ଓ୍ବାୟନାଡ ଆସନରୁ ଇସ୍ତଫା ଦେବେ ରାହୁଲ!

Published: Monday, June 17, 2024, 13:39 [IST]

ନୂଆଦିଲ୍ଲୀ: ଲୋକସଭା ନିର୍ବାଚନରେ କଂଗ୍ରେସ ନେତା ରାହୁଲ ଗାନ୍ଧୀ ଉତ୍ତରପ୍ରଦେଶର ରାୟବରେଲି ଓ କେରଳର ୱାୟନାଡ ଆସନରୁ ବିଜୟୀ ହୋଇଛନ୍ତି । ନିୟମ ଅନୁଯାୟୀ ନିର୍ବାଚିତ ହୋଇଥିବା ଦୁଇ ଆସନ ମଧ୍ୟରୁ ଗୋଟିଏ ଆସନରୁ ରାହୁଲଙ୍କୁ ଇସ୍ତଫା ଦେବାକୁ ପଡିବ । ଯେଉଁ ଆସନଟି ଛାଡିବେ ସେଠାରେ ଉପନିର୍ବାଚନ ଅନୁଷ୍ଠିତ ହେବ ।

ତେବେ ନିର୍ବାଚିତ ହୋଇଥିବା ଦୁଇ ଆସନ ମଧ୍ୟରୁ ରାହୁଲ କେଉଁଟି ଛାଡିବେ ତାକୁ ନେଇ ଦେଶରେ ହେଉଛି ବିଭିନ୍ନ ଆଲୋଚନ । ତେବେ ଏସବୁ ଭିତରେ ଆସିଛି ଏକ ବଡ଼ ଖବର । ଏବେ କୁହାଯାଉଛି କଂଗ୍ରେସ ନେତା ରାହୁଲ ଗାନ୍ଧି କେରଳର ୱାୟନାଡ ଲୋକସଭା ଆସନରୁ ଇସ୍ତଫା ଦେଇପାରନ୍ତି ଏବଂ ରାୟବରେଲିରୁ ସାଂସଦ ରହିବେ । ତେବେ ରାହୁଲ ଇସ୍ତଫା ଦେବା ପରେ ୱାୟନାଡ ଆସନରୁ କିଏ ଲଢିବେ ତାହାକୁ ନେଇ କଂଗ୍ରେସରେ ଦ୍ୱନ୍ଦ୍ୱ ଜାରି ରହିଛି ।

ବର୍ତ୍ତମାନ ଦଳର ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ୱାୟନାଡରୁ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବା ନେଇ କୌଣସି ଆଲୋଚନା ହୋଇନାହିଁ । ଏହି ଲୋକ ସଭା ନିର୍ବାଚନରେ ୱାୟନାଡ ଏବଂ ରାଏବରେଲି ଆସନରୁ ପୂର୍ବତନ କଂଗ୍ରେସ ସଭାପତି ରାହୁଲ ଗାନ୍ଧୀ ଜିତିଥିଲେ । ଏଭଳି ପରିସ୍ଥିତିରେ ତାଙ୍କୁ ଏଥିରୁ ଗୋଟିଏ ସିଟ ବାଛିବାକୁ ପଡିବ ।

ରାହୁଲ ଗାନ୍ଧି ଗତ ଲୋକସଭା ନିର୍ବାଚନରେ ୱାୟନାଡ ଏବଂ ରାଏବରେଲି ଆସନରୁ ବିଜୟୀ ହୋଇଥିଲେ । ଏହାକୁ ନେଇ ରାହୁଲ ଗାନ୍ଧି କହିସାରିଛନ୍ତି ଯେ ସେ ଦ୍ୱନ୍ଦ୍ୱରେ ଫସି ରହିଛନ୍ତି । ରାୟବରେଲି ଗାନ୍ଧୀ ପରିବାରର ପାରମ୍ପରିକ ଆସନ ହୋଇଥିବାବେଳେ ଏହାକୁ ରଖିବାକୁ ଚାହୁଁଛନ୍ତି ରାହୁଲ ।

ନିକଟରେ ରାହୁଲ ଗାନ୍ଧି ତାଙ୍କ ନିର୍ବାଚନ ମଣ୍ଡଳୀ ୱାୟନାଡ ଗସ୍ତ କରି ଭୋଟରଙ୍କୁ ଧନ୍ୟବାଦ ଜଣାଇଥିଲେ । ଏହି ସମୟରେ ସେ କହିଥିଲେ, କେଉଁ ସିଟ୍ ରେ ରହିବେ ଓ କେଉଁ ସିଟ୍ ଛାଡ଼ିବେ ସେ ଦ୍ୱନ୍ଦ୍ୱରେ ଅଛନ୍ତି ବୋଲି ଓ କହିଥିଲେ ।

Published On June 17, 2024