ବୁଷ୍ଟର ଡୋଜ ନେଇ ମେଡିକାଲ ସାଇନ୍ସକୁ ଟାର୍ଗେଟ କଲେ ବାବା ରାମଦେବ

ବିବାଦୀୟ ବୟାନ ଦେଇଛନ୍ତି ବାବା ରାମଦେବ । ହରିଦ୍ବାରରେ ପତଞ୍ଜଳୀ ଯୋଗପୀଠରେ ଆୟୋଜିତ ଏକ କାର୍ଯ୍ୟକ୍ରମରେ ଆମେରିକା ରାଷ୍ଟ୍ରପତି ଜୋ ବାଇଡେନକୁ ଟାର୍ଗେଟ କରି କୋରୋନା ଭ୍ୟାକ୍ସିନକୁ ମେଡିକାଲ ସାଇନ୍ସର ବିଫଳତା ବୋଲି କହିଛନ୍ତି ।

Published: Thursday, August 4, 2022, 16:50 [IST]

ଡେରାଡୁନ: ମହାମାରୀ କରୋନା ନେଇ ସରୁନି ଭୟ । ଦୁଇ ବର୍ଷ ହେବ ସାରା ବିଶ୍ବକୁ ଆତଙ୍କିତ କରି ରଖିଛି ଏହି ଭୂତାଣୁ । ଏହାକୁ ନେଇ ବର୍ତ୍ତମାନ ବୁଷ୍ଟର ଡୋଜ ଦିଆଯାଉଥିବେ ବେଳେ ଏହାକୁ ନେଇ ବିବାଦୀୟ ବୟାନ ଦେଇଛନ୍ତି ବାବା ରାମଦେବ । ହରିଦ୍ବାରରେ ପତଞ୍ଜଳୀ ଯୋଗପୀଠରେ ଆୟୋଜିତ ଏକ କାର୍ଯ୍ୟକ୍ରମରେ ଆମେରିକା ରାଷ୍ଟ୍ରପତି ଜୋ ବାଇଡେନକୁ ଟାର୍ଗେଟ କରି କୋରୋନା ଭ୍ୟାକ୍ସିନକୁ ମେଡିକାଲ ସାଇନ୍ସର ବିଫଳତା ବୋଲି କହିଛନ୍ତି ।

ବାବା ରାମଦେବ ଆହୁରି କହିଛନ୍ତି, "ଆମେରିକା ରାଷ୍ଟ୍ରପତି ଜୋ ବାଇଡେନ ତିନି ତିନି ଥର କୋରୋନା ସଂକ୍ରମିତ ହୋଇଛନ୍ତି । ଡବଲ ଡୋଜ ଭ୍ୟାକ୍ସିନ ଏବଂ ବୁଷ୍ଟର ଡୋଜ ପରେ ବି ବାଇଡେନ ପୁଣି କୋରୋନାରେ ଆକ୍ରାନ୍ତ ହୋଇଛନ୍ତି । ମେଡିକାଲ ସାଇନ୍ସରେ ସର୍ବ ଶକ୍ତିମାନ ଦେଶ ବୋଲାଉଥିବା ଆମେରିକା ବିଫଳ ହୋଇଛି ।" ଏବେ ପ୍ରାକୃତିକ ଔଷଧ ବିଶ୍ବ ଆପଣାଇବ ବୋଲି କହିଛନ୍ତି । ଆଜି କୋଟି କୋଟି ଲୋକ ତୁଳସୀ, ଆଲବେରା ଭଳି ଔଷଧକୁ ସ୍ଥାନ ଦେଇଛନ୍ତି ଯାହା ତାଙ୍କ ସ୍ବାସ୍ଥ୍ୟରେ ସମୃଦ୍ଧି ଆଣୁଛି ।

Published On August 4, 2022