ଭାରତର ଅପରେସନ ସିନ୍ଦୂରର ସଫଳତା ପରେ ପଦ୍ମଶ୍ରୀ ପୁରସ୍କାର ବିଜେତାଙ୍କ ବଗିଚାରୁ ମାର୍କେଟକୁ ଆସିଲା ରାଜନାଥ ଆମ୍ବ
ଭାରତର 'ମ୍ୟାଙ୍ଗୋ ମ୍ୟାନ୍' ଭାବେ ଜଣାଶୁଣା ପଦ୍ମଶ୍ରୀ କଲିମୁଲ୍ଲା ଖାନ । ଲକ୍ଷ୍ନୌରେ ଥିବା ତାଙ୍କ ମାଲିହାବାଦ ବଗିଚାରେ ଦେଖିବାକୁ ମିଳିଥାଏ ଭଳିକି ଭଳି ପ୍ରଜାତିର ଆମ୍ୱ । ପ୍ରତିବର୍ଷ ଆମ୍ୱ ଋତୁରେ ଦେଖିବାକୁ ମିଳିଥାଏ ଆମ୍ୱର ନୂଆ ପ୍ରଜାତି । ତେବେ ଏଥରର ଆମ୍ୱ ଚାଷ ଥିଲା ବେଶ୍ ନିଆରା । କାରଣ ଏଥରର ଆମ୍ୱ ଚାଷ ଥିଲା ଟିକେ ସ୍ପେଶାଲ ।
ଭାରତର ଅପରେସନ ସିନ୍ଦୂରର ସଫଳତାକୁ ଏଥର ମ୍ୟାଙ୍ଗୋ ମ୍ୟାନ୍ ଦେଇଛନ୍ତି ସ୍ପେଶାଲ ଟ୍ରିବ୍ୟୁଟ୍ । ଏଥର ଆମ୍ୱକୁ ସେ ନାମିତ କରିଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କ ନାମରେ । ଅପରେସନ ସିନ୍ଦୂରର ସଫଳତା ପରେ ସେ ଏପରି କରିଥିବା ଜଣାପଡିଛି । ଏହି ସ୍ୱତନ୍ତ୍ର ଆମ୍ବର ଲମ୍ୱା ପ୍ରାୟ ୧୦ ଇଞ୍ଚ ଏବଂ ଓଜନ ୭୦୦ ଗ୍ରାମ । ଆଗକୁ ଏହାର ଓଜନ ଆହୁରି ବଢ଼ିବ।
ତାଙ୍କ ବଗିଚାରେ ଥିବା ଗଛରେ ରାଜନାଥ ସିଂହଙ୍କ ନାମ ସହିତ ଏକ ଫଳକ ଲଗାଇଛନ୍ତି । ସେ କୁହନ୍ତି ଯେ ରାଜନାଥ ସିଂହଙ୍କ ଉଚ୍ଚତା ପରି, ଆମ୍ବ ମଧ୍ୟ ଏକ ବଡ଼ ଆକାରର। ଏହି ପ୍ରକାର ସାତ-ଆଠ ବର୍ଷ ମଧ୍ୟରେ ପ୍ରସ୍ତୁତ ହୋଇଛି। ଏପର୍ଯ୍ୟନ୍ତ ଏହା କୌଣସି ଫଳ ଦେଇନାହିଁ। ଏହି ବର୍ଷ ଏହା ପ୍ରଥମ ଥର ପାଇଁ ଫଳ ଦେଇଛି।
ପୂର୍ବରୁ ସଚିନ ତେନ୍ଦୁଲକର, ଐଶ୍ୱର୍ଯ୍ୟା ରାୟ, ଅଖିଳେଶ ଯାଦବ, ସୋନିଆ ଗାନ୍ଧୀ, ନରେନ୍ଦ୍ର ମୋଦି ଏବଂ ଅମିତ ଶାହଙ୍କ ସମେତ ଅନେକ ପ୍ରମୁଖ ଭାରତୀୟ ବ୍ୟକ୍ତିତ୍ୱଙ୍କ ନାମରେ ଆମ୍ବ ପ୍ରଜାତିର ନାମକରଣ କରିଥିବା ଖାନଙ୍କୁ ଉଦ୍ୟାନ କୃଷି ଏବଂ ଫଳ ପ୍ରଜନନ ପ୍ରତି ତାଙ୍କର ଅନନ୍ୟ ଅବଦାନ ଏବଂ ସମର୍ପଣ ପାଇଁ ପଦ୍ମଶ୍ରୀ ପ୍ରଦାନ କରାଯାଇଥିଲା।
Click it and Unblock the Notifications
Sign in with Google