍ତ୍ତମାନ ସଂସଦରେ ରହିବାର ଆବଶ୍ୟକତା ଅନୁଭବ କରୁନାହିଁ। ଲୋକଙ୍କ ସହ ମୁଁ ଦେଶର କୋଣ ଅନୁକୋଣରେ ପହଂଚିଛି । ବର୍ତ୍ତମାନ ପ୍ରିୟଙ୍କା ସଂସଦରେ ପ୍ରବେଶ କରିବାକୁ ପ୍ରସ୍ତୁତ ହେଉଛନ୍ତି, ତେଣୁ ମୋର ଯେତେବେଳେ ସମୟ ଆସିବ ଏବଂ ମୁଁ ସେତେବେଳେ ଦେଖିବୁ । ଜନସାଧାରଣ ଯାହାକୁ ଚାହିଁବେ ସେ ଆଗକୁ ଆସିବ ।