ରେପୋ ରେଟ୍ ଅପରିବର୍ତ୍ତିତ ରଖିଲା ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ

ରେପୋ ରେଟ୍ ଅପରିବର୍ତ୍ତିତ ରଖିଲା ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ । ୫.୫ ପ୍ରତିଶତରେ ଅପରିବର୍ତ୍ତିତ ରହିଲା ରେପୋ ରେଟ୍। ଘୋଷଣା କଲେ ଆର୍‌ବିଆଇ ଗଭର୍ଣ୍ଣର ସଞ୍ଜୟ ମାଲହୋତ୍ରା ।

ରେପୋ ରେଟ୍ ଅପରିବର୍ତ୍ତିତ ରଖିଲା ଆରବିଆଇ । ଅର୍ଥାତ ମାସିକ EMIରେ କୌଣସି ପରିବର୍ତ୍ତନ ହେବ ନାହିଁ। ଆପଣ ଘର, ଗାଡ଼ି ଆଦି ଋଣରେ ଦେଉଥିବା ଇଏମଆଇ ଅପରିବର୍ତ୍ତିତ ରହିବ। ରେପୋ ରେଟ୍ କୁ ଆରବିଆଇ ୫.୫ ପ୍ରତିଶତରେ ସ୍ଥିର ରଖିଛି । ରେପୋ ରେଟ୍ ସ୍ଥିର ଥିବାରୁ ବ୍ୟାଙ୍କଗୁଡିକ ଋଣ ଉପରେ ସୁଧ ହାରରେ କୌଣସି ପରିବର୍ତ୍ତନ କରିବେ ନାହିଁ । ହୋମ ଲୋନ, ଗାଡି ଲୋନ ଏବଂ ଏମଏସଏମଇ ଲୋନ ଉପରେ ସୁଧ ହାର ସ୍ଥିର ରହିବ । ଯଦି ମୁଦ୍ରାସ୍ଫୀତି ଆଗକୁ କମେ ତେବେ ଚଳିତ ଆର୍ଥିକ ବର୍ଷରେ ଆଗକୁ ସୁଧ ହାର ହ୍ରାସ ହେବ ସହ ଇଏମଆଇ କମିପାରେ । RBI ଆଶା କରୁଛି ମୁଦ୍ରାସ୍ଫୀତି ଆହୁରି କମିପାରେ ।

ଚଳିତ ଆର୍ଥିକ ବର୍ଷରେ ମୁଦ୍ରାସ୍ଫୀତି ୪.୨% ରହିପାରେ । ଆୟକର ହ୍ରାସ ଓ GST ସୁଧାର ଭଳି ପଦକ୍ଷେପ ଦର ବୃଦ୍ଧି ଚାପକୁ କମାଇଛି । RBI ବର୍ତ୍ତମାନ ଚଳିତ ଆର୍ଥିକ ବର୍ଷ ପାଇଁ ଭାରତର GDP ବୃଦ୍ଧିକୁ 6.8%କୁ ବୃଦ୍ଧି କରିଛି । ପୂର୍ବରୁ 6.5% ଆକଳନ କରାଯାଇଥିଲା । ଅବଶ୍ୟ ଟାରିଫ ସମସ୍ୟା ଯୋଗୁଁ ଆର୍ଥିକ ବର୍ଷ ଦ୍ବିତୀୟ ଭାଗରେ ଅଭିବୃଦ୍ଧି ହ୍ରାସ ପାଇବା ଅନୁମାନ କରିଛି ଆରବିଆଇ ।