ଦୁଇ ବୋଲେରୋ ମୁହାଁମୁହିଁ ଧକ୍କ: ୩ମୃତ

ନୂଆଦିଲ୍ଲୀ:ରାଜସ୍ଥାନର ଝୁନଝୁନ ଜିଲ୍ଲା ମାଲସିସର ଅଞ୍ଚଳରେ ରବିବାର ଏକ ହୃଦୟ ବିଦାରକ ଦୁର୍ଘଟଣା ଘଟିଛି। ଅପରାହ୍ନ ପ୍ରାୟ ୪ଟା ସମୟରେ, ଏଠାରେ ଦୁଇଟି ବୋଲେରୋ ଗାଡ଼ି ମୁହାଁମୁହିଁ ଧକ୍କା ହୋଇଥିଲା। ଏହି ଦୁର୍ଘଟଣାରେ ତିନି ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଚାରି ଜଣ ଆହତ ହୋଇଛନ୍ତି । ମୃତକଙ୍କ ମଧ୍ୟରେ ଏକ ଦମ୍ପତି ଏବଂ ଜଣେ ଡ୍ରାଇଭର ଅଛନ୍ତି। ଦୁର୍ଘଟଣାରେ ବୋଲେରୋଟି ଓଲଟି ପଡ଼ିବାରୁ ଆହତଙ୍କ ଅବସ୍ଥା ଗୁରୁତର ହୋଇପଡ଼ିଛି ।

ସୂଚନା ମୁତାବକ ଉଭୟ ସ୍ବାମୀ-ସ୍ତ୍ରୀ ସେମାନଙ୍କ ଶ୍ୱଶୁର ଘରୁ ଫେରୁଥିଲେ । ଏହି ସମୟରେ ଦୁର୍ଘଟଣା ଘଟିଛି । ଜଣେ ଗୁରୁତର ଆହତ ମହିଳାଙ୍କୁ ଜୟପୁର ରେଫର କରାଯାଇଛି । ଦ୍ୱିତୀୟ ବୋଲେରୋରେ ଯାତ୍ରା କରୁଥିବା ଅନ୍ୟ ତିନି ଜଣ ଆହତଙ୍କୁ ବିଡିକେ ଜିଲ୍ଲା ହସ୍ପିଟାଲରେ ଭର୍ତ୍ତି କରାଯାଇଛି। ପୋଲିସର ସୂଚନା ଅନୁଯାୟୀ, ଏକ ବୋଲେରୋ ନିୟନ୍ତ୍ରଣ ହରାଇ ସାମ୍ନାରୁ ଆସୁଥିବା ଅନ୍ୟ ଏକ ଗାଡ଼ି ସହିତ ଧକ୍କା ହୋଇଥିଲା।

ଧକ୍କା ଏତେ ଜୋରଦାର ଥିଲା ଯେ ଗୋଟିଏ ବୋଲେରୋ ଓଲଟି ପଡ଼ିଲା ଏବଂ ଅନ୍ୟଟି ଜୋରରେ ବିସ୍ଫୋରଣ ହେଲା । ସ୍ଥାନୀୟ ଲୋକମାନେ ତୁରନ୍ତ ଘଟଣାସ୍ଥଳରେ ପହଞ୍ଚି ବୋଲେରୋରେ ଫସି ରହିଥିବା ଲୋକଙ୍କୁ ବାହାର କରିଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଗୁଡ଼ିକୁ ପୋଷ୍ଟମର୍ଟମ ପାଇଁ ପଠାଇଛି ଏବଂ ଆହତ ମାନଙ୍କ ଚିକିତ୍ସା ଚାଲିଛି।