ହିନ୍ଦୀଭାଷୀ ରାଜ୍ୟରେ 'ଭାରତ ଯୋଡୋ' ଯାତ୍ରାକୁ ମିଳିଛି ସଫଳତା, ଭବିଷ୍ୟତରେ ସରକାର ଗଠନ କରିବ କଂଗ୍ରେସ: ରାହୁଲ ଗାନ୍ଧୀ

ନୂଆଦିଲ୍ଲୀ: କଂଗ୍ରେସର ଭାରତ 'ଯୋଡୋ ଯାତ୍ରା'ର ସଫଳତାକୁ ନେଇ ସାଂସଦ ରାହୁଲ ଗାନ୍ଧୀ କହିଛନ୍ତି ଯେ, ଦକ୍ଷିଣ ଅପେକ୍ଷା ତିନୋଟି ହିନ୍ଦୀଭାଷୀ ରାଜ୍ୟରୁ ତାଙ୍କୁ ଅଧିକ ସଫଳତା ମିଳିଛି । ପୂର୍ବ ଅପେକ୍ଷା କଂଗ୍ରେସ ଅଧିକ ଶକ୍ତିଶାଳୀ ହୋଇଛି । ସେ ଆହୁରି କହିଛନ୍ତି ଯେ, ଆଗାମୀ ଦିନରେ ଉତ୍ତର ଭାରତର ତିନୋଟି ରାଜ୍ୟରେ କଂଗ୍ରେସ ସରକାର ଗଠନ କରିବାକୁ । ଯେଠିକାର ଲୋକେ ଭୟ, ଘୃଣା, ମହଙ୍ଗା ଏବଂ ବେକାରୀକୁ ବିରୋଧ କରୁଛନ୍ତି । ଏହି ସମସ୍ତ ଜିନିଷରୁ ମୁକ୍ତି ପାଇବା ପାଇଁ ଏହି ରାଜ୍ୟର ଲୋକମାନେ ଭବିଷ୍ୟତରେ କଂଗ୍ରେସକୁ ସମର୍ଥନ କରିବେ ।

ରାହୁଲ ଗାନ୍ଧୀ ରବିବାର ଦିନ ଏକ ସାମ୍ବାଦିକ ସମ୍ମିଳନୀରେ କଂଗ୍ରେସର 'ଭାରତ ଯୋଡୋ ଯାତ୍ରା' ସମ୍ପର୍କରେ ଆଲୋଚନା କରିଥିଲେ । ସେ କହିଛନ୍ତି ଯେ, କଂଗ୍ରେସର ଏହି ଯାତ୍ରା ଲୋକମାନଙ୍କଠାରୁ ଭଲ ପ୍ରତିକ୍ରିୟା ପାଇଛି । ବର୍ତ୍ତମାନ କଂଗ୍ରେସ ହିନ୍ଦୀ ହୃଦୟରେ ସରକାର ଗଠନ କରିବ। 'ଭାରତ ଯୋଡୋ' ଯାତ୍ରା ଦକ୍ଷିଣ ରାଜ୍ୟ ତୁଳନାରେ ଉତ୍ତର ଭାରତ ରାଜ୍ୟରୁ ଭଲ ପ୍ରତିକ୍ରିୟା ପାଇଛି । ସେହିପରି କଂଗ୍ରେସ ସାଂସଦ ଏହା ମଧ୍ୟ କହିଛନ୍ତି ଯେ, 'ଭାରତ ଯୋଡୋ' ଯାତ୍ରାକୁ ସବୁଆଡେ ଜବରଦସ୍ତ ପ୍ରତିକ୍ରିୟା ମିଳିଛି । 'ଭାରତ ଯୋଡୋ ଯାତ୍ରା'ର ଉଦ୍ଦେଶ୍ୟ ହେଉଛି ଭୟ, ଘୃଣା, ମୂଲ୍ୟ ବୃଦ୍ଧି ଏବଂ ବେକାରୀ ବିରୋଧରେ ସ୍ୱର ଉତ୍ତୋଳନ କରିବା ଏବଂ ଯେଉଁଥିରେ ଆମକୁ ଅନେକ ଲୋକଙ୍କ ସମର୍ଥନ ମିଳିଛି ।

ତିନୋଟି ରାଜ୍ୟରେ କଂଗ୍ରେସ ସରକାର ଗଠନ କରିବ । ମଧ୍ୟପ୍ରଦେଶ, ହରିୟାଣାର, ଉତ୍ତରପ୍ରଦେଶରେ 'ଭାରତ ଯୋଡୋ' ଯାତ୍ରାକୁ ଭଲ ପ୍ରତିକ୍ରିୟା ମିଳିଛି । ଭବିଷ୍ୟତରେ କଂଗ୍ରେସ ଏହି ରାଜ୍ୟରେ ସରକାର ଗଠନ କରିବ ବୋଲି ରାହୁଲ ଗାନ୍ଧୀ କହିଛନ୍ତି । ଏହି ସରକାର କୃଷକ ଏବଂ ଗରିବ ଲୋକଙ୍କ ସ୍ୱାର୍ଥରେ କାର୍ଯ୍ୟ କରିବ।

English summary

Rahul Gandhi on Bharat Jodo Yatra: Congress form government in 3 states of North India.