ଭାରତର ୭୫ତମ ଗଣତନ୍ତ୍ର ଦିବସ:ସେଲିବ୍ରେଟ୍ କଲା ସ୍ପେସାଲ ଡୁଡଲ୍, ଦେଖନ୍ତୁ ଏହାର ସୁନ୍ଦର ଝଲକ

Published: Friday, January 26, 2024, 10:08 [IST]

Google Doodle: ଭାରତର 75 ତମ ଗଣତନ୍ତ୍ର ଦିବସର ବିଶେଷ ଉତ୍ସବରେ ଗୁଗୁଲ ଭାରତୀୟଙ୍କ ପାଇଁ ଏକ ସୁନ୍ଦର ଡୁଡଲ ପ୍ରସ୍ତୁତ କରିଛି । ଏହି ଡୁଡଲରେ ଗଣତନ୍ତ୍ର ଦିବସ ପରେଡର ଝଲକ ଦେଖିବା ପାଇଁ ମିଳୁଛି । ଏହା ସହ ଏହି ଡୁଡଲ୍ ଦଶନ୍ଧି ମଧ୍ୟରେ ଭାରତର ବିକାଶକୁ ମଧ୍ୟ ଦର୍ଶାଉଥିବାର ଦେଖିବା ପାଇଁ ମିଳିଛି । ଗୁଗଲର ଏହି ଡୁଡଲରେ ରିପବ୍ଲିକ୍ ଡେ ପରେଡକୁ ତିନୋଟି ଭିନ୍ନ ଭିନ୍ନ ପରଦାରେ ଦେଖିବା ପାଇଁ ମିଳୁଛି ।

ଡୁଡଲରେ ପ୍ୟାରେଡ୍ ପ୍ରଥମ ପରଦାରେ କଳା ଏବଂ ଧଳା ଟିଭିରେ ପ୍ରଦର୍ଶିତ ହୋଇଛି ଏହା ପରେ ଅର୍ଥାତ୍ ଦ୍ୱିତୀୟ ପରଦାରେ, ରିପବ୍ଲିକ୍ ଡେ ପରେଡ ରଙ୍ଗିନ୍ ଟିଭିରେ ଏବଂ ତୃତୀୟ ପରଦାରେ ମୋବାଇଲ୍ ଫୋନରେ ଭାରତର ଗଣତନ୍ତ୍ର ଦିବସ ପରେଡର ଝଲକ ଦେଖିବାକୁ ମିଳୁଛି ।

ତେବେ ଗୁଗୁଲ ଭାରତକୁ ଗଣତନ୍ତ୍ର ଦିବସ ଅବସରରେ ଶୁଭେଚ୍ଛା ଜଣାଇଛି। ଏହି ଡୁଡଲ ବିଷୟରେ ସୂଚନା ଦେଇ ଗୁଗୁଲ କହିଛି, "ଏହି ଡୁଡଲ ଭାରତର ଗଣତନ୍ତ୍ର ଦିବସ ପାଳନ କରେ, ଯାହା 1950 ମସିହାରେ ଯେତେବେଳେ ଭାରତର ସମ୍ବିଧାନ ଗ୍ରହଣ କରାଯାଇଥିଲା ଏବଂ ନିଜ ଲୋକତନ୍ତ୍ର ଦେଶ ଭାବେ ଘୋଷଣା କରିଥିଲା ସେହି ଦିନକୁ ମନେ ପାଇଥାଏ ।

ଏହି ଡୁଡଲକୁ କଳାକାର ବୃନ୍ଦା ଜାଭେରୀ ପ୍ରସ୍ତୁତ କରିଛନ୍ତି । ବୃନ୍ଦା ଜାଭେରୀଙ୍କ ଦ୍ୱାରା ଆଙ୍କାଯାଇଥିବା ଆଜିର ଡୁଡଲରେ ରିପବ୍ଲିକ୍ ଡେ ପରେଡର ତିନୋଟି ଭିନ୍ନ ଭିନ୍ନ ପରଦାରେ ଦେଖିବା ପାଇଁ ମିଳୁଛି ।

Published On January 26, 2024