କୃଷି ଆଇନ : କେରଳ ବିଧାନସଭାରେ ପାରିତ ହେଲା କେନ୍ଦ୍ରର କୃଷି ଆଇନ ବିରୁଦ୍ଧରେ ପ୍ରସ୍ତାବ
ଏକ ମାସରୁ ଅଧିକ ସମୟ ଧରି କେନ୍ଦ୍ରର ନୂଆ କୃଷି ଆଇନ ବିରୋଧରେ ଦିଲ୍ଲୀ ସୀମାରେ ଚାଲିଆସୁଥିବା କୃଷକଙ୍କ ବିରୋଧ ମଧ୍ୟରେ ଏହି ତିନୋଟି କୃଷି ଆଇନ ବିରୋଧରେ କେରଳ ବିଧାନସଭାରେ ଗୁରୁବାର ଦିନ ଏକ ପ୍ରସ୍ତାବ ପାରିତ ହୋଇଛି |
ନୂଆଦିଲ୍ଲୀ : ଏକ ମାସରୁ ଅଧିକ ସମୟ ଧରି କେନ୍ଦ୍ରର ନୂଆ କୃଷି ଆଇନ ବିରୋଧରେ ଦିଲ୍ଲୀ ସୀମାରେ ଚାଲିଆସୁଥିବା କୃଷକଙ୍କ ବିରୋଧ ମଧ୍ୟରେ ଏହି ତିନୋଟି କୃଷି ଆଇନ ବିରୋଧରେ କେରଳ ବିଧାନସଭାରେ ଗୁରୁବାର ଦିନ ଏକ ପ୍ରସ୍ତାବ ପାରିତ ହୋଇଛି | ଏହି ପ୍ରସ୍ତାବରେ କୁହାଯାଇଛି ଯେ କେନ୍ଦ୍ର ସରକାର କୃଷକଙ୍କ ସମସ୍ୟାକୁ ସମାଧାନ କରିବା ସହ ତିନୋଟି କୃଷି ଆଇନ ପ୍ରତ୍ୟାହାର କରିବା ଉଚିତ | ଏହି ସମୟରେ ବିଜେପି ବିଧାୟକ ରାଜଗୋପାଳ ରାଜ୍ୟ ସରକାରଙ୍କ ପ୍ରସ୍ତାବକୁ ବିରୋଧ କରିଥିଲେ | କଂଗ୍ରେସ ନିଜ ଘୋଷଣାପତ୍ରରେ ଏହି କୃଷି ଆଇନର ପ୍ରତିଜ୍ଞା କରିଥିଲା ଏବଂ ଆଜି ଏହି ଦଳ ଚାଷୀଙ୍କୁ ଦ୍ୱନ୍ଦ୍ୱରେ ପକାଇ ଏହି ଆଇନକୁ ବିରୋଧ କରୁଛି ବୋଲି ସେ କହିଛନ୍ତି |
ଏହି ପ୍ରସ୍ତାବ ଉପସ୍ଥାପନ କରିବାବେଳେ ମୁଖ୍ୟମନ୍ତ୍ରୀ ପିନାରାଇ ବିଜୟନ କହିଛନ୍ତି ଯେ, ବର୍ତ୍ତମାନର ପରିସ୍ଥିତିକୁ ଦୃଷ୍ଟିରେ ରଖି ଗୋଟିଏ କଥା ସ୍ପଷ୍ଟ ହୋଇଛି ଯେ ଯଦି ଚାଷୀଙ୍କ ଆନ୍ଦୋଳନ ଜାରି ରହେ ତେବେ ଏହା କେରଳ ଉପରେ ମଧ୍ୟ ଗୁରୁତର ପ୍ରଭାବ ପକାଇବ | ଯଦି ଅନ୍ୟ ରାଜ୍ୟରୁ ଖାଦ୍ୟ ସାମଗ୍ରୀ ଯୋଗାଣ ବନ୍ଦ ହୋଇଯାଏ ତେବେ କେରଳକୁ ଭୋକରେ ରହିବାକୁ ପଡିବ ଏଥିରେ କୌଣସି ସନ୍ଦେହ ନାହିଁ ବୋଲି ପିନାରାଇ କହିଛନ୍ତି | କେରଳ ସରକାର ଦ୍ୱିତୀୟ ଅଧିବେଶନ ପାଇଁ ଅନୁମତି ମାଗିବା ପରେ ସୋମବାର ଦିନ କେରଳ ରାଜ୍ୟପାଳ ଆରିଫ ମହମ୍ମଦ ଖାନ ଏକ ଦିନିଆ ସ୍ୱତନ୍ତ୍ର ଅଧିବେଶନ ପାଇଁ ଅନୁମୋଦନ ଦେଇଥିଲେ | କେରଳ ସରକାରଙ୍କ ପ୍ରଥମ ପ୍ରସ୍ତାବକୁ ରାଜ୍ୟପାଳ ଆରିଫ ମହମ୍ମଦ ଖାନ ପ୍ରତ୍ୟାଖ୍ୟାନ କରିଛନ୍ତି |ବିଧାନସଭା ଅଧିବେଶନକୁ ଡାକିବାକୁ କେରଳର ମୁଖ୍ୟମନ୍ତ୍ରୀ ପିନାରାଇ ବିଜୟ କହିଛନ୍ତି ଯେ ଖାଦ୍ୟ ସାମଗ୍ରୀ ପାଇଁ ଆମ ରାଜ୍ୟ ମୁଖ୍ୟତଃ ଅନ୍ୟ ରାଜ୍ୟ ଉପରେ ନିର୍ଭରଶୀଳ | ଏଭଳି ପରିସ୍ଥିତିରେ ଦେଶର ଅନ୍ୟ ରାଜ୍ୟରେ କୃଷକମାନେ ସମ୍ମୁଖୀନ ହେଉଥିବା ସଙ୍କଟ ଆମ ପାଇଁ ଚିନ୍ତାର ବିଷୟ ହୋଇପାରେ ବୋଲି ସେ କହିଛନ୍ତି |
ସରକାର ଏବଂ କୃଷକ ମଧ୍ୟରେ ହୋଇଛି ଷଷ୍ଠ ପର୍ଯ୍ୟାୟ ଆଲୋଚନା
ପଞ୍ଜାବ, ହରିୟାଣା ଏବଂ ପଶ୍ଚିମ ଉତ୍ତରପ୍ରଦେଶର ହଜାର ହଜାର କୃଷକ ଦିଲ୍ଲୀ ସୀମାରେ କେନ୍ଦ୍ର ସରକାରଙ୍କ କୃଷି ନିୟମକୁ ବିରୋଧ କରିଆସୁଛନ୍ତି | ସଂସଦରେ ପାରିତ ହୋଇଥିବା ତିନୋଟି କୃଷି ଆଇନ ତୁରନ୍ତ ପ୍ରତ୍ୟାହାର କରାଯିବାକୁ କୃଷକମାନେ ଦାବି କରିଛନ୍ତି | କେନ୍ଦ୍ର ସରକାର ଏବଂ କୃଷକ ସଂଗଠନ ମଧ୍ୟରେ ଏପର୍ଯ୍ୟନ୍ତ ଚ ପର୍ଯ୍ୟାୟ ଆଲୋଚନା ହୋଇଛି ଏବଂ ସପ୍ତମ ରାଉଣ୍ଡ ବୈଠକ 4 ଜାନୁଆରୀରେ ଅନୁଷ୍ଠିତ ହେବ | ସରକାର କହିଛନ୍ତି ଯେ କୃଷକଙ୍କ ଆୟ ବୃଦ୍ଧି ଲକ୍ଷ୍ୟରେ କୃଷି ଆଇନ ଅଣାଯାଇଛି ଏବଂ ବିରୋଧୀମାନେ କୃଷକମାନଙ୍କୁ ରାଜନୀତିରେ ବ୍ୟବହାର କରୁଛନ୍ତି |