ମଞ୍ଚ ଉପରେ ଦେଶଭକ୍ତି ଗୀତ ଗାଉ ଗାଉ ଚାଲିଗଲା ଜୀବନ
ମଞ୍ଚ ଉପରେ 'ମା' ତୁଝେ ସଲାମ୍' ଗୀତ ଗାଉଥିବା ବେଳେ ବେଳେ ଟଳି ପଡ଼ିଲେ ଅବସର ପ୍ରାପ୍ତ ସୈନିକ । କେହି କିଛି ବୁଝିବା ଆଗରୁ ତାଙ୍କର ହୃଦଘାତରେ ମୃତ୍ୟୁ ଘଟିଥିଲା । ଏଭଳି ଏକ ଦୁଃଖଦ ଘଟଣା ଇନ୍ଦୋରର ଫୁଟି କୋଠିରେ ଦେଖିବାକୁ ମିଳିଛି । ସେ ଇନ୍ଦୋରର ତେଜାଜୀ ନଗରକ୍ଷେତ୍ରର ବାସିନ୍ଦା ବୋଲି ଜଣାପଡ଼ିଛି ।
ଜଣେ ଅବସରପ୍ରାପ୍ତ ସୈନିକ ଦେଶଭକ୍ତି ଗୀତ ଗାଉଥିବାବେଳେ ହଠାତ ପଡିଯାଇଥିଲେ । ତେବେ ସେ ପଡିଯାଇଥିଲେ ବି ଉପସ୍ଥିତ ଛାତ୍ରଛାତ୍ରୀମାନେ ଭାବିଥିଲେ ଯେ ସେ ଅଭିନୟ କରୁଛନ୍ତି । ଉପସ୍ଥିତ ଛାତ୍ରଛାତ୍ରୀମାନେ ତାଳି ବଜାଉଥିଲେ । ଆଉ କିଛି ସମୟ ପରେ ସେ ଆଉ ନ ଉଠିବାରୁ ସତ କଥା ଜଣାପଡିଥିଲା । ମିଳିଥିବା ସୂଚନା ମୁତାବକ ଅବସରପ୍ରାପ୍ତ ସୈନିକ ବଲୱିନ୍ଦର ସିଂ ଛାବ୍ରା ଆଜି ସକାଳେ ଇନ୍ଦୋରର ଏକ ଯୋଗ କେନ୍ଦ୍ରରେ 'ମା ତୁଝେ ସଲାମ' ଗୀତ ଗାଉଥିଲେ ।
ସେ ହାତରେ ଏକ ତ୍ରିରଙ୍ଗା ପତାକା ଧରିଥିବାବେଳେ ହଠାତ ତାଙ୍କୁ ହୃଦଘାତ ଆସିଥିଲା । ଗୀତ ଗାଇବା ସମୟରେ ସେ ତଳେ ପଡ଼ିଯାଇଥିଲେ, କିନ୍ତୁ ସେଠାରେ ଉପସ୍ଥିତ ଥିବା ଲୋକମାନେ ସେ ଅଭିନୟ କରୁଛନ୍ତି ବୋଲି ଭାବି ତାଳି ବଜାଉଥିଲେ । ସେଠାରେ ଉପସ୍ଥିତ ଦର୍ଶକମାନେ ଅନୁଭବ କରିଥିଲେ ଯେ ଏହା ମଧ୍ୟ ତାଙ୍କ ଅଭିନୟର ଏକ ଅଂଶ, ଯେତେବେଳେ ସେ ତଳେ ପଡ଼ିଗଲେ, ତାଙ୍କ ହାତରେ ତ୍ରିରଙ୍ଗା ପତାକା ଥିଲା ।
Click it and Unblock the Notifications
Sign in with Google