ବେଙ୍ଗାଲୁରୁ ରାମେଶ୍ୱରମ କାଫେ ବୋମା ବିସ୍ଫୋରଣ ଘଟଣା: ଜାରି ହେଲା ଅଭିଯୁକ୍ତ ଫଟୋ, ସୂଚନା ଦେଲେ ମିଳିବ ୧୦ଲକ୍ଷ ଟଙ୍କା
Rameshwaram Cafe Blast Case: ବେଙ୍ଗାଲୁରୁ ରାମେଶ୍ୱରମ କାଫେରେ ବୋମା ବିସ୍ଫୋରଣ ଘଟଣା । ମୁଖ୍ୟ ଅଭିଯୁକ୍ତର ଏକ ଫଟୋ ଜାରି କରାଯାଇଛି ଏବଂ ଉକ୍ତ ବ୍ୟକ୍ତି ବିଷୟରେ ଯିଏ ସୂଚନା ଦେବ ତାଙ୍କୁ ୧୦ ଲକ୍ଷ ଟଙ୍କା ପୁରଷ୍କାର ରାଶି ଦିଆଯିବା ନେଇ ଘୋଷଣା କରାଯାଇଛି । ଏହି ଫଟୋରେ ଅଭିଯୁକ୍ତ ବ୍ୟାଗ ଧରି କ୍ୟାପ ପିନ୍ଧିଥିବାର ଦେଖିବା ପାଇଁ ମିଳୁଛି ।
NIA ପକ୍ଷରୁ ଜାରି କରାଯାଇଥିବା ସୂଚନା ଅନୁସାରେ, ରମେଶ୍ୱରମ୍ କାଫେରେ ବୋମା ଲଗାଇଥିବା ବ୍ୟକ୍ତିଙ୍କ ବିଷୟରେ ଯିଏ ସୂଚନା ଦେବ ତାଙ୍କୁ ୧୦ ଲକ୍ଷ ଟଙ୍କା ପୁରସ୍କାର ଦିଆ ଯିବ ଏବଂ ସୂଚନା ଦେଇଥିବା ବ୍ୟକ୍ତିଙ୍କ ପରିଚୟ ଗୁପ୍ତ ରଖାଯିବ।
ମାର୍ଚ୍ଚ ୨ ତାରିଖରେ ବେଙ୍ଗାଲୁରୁର ପ୍ରସିଦ୍ଧ ରମେଶ୍ୱରମ୍ କାଫେରେ ବିସ୍ଫୋରଣ ହୋଇଥିଲା। ଏଥିରେ ୧୦ ଜଣଙ୍କ ମୃତ୍ୟୁ ଘଟିଥିଲା । ବର୍ତ୍ତମାନ ଏହି ମାମଲାର ଅନୁସନ୍ଧାନ NIA କରୁଛି । ଏହାପୂର୍ବରୁ କାଫେରେ ବିସ୍ଫୋରଣର ଫୁଟେଜ ଭାଇରାଲ ହୋଇଥିଲା । ଯେଉଁଥିରେ ଅଭିଯୁକ୍ତ ଜଣ ଇଡଲି ଅର୍ଡରେ ଦେଇଥିଲେ । ଏହା ପରେ ସେ ନିଜ ସାଥିରେ ଆଣିଥିବା ବ୍ୟାଗଟିକୁ କାଉଣ୍ଟର ପାଖରେ ରଖି ଅର୍ଡର ନ ନେଇ ଚାଲିଯାଇଥିଲେ ।
କାଫେ ବାହାରେ ଲାଗିଥିବା ସିସିଟିଭି ଫୁଟେଜରେ ଅଭିଯୁକ୍ତ କଏଦ ହୋଇଛି । ଫୁଟେଜରେ ଦେଖିବାକୁ ମିଳିଥିଲା ଯେ ବ୍ୟକ୍ତି ଜଣକ ଟୋପି ପିନ୍ଧିଥିଲେ ଏବଂ ତାଙ୍କ ହାତରେ ଏକ ବ୍ୟାଗ ଥିଲା ଏପରିକି ସେ ମାସ୍କ ଏବଂ ଚଷମା ମଧ୍ୟ ପିନ୍ଧିଥିବାର ଦେଖିବା ପାଇଁ ମିଳିଥିଲା । ଏଭଳି ପରିସ୍ଥିତିରେ ଏନଆଇଏ ବର୍ତ୍ତମାନ ୧୦ ଲକ୍ଷ ଟଙ୍କା ପୁରସ୍କାର ଘୋଷଣା କରିଛି।
ବେଆଇନ କାର୍ଯ୍ୟକଳାପ ଅଧିନିୟମ ଏବଂ ବିସ୍ଫୋରକ ପଦାର୍ଥ ଅଧିନିୟମ ଅନୁଯାୟୀ କର୍ଣ୍ଣାଟକ ପୋଲିସ ଅଭିଯୁକ୍ତଙ୍କ ବିରୋଧରେ ମାମଲା ରୁଜୁ କରିଛି। ଏହି ମାମଲାରେ ଏନଆଇଏକୁ ହସ୍ତାନ୍ତର କରାଯାଇଛି । ବର୍ତ୍ତମାନ ଅଭିଯୁକ୍ତଙ୍କ ସନ୍ଧାନ ଜାରି ରହିଛି ହେଲେ ଏପର୍ଯ୍ୟନ୍ତ କାହାକୁ ଗିରଫ କରାଯାଇ ନାହିଁ।
Click it and Unblock the Notifications
Sign in with Google