ପ୍ରତିଷ୍ଠା ଦିବସ ଅବସରରେ ପ୍ରତିରକ୍ଷା କ୍ଷେତ୍ରରେ ଡି.ଆର.ଡି.ଓ.ର ଭୂମିକାକୁ ପ୍ରଶଂସା କଲେ ପ୍ରତିରକ୍ଷା ମନ୍ତ୍ରୀ

ପ୍ରତିରକ୍ଷା, ଗବେଷଣା ଏବଂ ବିକାଶ ପ୍ରତିଷ୍ଠାନ- ଡି.ଆର.ଡି.ଓ.ର ଆଜି ପ୍ରତିଷ୍ଠା ଦିବସ ଅବସରରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ' ବୈଜ୍ଞାନିକ, ଡି.ଆର୍‍.ଡି.ଓ. କର୍ମଚାରୀ ଏବଂ ସେମାନଙ୍କ ପରିବାରବର୍ଗଙ୍କୁ ଶୁଭେଚ୍ଛା ଜଣାଇଛନ୍ତି। ଦେଶର ପ୍ରତିରକ୍ଷା ନିମନ୍ତେ ସବୁ ସମୟରେ ଦୃଢ଼ତାର ସହ ପ୍ରସ୍ତୁତ ରହିଥିବା ଏବଂ ପ୍ରତିରକ୍ଷା କ୍ଷେତ୍ରରେ ଆତ୍ମନିର୍ଭରଭାରତ ଲକ୍ଷ୍ୟ ହାସଲ ଦିଗରେ ଡି.ଆର୍‍.ଡି.ଓ.ର ଭୂମିକାକୁ ମନ୍ତ୍ରୀ ଶ୍ରୀ ସିଂହ ପ୍ରଶଂସା କରିଛନ୍ତି।

ସେ କହିଛନ୍ତି, ସ୍ୱଦେଶୀ ଅସ୍ତ୍ରଶସ୍ତ୍ର ନିର୍ମାଣ କରିବା ଏବଂ ଭବିଷ୍ୟତ ଲାଗି ପ୍ରଯୁକ୍ତିବିଦ୍ୟାକୁ ସଠିକ୍‍ ଢଙ୍ଗରେ ବ୍ୟବହାର ଦିଗରେ ଡିଆରଡିଓ ପ୍ରସ୍ତୁତ ରହିଛି। ୧୯୫୮ ମସିହାରେ ପୂର୍ବତନ ପ୍ରଧାନମନ୍ତ୍ରୀ ଜବାହରଲାଲ ନେହରୁଙ୍କ ସମୟରେ ଭାରତୀୟ ସେନାର ପ୍ରଯୁକ୍ତିବିଦ୍ୟା ବିକାଶ ପ୍ରତିଷ୍ଠାନ ଏବଂ ପ୍ରଯୁକ୍ତିବିଦ୍ୟା ବିକାଶ ଓ ଉତ୍ପାଦନ ନିର୍ଦ୍ଦେଶାଳୟ ଏବଂ ପ୍ରତିରକ୍ଷା ବିଜ୍ଞାନ ପ୍ରତିଷ୍ଠାନକୁ ମିଶ୍ରଣ କରାଯାଇ ଡି.ଆର୍‍.ଡି.ଓ. ଗଠନ କରାଯାଇଥିଲା।

ସେହି ସମୟରେ ଡି.ଆର.ଡି.ଓ.ର ୧୦ଟି ପରୀକ୍ଷାଗାର ଥିଲା। ଏବେ ଏହି ପରୀକ୍ଷାଗାର ସଂଖ୍ୟା ୫୨କୁ ବୃଦ୍ଧି ପାଇବା ସହ ଏଥିରେ ୫ ହଜାରରୁ ଅଧିକ ବୈଜ୍ଞାନିକ ଗବେଷଣା କାର୍ଯ୍ୟ କରୁଛନ୍ତି। ଡିଆରଡିଓ ଦିବସ ଅବସରରେ ସେନା ମୁଖ୍ୟ ଜେନେରାଲ ଉପେନ୍ଦ୍ର ଦ୍ୱିବେଦୀ' ଡି.ଆର.ଡି.ଓ. କର୍ମଚାରୀ ଓ ସେମାନଙ୍କ ପରିବାରବର୍ଗଙ୍କୁ ଶୁଭେଚ୍ଛା ଜଣାଇଛନ୍ତି। ଦେଶ ସୁରକ୍ଷାରେ ସେମାନଙ୍କ ଭୂମିକାକୁ ଜେନେରାଲ ଦ୍ୱିବେଦୀ ପ୍ରଶଂସା କରିଛନ୍ତି।