ମହିଳା ସଂରକ୍ଷଣ ବିଲ ପାରିତ ହେଲେ ରାଜୀବ ଗାନ୍ଧିଙ୍କ ସ୍ୱପ୍ନ ପୂରଣ ହେବ: ସୋନିଆ ଗାନ୍ଧି
Women Reservation Bill in parliament: ମଙ୍ଗଳବାର ଦିନ ଲୋକସଭାରେ 'ନାରୀ ଶକ୍ତି ବନ୍ଦନ' ଆଇନ ନାମକ ମହିଳା ସଂରକ୍ଷଣ ବିଲ୍ ଆଗତ କରାଯାଇଥିଲା। ଆଜି ସୋନିଆ ଗାନ୍ଧି କଂଗ୍ରେସ ପକ୍ଷରୁ ଏହି ବିଲ୍ ଉପରେ ଆଲୋଚନା ଆରମ୍ଭ କରିଥିଲେ ।
ମହିଳା ସଂରକ୍ଷଣ ବିଲ୍ ସପକ୍ଷରେ କଂଗ୍ରେସ ଅଛି ବୋଲି କହିଲେ ସୋନିଆ । ଏହା ସେ କହିଛନ୍ତି 'ମୋ ଜୀବନସାଥୀ ରାଜୀବ ଗାନ୍ଧି ହିଁ ପ୍ରଥମେ ଏହି ବିଲ୍ ଆଣିଥିଲେ' । ଏହି ବିଲ୍ ପାରିତ ହେଲେ ରାଜୀବଙ୍କ ସ୍ୱପ୍ନ ପୂରଣ ହୋଇଯିବ । ବିଲ୍କୁ କଂଗ୍ରେସ ସମର୍ଥନ କରୁଛି । ଦୀର୍ଘ ୧୩ ବର୍ଷ ହେବ ମହିଳାମାନେ ଏହି ବିଲ୍ ପାରିତ ହେବାକୁ ଅପେକ୍ଷା କରି ରହିଛନ୍ତି । ବିଲରେ ଓବିସି, ଏସସି, ଏସଟିଙ୍କୁ ମଧ୍ୟ ସାମିଲ କରାଯାଉ ।
ଅନ୍ୟପକ୍ଷରେ ସେ ଆହୁରି କହିଛନ୍ତି ଯେ, ମହିଳା ସଂରକ୍ଷଣ ବିଲ୍ ହେଉଛି ତାଙ୍କ ସରକାରଙ୍କ ଉପହାର। ସୋନିଆ ଗାନ୍ଧି କେନ୍ଦ୍ରକୁ ପ୍ରଶ୍ନ କରିଛନ୍ତି ଯେ, ଏତେ ବର୍ଷ ହେବ ମହିଳାମାନେ ରାଜନୈତିକ ନେତୃତ୍ୱ ନେବା ପାଇଁ ଅପେକ୍ଷା କରି ରହିଛନ୍ତି । ତେବେ ସେମାନଙ୍କୁ ଆହୁରି କାହିଁକି ଅପେକ୍ଷା କରିବାକୁ ପଡୁଛି । ଯଦି ଏହି ବିଲ୍ କେନ୍ଦ୍ର ସରକାର ଆଣୁଛନ୍ତି ତେବେ ଏହା ତୁରନ୍ତ କାହିଁକି ଲାଗୁ କରାଯାଉ ନାହିଁ ।
ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ, 'ନାରୀ ଶକ୍ତି ବନ୍ଦନ ଅଧିନିୟମ' ଆଇନରେ ପରିଣତ ହେଲେ ଏହା ତୁରନ୍ତ ଲାଗୁ କରାଯିବ ନାହିଁ । ଆଗାମୀ ଜନଗଣନା ପରେ ୨୦୨୬ରୁ ଏହା ଲାଗୁ କରାଯିବାର ସମ୍ଭାବନା ରହିଛି ।
ଏହି ବିଲକୁ ନେଇ ସୋନିଆ ଗାନ୍ଧି ଆହୁରି କହିଛନ୍ତି, 'ମହିଳା ସଂରକ୍ଷଣ ବିଲ୍ ଆମ ସରକାର ପ୍ରଥମେ ଆଣିଥିଲା' ଏହାପୂର୍ବରୁ ମଙ୍ଗଳବାର ଦିନ ଯେତେବେଳେ ସୋନିଆ ଗାନ୍ଧୀଙ୍କୁ ବିଲ୍ ଉପସ୍ଥାପନ ସମୟରେ ପଚରାଯାଇଥିଲା ସେତେବେଳେ ସେ କହିଥିଲେ ଯେ, ମହିଳା ସଂରକ୍ଷଣ ବିଲ୍ ଆମର ଅଟେ। ଏହା ବ୍ୟତୀତ କଂଗ୍ରେସ ଏହାର ଅଫିସିଆଲ୍ 'ଏକ୍ସ'ରେ ଲେଖିଛି, ମନମୋହନ ସିଂ ସରକାର ସମୟରେ ରାଜ୍ୟସଭାରେ ପାରିତ ହୋଇଥିବା ମହିଳା ସଂରକ୍ଷଣ ବିଲ୍ ଏବେବି ଜୀବିତ ରହିଛି । କେବଳ ଏତିକି ନୁହେଁ ସୋନିଆ ଗାନ୍ଧୀ ମଧ୍ୟ ମହିଳା ସଂରକ୍ଷଣ ବିଲ୍ ସମ୍ପର୍କରେ ପ୍ରଧାନମନ୍ତ୍ରୀ ମୋଦିଙ୍କୁ ଚିଠି ଲେଖିଥିଲେ । ମହିଳା ସଂରକ୍ଷଣ ବିଲ୍ ପାରିତ କରିବାକୁ କଂଗ୍ରେସ ଏହାର ଦାବିକୁ ଦୋହରାଇଛି।
ସେହିପରି କେନ୍ଦ୍ର ମନ୍ତ୍ରୀ ଅଶ୍ୱିନୀ କୁମାର ଚୌବେ କହିଛନ୍ତି ଯେ ୟୁପିଏ ଏବଂ "ଇଣ୍ଡିଆ"ର ଏହି ଲୋକମାନେ ମହିଳା ସଂରକ୍ଷଣ ବିଲ୍ ଉପରେ ଜନସାଧାରଣଙ୍କୁ ଦ୍ୱନ୍ଦ୍ୱରେ ପକାଉଛନ୍ତି କିନ୍ତୁ ବର୍ତ୍ତମାନ ଏହି ବିଲ୍ ନିଶ୍ଚିତ ରୂପେ ପାରିତ ହେବ ।
Click it and Unblock the Notifications
Sign in with Google