Rajya Sabha Polls: ହିମାଚଳରେ କ୍ରସ୍ ଭୋଟିଂ, ଶାସକ ଦଳ ପ୍ରାର୍ଥୀକୁ ହରାଇଲେ ବିଜେପିର ହର୍ଷ ମହାଜନ
ନୂଆଦିଲ୍ଲୀ: ହିମାଚଳରେ କ୍ରସ୍ ଭୋଟିଂ । ଶାସକ ଦଳ ପ୍ରାର୍ଥୀକୁ ହରାଇ ରାଜ୍ୟସଭା ନିର୍ବାଚନ ଜିତିଲେ ବିଜେପି ନେତା ହର୍ଷ ମହାଜନ ।
ହିମାଚଳରେ ଶାସକ ଦଳ କଂଗ୍ରେସର ପ୍ରାର୍ଥୀ ଅଭିଷେକ ମନୁ ସଙ୍ଘଭୀଙ୍କୁ ହରାଇ ବିଜେପି ପ୍ରାର୍ଥୀ ବିଜୟୀ ହୋଇଛନ୍ତି । ଦୁଇ ପ୍ରାର୍ଥୀଙ୍କୁ ୩୪-୩୪ ଭୋଟ ମିଳିଥିଲା । ଏହାପରେ ଡ୍ର' ଅଫ୍ ଲଟ୍ସ କରିବାକୁ ନିଷ୍ପତ୍ତି ନିଆଯାଇଥିଲା । ଏଥିରେ ବିଜେପି ପ୍ରାର୍ଥୀ ବିଜୟୀ ହୋଇଛନ୍ତି ।
ହର୍ଷ ମହାଜନ କହିଛନ୍ତି ଯେ ଏହା ହେଉଛି ବିଜେପି, ନରେନ୍ଦ୍ର ମୋଦୀ ଏବଂ ଅମିତ ଶାହାଙ୍କ ବିଜୟ । ଏହି ସମୟରେ ପରାଜୟର ସମ୍ମୁଖୀନ ହୋଇଥିବା କଂଗ୍ରେସ ପ୍ରାର୍ଥୀ ଅଭିଷେକ ମନୁ ସଙ୍ଘଭୀ କହିଛନ୍ତି ଯେ ସର୍ବପ୍ରଥମେ ମୁଁ ହର୍ଷ ମହାଜନ (ବିଜେପି ପ୍ରାର୍ଥୀ) କୁ ଅଭିନନ୍ଦନ ଜଣାଉଛି, ସେ ଜିତିଛନ୍ତି ।
ହର୍ଷ ମହାଜନ ପୂର୍ବତନ ମୁଖ୍ୟମନ୍ତ୍ରୀ ଦିବଙ୍ଗତ ବୀରଭଦ୍ର ସିଂଙ୍କ ଘନିଷ୍ଠଙ୍କ ମଧ୍ୟରୁ ଜଣେ ଥିଲେ ଏବଂ ତାଙ୍କର ପ୍ରମୁଖ ରଣନୀତିକାର ମଧ୍ୟ ଥିଲେ । ହର୍ଷ ମହାଜନ ଚମ୍ୱା ବିଧାନସଭା ଆସନରୁ ତିନି ଥର ବିଧାୟକ ହୋଇଛନ୍ତି । କଂଗ୍ରେସ ଦଳର ବରିଷ୍ଠ ନେତା ତଥା ସୁପ୍ରିମକୋର୍ଟ ଆଇନଜୀବୀ ଅଭିଷେକ ମନୁ ସଙ୍ଘଭୀଙ୍କୁ ମୈଦାନକୁ ଓହ୍ଲାଇଥିଲା ।ଅନ୍ୟପଟେ ବିଜେପି ହର୍ଷ ମହାଜନଙ୍କୁ ପ୍ରାର୍ଥୀ କରି ନିର୍ବାଚନକୁ ରୋଚକ କରିଥିଲା ।
ଏଥି ସହ ହିମାଚଳ ବିଧାନସଭାରେ ବିରୋଧୀଦଳର ନେତା ଜୟରାମ ଠାକୁର କହିଛନ୍ତି ଯେ ଏତେ ସଂଖ୍ୟାଗରିଷ୍ଠତା ସତ୍ତ୍ୱେ କଂଗ୍ରେସ ରାଜ୍ୟସଭା ଆସନ ହରାଇଲା । ମୁଁ ପୁଣି ଥରେ ହର୍ଷ ମହାଜନଙ୍କୁ ଅଭିନନ୍ଦନ ଜଣାଉଛି ଆମେ କହିବା ଠିକ୍ ଯେ ଏହି ବିଜୟକୁ ଦୃଷ୍ଟିରେ ରଖି ହିମାଚଳ ପ୍ରଦେଶର ସିଏମ୍ ତାଙ୍କ ପଦରୁ ଇସ୍ତଫା ଦେବା ଉଚିତ୍ । ମାତ୍ର ଗୋଟିଏ ବର୍ଷ ମଧ୍ୟରେ ବିଧାୟକମାନେ ତାଙ୍କୁ ପରିତ୍ୟାଗ କରିଛନ୍ତି। ଏହି ନିର୍ବାଚନରେ ସେମାନଙ୍କ ପ୍ରାର୍ଥୀ ହର୍ଷ ମହାଜନ ଜିତିଛନ୍ତି ବୋଲି ରାଜ୍ୟ ବିଜେପି ଦାବି କରିଛି ।
ହିମାଚଳ ପ୍ରଦେଶର ୬୮ ସଦସ୍ୟ ବିଶିଷ୍ଟ ବିଧାନସଭାରେ କଂଗ୍ରେସ ପାଖରେ ୪୦ ଆସନ ରହିଛି । ଏହାସହ ତିନି ନିର୍ଦଳୀୟ ବିଧାୟକଙ୍କ ସମର୍ଥନ ରହିଛି ।
Click it and Unblock the Notifications
Sign in with Google