ନାଗପୁରରେ ବିଜେପି ଉପରେ ବର୍ଷିଲେ ରାହୁଲ , ଜାଣନ୍ତୁ ବିଜେପିକୁ କଣ କହି କଲେ ଟାର୍ଗେଟ

Updated: Thursday, December 28, 2023, 18:26 [IST]

ନାଗପୁର:୨୦୨୪ ଲୋକସଭା ନିର୍ବାଚନକୁ ଦୃଷ୍ଟିରେ ରଖି ନାଗପୁରରେ କଂଗ୍ରେସ ଆଜି (ଡିସେମ୍ବର୨୮)ରେ ଏକ ବିଶାଳ ସମାବେଶ ଆୟୋଜନ କରିଥିଲା । ବାସ୍ତବରେ କଂଗ୍ରେସର ୧୩୯ ତମ ଫାଉଣ୍ଡେସନ ଦିବସ ଅବସରରେ ଏହି ସମାବେଶ ଆୟୋଜିତ ହୋଇଥିଲା । ଏହି ସମାରୋହ ଅବସରରେ ଦଳର ବହୁ ବରିଷ୍ଠ ନେତା ଏଠାରେ ଉପସ୍ଥିତ ଥିଲେ ।

ଏହି କାର୍ଯ୍ୟକ୍ରମରେ ଅଭିଭାଷଣରେ ରାହୁଲ ଗାନ୍ଧୀ କହିଛନ୍ତି ଯେ ଆମ୍ବେଦକର ଜୀଙ୍କ କର୍ମକ୍ଷେତ୍ରକୁ ଆସି ମୁଁ ବହୁତ ଖୁସି । ବର୍ତ୍ତମାନ ଦେଶରେ ବିଚାରଧାରାର ଲଢ଼େଇ ଚାଲିଛି । ଲୋକମାନେ ଭାବୁଛନ୍ତି ଏହା ଏକ ରାଜନୈତିକ ଏବଂ ଆସନ ପାଇଁ ହେଉଛି ଲଢ଼େଇ । କିନ୍ତୁ ଲଢ଼େଇର ମୂଳଦୁଆ ହେଉଛି ବିଚାରଧାରା । ଯାହା ବର୍ତ୍ତମାନ ଦେଶରେ ଦୁଇଟି ବିଚାରଧାରା ମଧ୍ୟରେ ଚାଲିଛି ଲଢ଼େଇ ।

ଏହି କାର୍ଯ୍ୟକ୍ରମରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଦାବି କରିଛନ୍ତି ଯେ ବହୁ ବିଜେପି ସାଂସଦ ମୋତେ ଲୋକସଭାରେ ଭେଟିଥିଲେ । ଏମିତିକି ବିଜେପି ସାଂସଦ ମୋତେ ଗୁପ୍ତରେ ଲୋକ ସଭାରେ ଭେଟି କହିଥିଲେ ଯେ ସେ ଭାଜପାରେ ରହିବାକୁ ସହ୍ୟ କରିପାରୁନାହାନ୍ତି । ଉପରରୁ ଆଦେଶ ଆସେ, ଆଉ ଆମକୁ ଅନୁସରଣ କରିବାକୁ ପଡିଥାଏ । ଆପଣ ଏହାକୁ ପସନ୍ଦ କରନ୍ତୁ କିମ୍ବା ନ କରନ୍ତୁ, ଭାଜପାରେ ଦାସତ୍ୱ ଜାରି ରହିଛି । ଉପରୁ ଯାହା କୁହାଯାଏ, ଚିନ୍ତା ନକରି କରିବାକୁ ପଡ଼ିଥାଏ ବୋଲି କହିଛନନ୍ତି ରାହୁଲ । ପୁର୍ବରୁ ରାଜାମାନେ ଯେମିତି ପ୍ରଥମେ ଆଦେଶ ଦେଉଥିଲେ, ଠିକ୍ ସେମିତି ବର୍ତ୍ତମାନ ବିଜେପିରେ ହେଉଛି ।

ରାହୁଲ ଗାନ୍ଧୀ ଆହୁରି କହିଛନ୍ତି ଯେ, ଆମକୁ ପଚରାଯାଉଛି କଂଗ୍ରେସ ତା'ର ଶାସନ କାଳ ମଧ୍ୟରେ କ'ଣ କରିଛି । ଦେଶରେ ପୂର୍ବରୁ ବ୍ରିଟିଶ ଥିଲେ, ରାଜାମାନଙ୍କୁ ଗନ ସ୍ୟାଲୁଟ ଦିଆଯାଉଥିଲା । । କାହାକୁ ୧୯ ତୋପର ସାଲ୍ୟୁଟ ତ କାହାକୁ ୨୧ ତୋପର ସାଲ୍ୟୁଟ ଦିଆଯାଇଥିଲା । ଦେଶର ଲୋକଙ୍କର କୌଣସି ଅଧିକାର ନଥିଲା ।

ଯଦି ରାଜା ଗରିବଙ୍କ ଜମି ପସନ୍ଦ କରନ୍ତି, ତେବେ ସେ ଏହାକୁ ଗୋଟିଏ ସେକେଣ୍ଡରେ ନେଇ ଯାଉଥିଲେ । କିନ୍ତୁ ସମ୍ବିଧାନ ସମସ୍ତଙ୍କର ଅଧିକାରକୁ ସୁରକ୍ଷା ଦେଇଛି । ଏହାକୁ ବାବାସାହେବ ଆମ୍ବେଦକର, ମହାତ୍ମା ଗାନ୍ଧୀ ଏବଂ ଜବାହରଲାଲ ନେହେରୁ ସୃଷ୍ଟି କରିଥିଲେ । ସମସ୍ତ ଅଧିକାର ସମ୍ବିଧାନରୁ ଆସିଛି । ଆଉ କଂଗ୍ରେସ ଏହି କାମ କରିଛି । ଆରଏସଏସ ଏବଂ ଭାଜପାର ଲୋକମାନେ ସମ୍ବିଧାନର ବିରୋଧୀ ଥିଲେ ।