• search
For Quick Alerts
Turn On Notification  
For Daily Alerts

୭୩ ତମ ଗଣତନ୍ତ୍ର ଦିବସ ସମାରୋହ, କୋବିଡ ପରିସ୍ଥିତିରେ ଭିଭିଆଇପିଙ୍କୁ ମିଶାଇ କେବଳ ୨୪ ହଜାର ଲୋକ ହେବେ ସାମିଲ

By Staff
|

ନୂଆଦିଲ୍ଲୀ: ସମଗ୍ର ଦେଶରେ ଗଣତନ୍ତ୍ର ଦିବସ ପାଳନ ପାଇଁ ଚାଲିଛି ଉତ୍ସାହର ସହିତ ପ୍ରସ୍ତୁତି। ଚଳିତ ଆମେ ପାଳନ କରୁଛେ 73 ତମ ଗଣତନ୍ତ୍ର ଦିବସ । ଗଣତନ୍ତ୍ର ଦିବସ ଭାରତର ଇତିହାସରେ ଏକ ଗୁରୁତ୍ୱପୂର୍ଣ୍ଣ ଘଟଣା ଅଟେ । ଏହା ଭାରତର ସମ୍ବିଧାନର ପ୍ରଣୟନକୁ ସ୍ମରଣ କରେ ଯାହା ଜାନୁଆରୀ 26, 1950 ରେ କାର୍ଯ୍ୟକାରୀ ହୋଇଥିଲା ଏବଂ ଏହା ଦ୍ଵାରା ଭାରତ ପରିଗଣିତ ହୋଇଥିଲା ଏକ ଗଣତନ୍ତ୍ର ରାଷ୍ଟ୍ରରେ। । ଏହି ଦିବସକୁ ରାଷ୍ଟ୍ରୀୟସ୍ତରରେ ମହାଆଡମ୍ବରରେ ପାଳନ କରାଯିବା ସହିତ କେନ୍ଦ୍ର ସଂସ୍କୃତି ମନ୍ତ୍ରାଳୟ ପକ୍ଷରୁ ପ୍ରଦର୍ଶିତ ହୋଇଥାଏ ବିଭିନ୍ନ ରାଜ୍ୟର ମହାନ ସଂସ୍କୃତିକ ବୈଭବ। ଭାରତର ସାମରିକ ବଳ, ଅତ୍ୟାଧୁନିକ ଅସ୍ତ୍ର, ମିସାଇଲ ଏବଂ ବୈଜ୍ଞାନିକ ଉପଲବ୍ଧି ମଧ୍ୟ ଏହି ପ୍ରଦର୍ଶନରେ ସ୍ଥାନିତ ହୋଇଥାଏ ।

republic day

ଏଥର ଅଧ ଘଣ୍ଟା ପରେ ଆରମ୍ଭ ହେବ ପରେଡ

ଚଳିତ ବର୍ଷ ପାରମ୍ପରିକ ଭାବରେ ନୂଆ ଦିଲ୍ଲୀର ରାଜପଥରୁ ଆରମ୍ଭ ହୋଇ ଇଣ୍ଡିଆ ଗେଟ୍ ରେ ଶେଷ ହେବ। ତେବେ ଗଣତନ୍ତ୍ର ଦିବସ ପରେଡ ଚଳିତ ବର୍ଷ ସାଧାରଣ ଅପେକ୍ଷା ଅଧ ଘଣ୍ଟା ପରେ ଆରମ୍ଭ ହେବ | ଜାନୁୟାରୀ 26 ରେ କୁହୁଡ଼ି ହେବ ବୋଲି ପୂର୍ବାନୁମାନ କରାଯିବା ସହିତ, ଭଲ ଦୃଶ୍ୟମାନ ହେବା ପାଇଁ ସକାଳ ୧୦ ଟା ପରିବର୍ତ୍ତେ ପରେଡ ୧୦.୩୦ରେ ଆରମ୍ଭ ହେବ ବୋଲି ପ୍ରତିରକ୍ଷା ମନ୍ତ୍ରଣାଳୟ ନିଷ୍ପତ୍ତି ନେଇଛି | ରାଜପଥର ପ୍ରତ୍ୟେକ ପାର୍ଶ୍ୱରେ ୧୦ ଟି ବଡ଼ ଏଲଇଡି ସ୍କ୍ରିନ ସ୍ଥାପନ କରାଯିବ ବୋଲି ପ୍ରତିରକ୍ଷା ମନ୍ତ୍ରଣାଳୟର ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି । ପୂର୍ବ ରିପବ୍ଲିକ୍ ଡେ ପ୍ୟାରେଡର ଫୁଟେଜ୍, ସଶସ୍ତ୍ର ବାହିନୀର କ୍ଷୁଦ୍ର ଚଳଚ୍ଚିତ୍ର ଏବଂ ରିପବ୍ଲିକ୍ ଦିନ ୨୦୨୨ ର ବିଭିନ୍ନ ଇଭେଣ୍ଟ ସହ ଜଡିତ କାହାଣୀକୁ ପ୍ୟାରେଡ୍ ଆରମ୍ଭ ହେବା ପୂର୍ବରୁ ପ୍ରଦର୍ଶିତ ହେବ।

କୋଭିଡ କାରଣରୁ ଚଳିତ ବର୍ଷ ଅତିଥି ତାଲିକା ଏବଂ ପରେଡ କଟାଯାଇଛି। ଦିଲ୍ଲୀର କୋଭିଡ ପରିସ୍ଥିତି ଯୋଗୁଁ ପ୍ରାୟ ୨୪ ହଜାର ଲୋକଙ୍କୁ ଚଳିତ ବର୍ଷ ଗଣତନ୍ତ୍ର ଦିବସ ପରେଡରେ ଯୋଗଦେବାକୁ ଅନୁମତି ଦିଆଯିବ। ସୂତ୍ରରୁ ପ୍ରକାଶ ଯେ, ଚଳିତ ବର୍ଷ ପ୍ୟାରେଡରେ ଯୋଗଦେବାକୁ ଥିବା ପ୍ରାୟ ୨୪ ହଜାର ଲୋକଙ୍କ ମଧ୍ୟରୁ ୧୯ ହଜାରଙ୍କୁ ନିମନ୍ତ୍ରଣ କରାଯାଇଛି ଏବଂ ଅନ୍ୟମାନେ ସାଧାରଣ ଜନତା, ଯେଉଁମାନେ ଟିକେଟ କିଣି ପାରିବେ। ଗତ ବର୍ଷ ମଧ୍ୟ କୋଭିଡ ମହାମାରୀ ମଧ୍ୟରେ ପରେଡ ଅନୁଷ୍ଠିତ ହୋଇଥିଲା ଏବଂ ପାଖାପାଖି 25,000 ଲୋକଙ୍କୁ ଏଥିରେ ଯୋଗଦେବାକୁ ଅନୁମତି ଦିଆଯାଇଥିଲା। ମହାମାରୀ ବିସ୍ଫୋରଣ ପୂର୍ବରୁ, 2020 ପ୍ୟାରେଡରେ ପ୍ରାୟ 1.25 ଲକ୍ଷ ଲୋକଙ୍କୁ ଅନୁମତି ଦିଆଯାଇଥିଲା ।

ଆମକୁ ଫୋଲୋ କରନ୍ତୁ
Instagram Youtube
English summary
Republic Day Parade will be organised with limited guest this year amid 3rd wave of Covid19
ସର୍ବଶେଷ ସମ୍ବାଦ ପ୍ରାପ୍ତ କରନ୍ତୁ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X